Thai-Malay Ramri ih Tahnak Ruam
Mibur ruakvuinak thlan ah mi 26 ih ruakfim pawl cu Thailand-Malaysia ramri ih milai rukzuarnak buuk (camp) kiangah hmuh a si thu Mail Online Thuthang cahmai ah May 1 le 2 ngan a si. Hih mithi ruhro pawl hi Myanmar le Banladesh minung rukzuar a tuartu pawl an siih Thai le Malaysia ram ah beunak hawl in raltlan pawl an si thu thuthang hram cun a ngan. Mi tambik cu Rohingya Muslim pawl an si tikhal ngan tel a si.
Songkhla ram tthen ih ramtthing tupi sungah minung leitu pawl ih lei ding hngak ih um, damlonak le rilrawn tihal tuar thei nawnlo ruangah rukzuartu pawl ih kaihtannak hmun hramlak ah harsatzet ih a thimi pawl an si. Hih hmun ahhin
minung 800 hrawng cu rukzuartu pawl ih kutsungah kaihtang in an um ih mi 30 hnak tam an thi. Palik ih dawi ttih ruangah le anmah karlak ah thuelawknak ruangah mithi pawl ih ruak pawl cu plastic thawn fun in leisungah a tombur in phum an si ih hrekkhat ttawttai pawl nung cing in tansan an si.
minung 800 hrawng cu rukzuartu pawl ih kutsungah kaihtang in an um ih mi 30 hnak tam an thi. Palik ih dawi ttih ruangah le anmah karlak ah thuelawknak ruangah mithi pawl ih ruak pawl cu plastic thawn fun in leisungah a tombur in phum an si ih hrekkhat ttawttai pawl nung cing in tansan an si.
Thailand ralkap 200 le mi runtu pawl cun nazi 1 lenglo tlangpar kai in tlangpar ramtupi sung an hawl hnu ah suahsan zomi buuk le ruak, ruhfim pawl an tong. Ruahbanlo piin pacang 1 le nauhak 2 nungdamlai cu an runsuak ngah ih a ngaibik Siizung ah kuat cih an si.
Human Rights Watch mibawmtu pawl cun hih thil rapthlak hi ziangtin a cang tipawl zalenzet in zingzoinak tuah dingah UN hminin Thailand acozah hnenah dilnak an nei ih hma an lak rero.
-Mail Online, (SD News: May 3, 2015)
Amos Uk Mangbk
No comments:
Post a Comment