Ka Hmuhton Mi

8. Ka Hmuhton Mi 

Mirum hna zeitin an rum ti ka vun ruah
A ruangcu: riantuan an huam, thathut an hmang lo
Tinhmi an ngei, rumnak caah rian an tuan
Phaisa an duh, an hnem, phaisa hlauh an ni ralring
An ngeihcia mi an ni karh ter
A miak umlo in riantuan an duh lo
Phaisa caah lihchim zong an ngamh
Mi hlen zong zei an poi lo
Rumnak ding caah cun

Mi cheukhat hna cu
An nu le pa ngeihcia ruangah an rum
Sianh lomi tuah ruangih a rummi zong an tam
Riantuan le a kawlzia thiam ruangih a rummi zong an um
Vanthat khawawng ton ruangih a rummi zong an tlawm lo
Mi bomh ruangih mi cheu an rum ve

Zei a sihmanhah, 
Rumnak cu vawlei cung nawl ngeihnak ci khat a si
Mi mi sifak mi hna caah rum an si tiah

Vawleicung ahhin a rummi tam hmanhselaw
A ngei lomi, si a fakmi, mi chambau, hawi tluk lo
A rum lomi nih vawlei cu an hluan dihko lomaw

Mi sifak hna an sifak peng kolai maw
Rumnak lam a hmu kho lo mi sifak cheukhat
Rumnak lam hmu ko nain a cawlcangh kho lo mi cheukhat
Rian i teirial bu in lawh a tling kho lo mi cheukhat
Sifahnak zei  rel lo ruang i si a fak mi cheukhat
Thathut ruang i sifak a ingpeng mi cheukhat
Mi tha lo chuhhnawh ruang i mirum sifak a tongmi cheukhat
Fimnak chambau ruang i si a fak mi cheukhat
Rum caan phan rih lo ruang i si a fak rih mi cheukhat
Dam lo, nomhnak duh, mi hlen tong ruang i sifak mi cheukhat

Adonghnak cu 
Mi sifak mi cu vawlei caah le mi rummi caah sifah an in hme cu
(3/12/2010)
    —————Amoschin Bk———————-