Ziangtinkim ih dunglet cu thlemnak a si!
Paisa cu a hmang thiamtu hrang thansonak,
Hmang thiam lotu hrang hloralnak.
Mawinak hi mit hrang lawnglawng a si,
Hngalnak le uarawknak suah tertu a si,
Lenglam mawi nan sunglam sia a tam.
Nunau ih mawinak mipa hrang,
Mipa ih cahnak nunau hrang,
Thlemnak phunkhat an si veve.
Fimnak hi zirnak thawn a fehtlang,
Fimnak lawng a um tikah hngalnak,
Zirnak cun mi nautatnak a nei lo.
Hmurkaa ih suak tongfang a tihnung,
Tongkam mawi turnei a tampi,
A lang lomi thlemnak a si.
Hmanrua zaten thiltha an si, asinan -
Motor car, vanzam, tlangleng tvp tla
Thihnak thlen pitu an si thotho.
Ei lo - in lo ih supawk rero khal hi,
Caan neta ah sirsal ding a tam,
Ei-in supawk lo khal a tihnung.
Thiltha ih ruahmi siatnak thlentu a tampi.
A poi tuk!!! Kan timi thil tampi cu,
Nehhnu hrang lungawinak an si theu.
Nu le pa hman faate hrangah tihnung an si thei,
Zirhtu, hruaitu khal cuvek thotho an si,
A net tiang mitha si ding a thupi.
Ziangahtile thlemnak in mi a hril lo.
@Amoschin Bk
No comments:
Post a Comment