Bible In Simmi Kanmai’ Thu (10)

Bible ih Simmi Kan Sinak Thu (10)

1. Pathian fa kan si.

“Rinnak thawngin nan zatein Pathian ih fa nan si ih Khrih Jesuh thawn nan pehzom aw zo.” (Galati 3:26)

2. Jesuh ih rualpi kan si.

Nannih tla cu hnen-um tiah ka lo ti nawn lo, ziangah tile hnen-um cun a bawipa ih tuahmi kha a thei lo. ‘Hnen-um,’ ti nawn loin ‘Rualpi,’ tiah ka lo ko: ziangah tile ka Pa hnen ihsin ka theihmi hmuahhmuah cu ka lo sim ttheh zo a si. 

(John 15:15)

3. Khrih sungah nunthar neitu kan si.

Zozo khal Khrih thawn an pehzom awk tikah cun mithar a si; a nun hlun cu a cem ih nun thar a thok zo. (2 Korin 5:17)

4. Thlarau Thianghlim umnak biakinn kan si.

Nan ruangpum cu Thlarau Thianghlim biakinn a si ti nan thei lo maw? Cuih Thlarau cu nan sungah a um ih Pathian ih pekmi a si. Nannih cu nanmah ih ta nan si lo, Pathian ta nan si. (1 Korin 6:19)

5. Hnattuan sunglawi ttuantu dingah siamtharmi kan si.

Pathian in kan ttuan ding hrangih a rak timtuah ciami hnattuan ttha ttuantu dingah Khrih Jesuh sungin kannih cu siamtharmi kan si. (Efesa 2:10)

6.Thlarau nunnak cotu kan si.

Kan sualnak sungah thlarau lamin mithi cia kan si ko nain Khrih thawn nunnak ah in thoter sal zo. Pathian ih zaangfahnak thawngin rundammi nan si. (Efesa 2:5)

7. Pathian ih thuthangttha phuangtu ding kan si.

Sikhalsehla nan hnenih Thlarau Thianghlim a rung thlen tikah cahnak huham thawn nan khat ding ih Jerusalem le Judea ram le Samaria ram hmuahhmuah le leilung tlun a deng tiang keimah ih theihpitu nan si ding,” tiah a ti. (Acts 1:8)

8. Leilung hrang cite kan si.

Nannih cu mi phunkip hrangah cite nan si. Sihmansehla cite cu a alnak a ziam a sile alter sal a theih nawn lo. tthathnemnak zianghman a neih nawn lo ruangah hlon ding le pal men ding lawng a si. (Matthai 5:13)

9. Leilung hrang tleunak kan si.

Nannih cu leilung pumpi hrangah tleunak nan si. Tlangpar ih tohmi khua cu thuh a theih lo. (Matthai 5:14)

10. Vanram minung kan si.

Sikhalsehla kannih cu vancung ram minung kan si ih, kanmah Runtu Bawipa Jesuh Khrih vancung ihsin a rat ding kha kan hngak. (Filipi 3:20)

May God Bless You!

-Amos Uk Mangbk