Adoniram Judson le Innsang Thuanthu Tawi

Adoniram Judson le Innsang Thuanthu Tawi

Kawlram ah Baptist missionary ttuan hmaisabik Adoniram Judson cu 1788, August 9 ah a suak. A suahnak khua cu Malden, Middlesex County, Massachusetts a si.

1811 September 19 ah (American Board of Commissioners for Foreign Missions) in nisuahnak lamah missionary ttuantu dingah an hril. 1813 July13 ah a khualtlawn vivonak ihsin Yangon a thleng ih kum 37 sung missionary a ttuan hnu 1850 April 12 (kum 61) ah a lei tisa nunnak a cem.  Amah hi North America ih thlah hmaisabik mi Protestant missionary a siih

Kawlram sungih Baptist misssionary hramthoktu khal a si.

Innsang thu tawi:

Ann Hasseltine thawn 1812 February 5 an an neiaw. Ann thawn Kawlram ah missoinary an ttuan hnu 1826 October 24 ah a nupi Ann in a thihsan. Ann thawn fa (2) Roger Williams le Maria an nei nan kum no tein an thi veve.

1834 April 10 ah Sarah H. Boardman thawn an neiaw sal ih Sarah khal in 1845 September 1 ah a thihsan lala. Sarah thawn fa (8) an nei ih (3) in kum no tein  an thihsan ih (5) cu an dam. (Sarah zuk cu ka tong thei hrih lo)

1846 June 2 ah Emily Chubbuck a pathumnak nupi a tthit. Emily cu Judson a thihhnu 1854 June 1 ah lei nun a fehsan. Emily thawn fa (2) an nei ih a nauta cu Judson thih hnu zarh thum a pian ni ah a thisal.

Ni thupi hrekkhat pawl: 

- 19.2.1812 USA ihsin poksuak

- 13.7.1813   Yongon thleng

- 13.7.1816 "Grammatical Notices of the Burman

           Language" timi cabu tthehsuak

- 20.5.1817 Matthai cabu Kawl ttong in let

- 22.5.1817 Kawl ttongin Dictionary ngan thok

- 04.4.1819 Kawl ttong in ahmaisabik khawmnak nei

- 27.6.1819 Maung Naw baptisma a pek

- 12.7.1823 Thukam Thar (NT) tthehsuak

- 31.1.1834 Thukam Hlun (OT) tthehsuak

- 24.1.1849 English-Burmese Dictionary

            tthehsuak

* Cabu (English & Burmese) in ngansuakmi a dang tampi an um lai.

Note: FCC Bulletin  hrangah ka nganmi a si.

Post on: http://thechintimes.com/kawlram-tleunak-kengtu-adoniram-judson-le-innsang/

-Amos Uk Mangbk