Khawbual Thutsah

18. Khawbual Thutsah
(Buakkhua Version)
 .....Veikhat lai in Khawbual zawlah…..
Huihhiono te tsawpsiarsuar in ra atsia
Mawk le romei mawite zam diamduam in
Dangni te lim in Tosir mualzawl ah
Thunuam te relkhawm dang in
Nihtiam te bawldang in
Nau-u-mel-mak tian sahnung dang hun tela…….
            Phawk lai tsimmaw?
            Nik lai tsimmaw?
            Haimen ongla bang?

Pi le pu te Lairi le Luruh phummin Khawbual
Ei pu te…(Pawpi, Dawvang, Saza, Ngal, Mupi,….)
      te leida in munluah min Khawbual
Mawi sersur in a par
      Sawkrei le Zaizong te
Thingvum par le Leilak par
     Parmawi phunkim te parnak Khawbual
Bualphun hampitoh min Khawbual vang…….
Mualdang, Khawdang, Ramdang le Tipiral a leng a tsate hem
            Phawkreng kei sikhaw
            Nikreng kei sikhaw
            Haithong menngawl kei si….

Aw…Khawbual tsanak te….
Rallian khen neh zonung ngawl
       pipu te lungrualnak thinlung ro na tso nak
       Paithong tiar mah nen
Ralvan le hiam kolber khen a kham zongawl nak
       Umtu masa te umnak ro na tso nak
       Thap thongthong tiar mahneten
Thisen luang umnak laitsi ro na tso nak tsawh
        Na lengmin hem, na khunmin hem
        Kawnai khawzong ah tuh phawkreng in
        Bual nunmawi thaw

Ruatnak, thinlung munkhat in
Itnak thaw sualzah dun in, remdang reng in, kuatlendun in
Na khaw, na ram, na miphun
Na sulzawn na laizawn
Na Bualphun tsa
Pa Pathian tsa
Mai nawt a sing.....
 Khawbual Thu Tsah!

-Amoschin Bk