Malaysia Immigration Dept. in Cawhkuan Man RM 31 Million Ngahzo

Malaysia Immigration Dept. in Cawhkuan Man RM 31 Million Ngahzo
Malaysia ram sungah daan leng ih um, mai’ khua le ram ah tlungkir pawl cawhkuan ihsin sumlut zate RM31 million Immigration Department in Jan 1 ihsin July 13 tiangah a ngah. Himi hi  mai’ ram ah tlungkir theinak caanttha 3+1 program vekin daan lengih um sinak phuangin mai ram ah a tlungkirtu pawl hnen ihsin ngahmi a si.

“Malaysia ram sungah overstay in siseh, passport nung neilo in siseh a um nain mai’ ram ah tlungkir dingin surrender a tuahtu cu daantat a tuar lo ding. A luatnak hrang RM 100 le cawhkuan ah RM 300 telawng a pek ding,” tiah
director-general, Datuk Mustafa Ibrahim in a sim.
Tuttum ih mai’ ram ah tlungkir ding surrender tuahtu hi Indonesia mi an tambik. Cazin vek a sile: Indonesia (39,827); Nepal (9,148); India (6,468); Bangladesh (6,034); Myanmar (5,043); Pakistan (4,135); Vietnam (3,083); Sri Lanka (1,621); Philippines (1,084); Cambodia (913) le ram dangdang ihsin (1,396) tla an si thu Ibrahim cun a sim.
-Bernama, The Sun Daily (SD News 19 July 2015)