A Maksak Thuthup Duhdawtnak

1. A Maksak Thuthup Duhdawtnak

Duhdawtnak ruangah kannih milai
Leitlun ah kan piang, duhhril nak telo’n
Kan piannak thuhrampi duhdawtnak

Hriamhrei cakbik, dantatnak sangbik
Thuneihnak hmuahhmuah, huatnak rohbik
Phunhnam danawknak, nu le pa lungkimpi lonak
Cupawlih phen theih lo, neh theih lo mi
Nunnak ih hiarhaal bikmi, le tulbik mi
A maksak thuthup umsun duhdawtnak 

Kan hawl… kan hai… kan hlam cuih thuthup 
Ruahsan in ka hngak duhdawtnak
Nu le pa,,, unau sungkhat,,, thianrual tin le
Uktu,,, zirhtu,,, hruaitu,,,  hnemtu hnen khalah
Rilrawng tihaal tuar in thlanti a for
Ningzahnak le mualphonak tla poisa lo’n
Mi aa bang’n hnihsan tiang kan hlawh
Duhdawtnak kan hawl lai ah

Sihmansehla,,, duhdawtnak taktak
Kan hmu, kan co, kan pom ngah hnucun
Mi zokhal an sirawk dah kel lo
Leitlun ih thupi bik,,, tulbik  le sunglawibik mi
A maksak thuthup duhdawtnak

A thu kan ruahah
A thuk sinsin,,, a kau deuhdeuh
A thlum bik,,,, cem ni a nei lo
Pathian ih duhdawtnak

-Amoschin Bk