A SILO MAW?

9. A SILO MAW?

Ruahnak tinkim tuahmi tinkim
Duhnak dangdang duhmi dang dang
Sim le rel cawk rual a si lo
Leitlun ih minung’ ruahnak

Hmel dangdang mawinak dangdang
Thawtzia dangdang: thlum, al, thak, thur, kha.........
Ringaw dangdang: daw, re, mi, fa, saw, la, ti, daw..........
Bangawk lo mi thil a phunphun,
A tum, a fate, a sang, a tawi

Ziangbangtuk, Ziangvek, ziang thu hla hmanah
Cahnak phunkhat, tawntainak ci khat
Duhdawtnak hnam khat, tumtahnak hrampi
A lam dang ciar, sinak dang ciar
Hlawknak kapkhat, sunnak kapkhat
Lamzin dangdang, fehtu dangdang
Kan zawhmi dangciar
Tumtahnak lamzin tluan ah
Kan covo tla a dang ciar ding
Curuangah,.........
      Kan danawkciar nak cu
      Kan bangawkciar nak A silo maw?

-Amoschin Bk