INN AH KAN TLUNG PEI

14. INN AH KAN TLUNG PEI
Tumtahbik khal nei cuca loin
Beiseinak le hiarnak tello piin
Khua tinkip, ram tinkip ah kan vaaivaak
Rualpi pawl suk ruangih suk
Rualpi pawl so rualih so
Rualpi pawl phei tikih phei vemai
Khui thleng ding ti theifiang lopi’n
Kan semnak runinn nuam cu “Mangtha” kan va ti...

Khat tlang kan liamhnu cun “Pa” kan hngilh
Hnih tlang kan lancun “Nu” kan mang nawnlo
Tlang tamnawn kan liamcun unau sungkhat kan thei nawnlo
Tikcu a rei deuhdeuh hngilh deuhdeuh
Pa, Nu, Unau pawlih nun simnak
Nun simnak hngilh deuhdeuh hlo deuhdeuh
Ar fa bang kirsal thiam nawn loin
A dang ram, khua, miphun karah
Daan cokrawi, nun laklawh, le zinhnok zawhin
Vaivuan nawn in camkhat te
Semnak khua le ram kan ruah zawnah
Kan tan mi runinn nuamah camkhat kan tlung pei....

-Amoschin Bk