“INRI” timi cafang pali hi Pontius Pilate ih ngan tami Latin ttongfang a si. Cuih san lai ah Latin ttong cu Roman Empire (ukmi ramkau) sungah official ih hmanmi ttong a si. Cangfang sau in ngan tikah “Iesvs Nazarenvs Rex Ivdaeorvm” a si. Latin cangan dan ah “I” cu Mirang ih “J” a siih “V” cu “U” a si. Mirang in a sullam cu "Jesus of Nazareth, the King of the Jews," ti a si. Kan Falam Bible ah “Nazareth mi Jesuh, Judah Siangpahrang,” ti a si.
Mangbangza pakhat a ummi cu Johan 19:21-22 sungah, Puithiam upa pawl in Pilat cu,
“ ‘Judah Siangpahrang,’ ti si loin ‘Judah Siangpahrang ka si, a ti,’ tiah ngan aw,” an ti. 22Pilat in, “Ka ngan zomi cu ka ngan vekin um seh,” tiah a ti.
Jesuh Khrih hi Siangpahrang a si taktak. Judah pawl in an pom thei lo nain Jesuh a thihnak mipi hmuhngan rori ah Pilate ih cangan ahhin a phuangaw. Pilate hin a ngansual pang si pei maw, Pathian thu a kimnak dingah ngan a si sawn pei maw? Pilate khal cun Puithiam pawl ih dilnak cu a tuahsak duh nawn lo. -ChristianAnswers.Net (SD News, April 2,2015)
Amos Uk Mangbk
No comments:
Post a Comment