LO LO LO

12. LO LO LO
Kan ruah ban lo mile kan zum lo mi 
A cang thei lo, a si thei lo, a mawi lo
A um dah lo, a si dah lo, a cang dah lo,
A daan a si lo, ti ding a si lo, simding a si lo
Kan hmu dah lo, kan thei dah lo, kan tong dah lo

A tuantuk, a tlaituk, a cu hrih lo
Thudik si thei lo, thil um dahmi a si lo
Tuahding a si lo, fehding a si lo, sian ding a silo
Dunglam a si lo, hmailam a si lo, tlunlam le tanglam khal a silo
Kiangkap a thupi lo, boruak a thupi lo

Sungkhat unau a thupi lo, thianrual a thupi lo
Lennak a thupi lo, damnak a thupi lo
Mawinak a thupi lo, cahnak a thupi lo
Thiamnak a thupi lo, fimnak a thupi lo
Hminthatnak a thupi lo, mi’ uar ding a thupi lo
Peisa neih a thupi lo, ti theinak a thupi lo

Thil thupi zianghman a um lo
Nun khal a thupi lo, thih khal a thupi lo
Nun khal le— mitha, mi thalo, a thupi lo
Thihkhal le— khui khawvel khal a thupi lo
Thulolak men a si BAWIPA tello cun
Thil ziangkim hi... Lo Lo Lo!

-Amoschin Bk