THANKSGIVING DAY THUANTHU TAWI

THANKSGIVING DAY THUANTHU TAWI

Thanksgiving Day hman hmaisabiktu cu England ihsin biaknak raltlan (102) pawl in 1621 ah an thok. Hih biaknak raltlan pawl hin Atlantic Ocean pahtlang in  1620 ah North USA an thleng. North USA an thlen tikah inntek Wampanoag Indian mi pawlin lothlo le thlaici cindan an zirh hai ih cuisin rawlkhawm ding an neih lungawinak le thihnak ihsin an luat lungawinak puai an tuahmi ihsin a cangthok mi a si. Cuih an puai ah lothlo le thlaici cindan zirhtu Wampanoag Indian pawl khal an sawm dah.

A hmaisabik Thanksgiving Day an puai ah Nunau (5) hrawng lawng an tel tiah thuanthu thiam pawl in an sim. Ziangruangah tile nunau pawl cu biaknak raltlan ih an tawivahnak lamlak ah an nun an caan tiah an zum. Playmouth Pilgrims biaknak raltlan pawl ih Atlantic Ocean parih an tomi Long hmin cu Mayflower ti a si.
Playmouth tikulh an thlen tikah hminsinnak Lungto tumpi pakhat ah "1620" ca an ngan ta. Playmouth Pilgrim biaknak raltlan pawl hmaihruaitu cu Governor William Bradford a si.

# President Abraham Lincoln in  November Zarhlinak ih Thursday tinten rampi Thanksgiving Day hman dingah thu a than.



# USA ah kumtin ten Thanksgiving Day ih an eibik mi sa cu “turkey” timi zuatmi vate / ar phunkhat ih sa a si. Kumtin “turkey” ar 46million an that. California pawl in turkey ar sa an ei tambik ti a si.

# USA ram ah Thanksgiving Day cu November Zarhlinak (Thursday) tinten hman a si.

# Canada ram ah Thanksgiving Day cu October Zarhhnihnak (Monday) tinten hman a si.

# President George Washington in rampi in Thanksgiving Day hmang dingah 1789 le 1795 kum ah thu a than.

Note: FCC Cross Thuthang, November 2016 ih suahmi ah ka nganmi pawl khawlkhawm sal mi a si.