2020 Kum Atu le Hmailam A Tihnung

2020 Kum Atu le Hmailam A Tihnung
January thlacem kan naih ih thlakhat kan siarmi leitlun harsatnak le buainak cu a rapthlak. Vun siar ve hmanh:
January 2 – Australia ram meikang ruangah minung 33 thi, rannung-ramsa 500 million / (1 billion) an thi tiah cozah in a rak than.
January 3, 7 – USA in Iran ralbawi Soleimani a thah sak ruangah Iran mipi siarcawk lo zuun tuarnak le ramsung buainak a mak.
Cuih ruakvuinak ih palthat mi 56 an thi, hliam tuar 200 hrawng an si.
January 8 - Ukraine vanzam Iran pawlih kap tuarin mi 176 an thi.
January 9 - ISIL ralhrang in Nigerien ralkap 89 an kapthat.
January 18 – Yemeni Civil War thubuai ah ralkap 111 hriam tuarin an thi.
January 21 – China ramih Wuhan coronavirus natnak tihnung in leitlun thla a phang ter.
World Health Organization (WHO) emergency meeting an to. Mithi, mina ziangzat ti kan thei cio ko khah, mi ziangzat thihnak a thlenpi pei maw! (Source: 2020 Wikipedia)
January 25 - Chin state thlanglam ih raltlan mi 1,800 a kim, Chin state milu umzat ruah ah riahsiatza a si. (Source: OHCHR)

Zumtu Tleirawl Fala (Kum 15) A Thahawk Hlan Thucah

Zumtu Tleirawl Fala (Kum 15) A Thahawk Hlan Thucah - Lessons for all family
Nunu, tuarhar ti fualfo cingin, na hrangah hi ca ka ngan laiah ziangtlukin na tuar a har ve ding ti ka lo ruat tuk.
Nunu, ka lo duhtuk ti i theihsak hram aw. Nungsal ding si ningla nang cu ka nu dingah ka lo hril thotho ding, kan innsang tla suahsemnak inn si dingah ka hril thotho ding. Hmansehla cuvek caan ṭha cu ka hrangah a um nawn ding si lo!

Nunu, ka tuarnatnak boruak in keimah le keimah control theinak thazaang ka neih nawn lo ruangah ka duh lozetmi (mah le mah thahawknak) ka tuah hi a si. Tuarsuak thei dingin thla 13 rori ka rak zuam ṭenṭo nain ka tlintawk lo ruangah a si.

Nunu-Papa, nannih cun in theithiam sak lo men thei, kei khalin ka lo mawhthluk ngam ve lo ding. Ka ṭapa neihsun David, anih cun ni nikhat ah a theifiang leh ding, atu cu a kum a no tuk lai.

Nunu, ka pa thawn in duhzet ruangah thilri tampi in leisak, in pek ti ka thei, asinan kei cun ka hiarhal ringring mi cu duhdawtnak a si. Ka duhmi hnak tamsawn tiangin thilri in leisak, ka rualpi pawlih theihdah lomi hmun ṭhaṭha le nuam ah lengsuak in vahpi, asinan ka thinlung in duhdawtnak ka khop lo thotho. Ka sinak vekten in duhdawttu, ka thinlung tuarnak i tuarpi theitu ka hlam ringring a si. A caancaan teih kan innsang kan hni tlang, kan nuam tlang caan pawl cu zuunngai tuar bangin ka thinnatnak a sisal ṭheu. Thilri tampipi in pekmi, in leisak mi pawlin in hnem thei lo a si, keimah lawng lileng umhar ringring cu tuar a har ko.

2019 THLATIN THUTHANG

2019 THLATIN THUTHANG
"2019 Kum Ih Thlatin Leitlun Buainak: Leilungpi Nikhua Siat Ṭihnung Dinhmun A Si Zo"
January 28: U.S. Justice Department in Chinese Huawei company daantat a thok.
February 27–28: Hanoi, Vietnam khuapi ah US president Donald Trump le N. Korean chairman Kim Jong-un veihnihnak an tongawk.
March 10: Ethiopian Airlines Flight 302, Boeing 737 MAX 8 a tlak ih mi 157 an thi.
April 15: Holy Week sungah, Paris ih kum 900 lenglo Notre-Dame Cathedral biakinn pi a kangziam ṭheh.
April 21: Sri Lanka hmun 8 (biakinn 3, hotel 4 le inn pakhat) ah bomb phuahnak a um ih mi 259 an thi, mi 500 lenglo hliam an tuar.
May 3: Kivu Ebola ruangah mi 1,000 lenglo an thi.
May 5: Russia khuapi Moscow ah Aeroflot Flight 1492 vanzam mi 78 tomi a tlak ih mi 41 an thi.

LAI PHUNPI NI

LAI PHUNPI NI
LAI PHUNPI NI (CND) ah thangṭhatnak le sunlawinak a zatein Pa Pathian ta a si. Kan miphun hrihrampi cu pipu pawl si hmaisa loin Pa Pathian a si, kan lungawinak A hnen thleng hram seh!

Vei ziangzatnak (2020 - Vei 72 Nak) tiih zohman ih siar theih lo Pathian remruah ciami MIPHUN kan si. Curuangah Pathian zumtu CHIN mi-cungcuang pawl hnakin Kawl bawi pawl hmuak le sunloihnak pek kum a liam leh ding a si.

Tuah lo kum khal a um ruangah a vei ziangzatnak tihi siar le sal (ngan) lo sehla a ṭhasawn a si tiah upa hrekkhat ih thusuahmi hi ruahtlakzet a si. Independence Day, Christmas Day, Thanksgiving Day, National Day tivek pawl hi miphun picang pawlin thuanthu ah vei ziangzatnak tiah siar loin a ni kim tikah tuah ringring mi a si sawn. Kan CND khalhi veiziangzatnak tiih siar lo caan a thleng lai ding a si. A thupimi cu February 20 tinten leitlun huap hmunkhat ih tuah, hmang tlang thei ding hi a si.

Lungput

"Lungput"
Mi tampi ih theihpalhmi cu Christian lungput le minung lungput thleidan thiamlonak a si. Minung lungput hi a tlangpi in phunhnih a si tiah lungput lam mithiam pawlin an sim. Cucu (1) karhtawp lungput (fixed mindset) le (2) karhṭhang lungput (growth mindset) an si.

(1). Karhtawp Lungput (Fixed Mindset)
Karhtawp lungput a neitu pawl cun midang ih hleih ding, lan ding an phang ih an duh lo. Tlawngkaipi siseh, hnaṭuanpi siseh, member pi siseh anmah hnakih thiamsawn, hlawhtling sawn le thiltitheisawn an um tikah tuarnatnak an nei. Thupoi pakhat a um tikah kan dik maw_dik lo tihnakin kan neh maw_neh lo ti an thupi ter sawn. A poi betmi cu ruahnak pekmi, palhnak le thildik simfiang tik khalah an cohlang duh loih rem-awk an tum fawn lo. An pianpi theihfimnak, thiamnak le thiltitheinak an neihmi thazang pawl kha hitiang hi a tawk tiah an duhtawk-aw. Karh ter an tum lo, karhbet thei ding khalin an zum-aw lo.

(2). Karhṭhang Lungput (Growth Mindset)

"Man le A Man"

"Man le A Man"
Thilṭha mankhung zet hmang loih ret men mi, a um men mi hnakin a ṭul caan ih hman mi thil zaran te khi um man nei taktak a sisawn.

Minung khal Pathian ih hman mi kan si caan khi nunnak ih man a neihbik caan a si.

Mi zokhal nun man nei, mankhung le mi thupi kan si. A thupibik mi cu Pathian hman mi, hman theih mi le hman duh mi nun a si.

Mawinak, fimnak, thiamnak, lennak, hminthannak, titheinak kan neihmi a zaten Pathian ih hman mi si hram seh! Amen!

Zuk: Zoh tikah a sia zet zo nain hman rero lai mi asinak in man nei ah a cang. Pudu bazaar dawr pakhat ih hmian lai ka zukmi a si.

Man le A Man: October 12, 2019

Santhar Fifir Ralrin Ṭul

Santhar Fifir Ralrin Ṭul
2007 ah Yangon ih inn ṭhazet hmuan kulhmi, Inn luhnak sangka pahnih on ṭul ka rualpi tei' innpi cu zankhat ah olten rukru pawl an rak lut, inn sungih sui le tangka tampi an rak fir. Inn neitu pawl an um ko nan zianghman an thei lo, zingthawh hnu lawngah an rak thei.

Malaysia ah phone hlo, paisa hlo, thilri hlo tuthu tampi kan thei theih. Thlacam fehnak ah keimai buut siate hman thlacam reilote sungah veihnih in rak fir sak zo.

Thukham pahra lakah, "Ruk nan ru lo pei" ti a um. 1 Kor 6:10 khalah rukru cu Pathian uknak a co thei lo ding tiah a um. Ṭhenhra ṭhenkhat le thawhlawm nan pek lo tikah nan fir a si tiah Malakhi 3:8 ah a um.

Tulaisan ah, santhar fifir dan phun tampi a um. Thil neihsun a hlolonak dingah ralrin kan ṭul. A thupi sawnmi cu a tanglam thu pawl hi a si.

Zumtu kan lungawinak, dingfelnak, ruahsannak, biaknak&thangṭhatnak, peknak le thlacamnak nun pawl kha mi tampi nun ah a hlo vivo. Ṭhaten fingkhawi le ralrin lo ruangah mai' tihlohmi a um ih, ralringtuk cingin Satan ih ruk sakmi a um.

Bualkhaw Minung Kumternak

Bualkhaw Minung Kumternak
Bualkhaw ah kum 70 vum kumter mi (50) val Pathian in nunternak muitsu a burhnak te angpi dang sising. Damnak, thinnuam angnak thaw Pathian in lamhuai sak reng sen!

Bualkhaw ah milu 800 val om sungpin kum 70 vum mi 50 lun om asita Bualkhaw mi kumternak heh atawn in minung (16) ah mi (1) kum 70 val nung ti theihnung si. Theidik dang a sing.

Tsin kum 70 vum mi 50 kawnvel lakah mipa le nupang dinmun pan phang (2/5) khennga a khennih bek mipa a si manin Bualkhaw ah nupang te kumter nung sawn si.

"Thilṭha tuah tikah Thiṭha lo do A Telcih"

"Thilṭha tuah tikah Thiṭha lo do A Telcih"
#Christian pawl ziangruangah hremnak kan tuar timi thu (5) ngan mi lakah, "thilṭha kan tuahmi tampi cu midang ih diklonak langter, doneh khi a si," tiah an ngan. Midang siatnak tuah cu asilonan Jesuh dungthlunnak ruangah thilṭha kan tuahmi tampi cu midang, khawvel mi le Pathian zumlotu hrangah huat-umza khi a si ko.

#Minung khat le khat kan lungput danawknak ruangah kawhhran sungah, khuatlang ah, pawlkom sungah, innsungsang le rualpi lakah thilṭha kan tuahmi tampi cu a duhlotu pawl hrangah thinhennak men a si. Kan tuahmi a ṭhat lo ruangah siloin thilṭha a duhlotu hrangah cun mualphonak a si ruangah a si.

"Immanuel le Emmanuel”

Immanuel le Emmanuel
Malaysia boruak 2019 November 30 tiang:
> 🚓Kaihkhih oparasi vei 16,011
> 🛂Mikhual pawl check vei 184,556
> 🔗Daan leng um mikhual kaihmi 47,140
> 🔗Hnatuan neitu kaihmi 1,180
> 💲Hnatuan neitu cawhkuan tongmi 882.
(Ref. FWM)

Vanzam thawn khualtlawng ramsung lut an sian lomi an tam zia hi a mak. Daan vekin tulsammi an tlin lo ruangah lut sian lo an si tiah tuanvo neitu lamin an sim. January - October Malaysia airport thlen hnu kir tersal mi pawl cu:
~ Indonesia mi (20,676),
~ India mi (6,398),
~ China mi (4,793),
~ Bangladesh mi (3,155),
~ Myanmar mi (2,445) tla an si.(Ref. The Star)
2019 October tiang UNHCR cazin vekin Malaysia ah

Malaysia hi a sia ngaingai maw si?

Malaysia hi a sia ngaingai maw si?
Tuikum August thla ihsin thok Malaysia cozah ih siannak in (B4G) program ah (C.I) thawn ramdangmi 138,901 an tlungkir a si.
Immigration lam hotu ih sim vekin Indonesia mi (53,328), Bangladesh mi (38,734), India mi (22,964), Myanmar mi (6,923) le ram dangdang ihsin an si. Culak ah Chin mi tampi kan tel ve a si.
>
A liamcia kumthum lam ihsin 2018 June thla tiang work permit tuahsal dingih paisa thawn hmin aptu mi 744,000 an si. Asinan permit a ngahtu cu 110,000 lawng ti a si. Curuangah ramdangmi ngaihventu pawlkom hotu pawlin napin cozah an mawhthluk. Miphunpi rualpi mitheih hrekkhat pawl khal sumpai tampi cem nan permit ngah lo laklah an tel thotho.

Sweden Ah LUCIFER Hmin Neitu Mi 100 Luan An Um Zo

Sweden Ah LUCIFER Hmin Neitu Mi 100 Luan An Um Zo

An fapa (kum 1) hmin Lucifer tiih hminsak a duhtu Sweden mi nupa khuahhnih ih thu cu hnonsak a si. Lucifer hmin sullam hi "zinglam arsi tleu" tiah ruah asinan Satan simhmuhnak a si ruangah buainak a um thei tiih ruah a si.

Sweden ram ahhin Lucifer hmin a neitu mi 100 luan an um zo (mipa 119 le nunau 2) thu Statistics Sweden sirhsan in theih thei a si. Sihmansehla 2017 hnu cu daan in hivek hminsak hi nasaten kham zo ti a si.

Mi Zalen Single

Mi Zalen Single
#Single Sinak Phunthum
1. Nupi-pasal nei loih caan liam ruangah
2. Nupi-pasal ih thihsan hnu neihsal lo ruangah
3. Nupi-pasal thawn ṭhen-awk ruangah
#Single: Nupi-Pasal Neihlonak Phunthum
1. Single si dingih ruahcia sinak ruangah mihrek cu single sinak cu an suahpimi a si, mihrek cu nupi ṭhit lo dingah ciibel hlonmi an si, mihrek cu Vancung uknak Pathian hnaṭuan ruangah a si (Matt. 1911-12; 1 Kor 7:25-40).

Timothy Cakuat

Timothy Cakuat
November 6 le 10 hi leitlun huap Khristian hremnak tuartu pawl hrang thlacam ni hleice a si.
Khristian hremnak nasabik ram 50 ah zumtu 245 million hnak tam kan um ih cuih ram sawmnga ah 2017 November ihsin 2018 October tiang zumtu mi 4,000 lenglo thah an si, biakinn le center 1,226 siatsuah sak a siih hremnak nasatak ih a tuartu 2,625 an si.

Ahleice ih tulaifang thlacam sak ṭulmi Khristian hremnak nasazual ram pawl cu North Korea, China, Algeria, Egypt, Eritrea, India, Iran, Iraq, Saudi Arabia, Sri Lanka, Turkey tla an si (Ref: Christianitytoday).

Tlawngkai Lai Mino Pawlih Ṭulmi (7)

Tlawngkai Lai Mino Pawlih Ṭulmi (7)
1. Kawhhran Pakhat Pehzom Ding: 
Collage / University kai dingin inn le khua ih na kawhhran na suahsan ruangah pumkhawm na luat tinak a si lo. Na umnak asilole na tlawnginn thawn a naihbik mi Kawhhran pakhatkhat ah ṭhaten pehtlaih awla rualpi tla nei in mino lakah tel ve aw.
2. Bible Study Group ah Telve Ding:
Na tlawngkai pi lakah Khristian rualpi an um ve ko ding. Curuangah nan tlawng, umnak campus sungah Bible study/ Bible siar group a um zo asile telve awla, a um hrih lo asile rualpi sawm aw in thok cih tum aw.

BIAKINN LAMZIN

BIAKINN LAMZIN
Tusan Khristian mino pawl ziangruangah biakinn an pan duh lo, biakinn an thleng lo, an khawm lo?
Mino kum 20-30 karlak pawl biakinn an thleng theilonak thu hitin an sim:
~ 34% cun tlawngkai ruangah an ti,
~ 32% cu soisel le relsiatnak a tam ruangah mipi ton an duh lo,
~ 29% cun biaknak lam rualpi neih lo ruangah biakinn an ngaina lo,
~ 25% cun kawhhran thuzirhnak le fehdan an lungkim lo ruangah khawm an paih lo,
~ 24% cu hnaṭuan buai ruangah biakinn an thleng thei lo.
Hihi LifeWay Research hnaṭuantu pawlin 2017 US ramsung kawhhran mino dinhmun an zingzoimi a si.

A Luar Sinsin Mi Thu Harsa (8)

A Luar Sinsin Mi Thu Harsa (8)
1. Sex Bangaw Ṭhitawknak (Gay Marriage)
Kawhhran in cohlang thei lo hmansehla cozah tampi in an cohlan zoih daan vekin ṭhitawknak caken (marriage certificate) an pek zo ruangah Khristian nudok padok tampi cu Kawhhran daan thlun nawn loin cozah daan in an neihawk rero thlang. Curuangah kawhhran tampi ih a buaisaling bikmi agenda a si rero zo, hmailam ah buainak a tam sinsin lai ding zum a um. Chin mi pawlih umnak Australia, USA, Canada, Denmark, New Zealand tivek ram pawl khalin an pompi mi a si zo.
A tanglam ram pawlih serh bangawk neihawk an pompi kum pawl hi zoh tikah kum 2000 hnulam hi a tamsawn a si. Cuih ram pawl cu:

Jesuh Ruangah Lawngfangkheh, Lu Metfai le Hmin Hlonsak mi, "42" tiih An Kawhmi Korea Nu ih Tuarnak

Jesuh Ruangah Lawngfangkheh, Lu Metfai le Hmin Hlonsak mi, "42" tiih An Kawhmi Korea Nu ih Tuarnak

Ka hmin “Thawngtla 42” tiah in ko. Thawnginn ka thleng leveten a hmaisabik ah ka suahkeh hmin in hlon sak. Zing nazi 8 tinten “42” tiah in ko. An hnen ka thlen theinak dingah Zawhte bangin kut le khuk bil cingin a bok in ka feh. Ka ding thei caan um sun khalah ka lu ka kuun, kut in khihtu palik pawl in zoh siang lo.

Nitin ten ka tuarmi cu a kel ringring in a har. Ka kut dunglam ah sihin palik dung ka thlun hnu thusuhnak inn khan sungah nazi pakhat lai hitin thu in sut ringring.

"Ralrinnak Tawtawrawt Aw (10)"

"Ralrinnak Tawtawrawt Aw (10)"

1. Minung kutneh engine khu le kangkhu bal ṭha lo pawl ruangah thli bal, vanruah sia, ei-in rawl le thingthei hanghnah hangrah fihnung le ṭihnung a tam sinsin ding.
2. Tihnawng-bal le hnawmbal fihnungza tampi hlon mi pawl ruangah kiangkap thingkung hrampi, lei par le tisung um ṭilva-ramsa le minung hrang natnak phunphun a pung sinsin ding.

3. Vur-tlang tiral in a cim dingih tilian, tisuar le tipi level kai ruangih nikhua siat, linghnin, thlisia le leilung cim leimin a roh sinsin ding.
4. Thlisia phunphun ruangah van boruak lolak sung um thaw a neimi thihnak le thaw nei lo thil siatnak, minung thihnak rapthlak pawl a besia sinsin ding.

RUNDAMNAK (Z6)

RUNDAMNAK (Z6)
#Rundamnak cu Ziang a si?
Pathian ih laksawng a si (Efe 2:8-9; Rom 6:23)

#Rundamtu cu Zo a si?
Jesuh Khrih (Kol. 1:14; Rom 5:12-21)
#Rundamnak cu Zo hrang a si?
Leilung mi zate hrang, sersiam mi pawl hrangah (Johan 3:16).
#Ziangruangah rundam kan si?
1. Leilung pumpi hi sualnak hnuaiah a um (Gal 3:22)
2. Sual man ding kan si ruangah (Rom 6:23a)
3. Kan zate in misual kan si (Rom 3:23; Jeim 2:10)
4. Zo khal thilṭha thei nacing ih a tuahlotu cu misual a si (Jeim 4:17)
#Ziangtin rundam kan si?
Jesuh ih tuahsaknak: tuarsaknak, pekawknak, raithawinak, thisen luannak (Gal. 3:13; Kol. 2:14; Heb. 9-10).

"Khristian Khuathlirnak"

"Khristian Khuathlirnak"
Cabuai parih Epal (Apple) cu hitin an zoh. Thingthei lam mithiam in a ṭhat le ṭhat lo a zingzoi. Zuk suaithiam cun mawitak in amah vekin a suai. Ei-in bawltu cun a lakih fatete in a phel ṭheh. Nauhak cun a hmu leveten a lak ih a ei. Asile leilungpi le a sungih thil um zaten siseh, cuih leitlun ih nun hi Khristian pakhat ih hmuhdan asilole Bible ih hmuhdan ziangtin so a si?

Mikip hrangih poimawh thusuhnak pathum pawl cu; 1) Minung ih pian hramthoknak khuitawk in? 2) Leilung siattertu hi ziangso a si? 3) Ziangtin kan tuahṭhat thei ding? ti pawl hi an si.

Thlacam Karbak (4)

Thlacam Karbak (4)
#Pathian_Thangṭhat_Uh_Si
Pathian a sinak thangṭhat uh si; Rundamtu a sinak thangṭhat uh si; A cahnak le huham ruangah thangṭhat uh si; Mangbangza a tuahmi ruangah thangṭhat uh si; Sersiamtu Pathian a si ruangah thangṭhat uh si.

#Kan_Ṭulsam_mi_Dil_Uh_Si
Ziangkim Amai’ ta a si ruangah dil uh si; Kan ṭulsam mi pe theitu a si ruangah dil uh si; Dilmi pek dingah thu in tiam mi a si ruangah dil uh si; Kan hrang thil ṭhasawn theitu le remruattu a si ruangah dil uh si; Kan ṭulsam mi a theicia na’n kan dilnak ngaitu a si ruangah dil uh si.

New Zealand ah Khristian Ṭumsuk: 2019 ah Non-Religious Tambik

New Zealand ah Khristian Ṭumsuk: 2019 ah Non-Religious Tambik
Khristian tambik a rak si dahmi New Zealand ram cu biaknak hrimhrim a cohlang lo (no religion) pawl an tambik tiah TVNZ thuthang in September 24 ah a than.

2013 ah Khristian hi 47.65 percent asinan tuikum ahcun 37.31percent rori tiang a tlak. 2018 ah biaknak cohlang lo mibur hi 48.59 percent an kim, 2013 ahcun 41.92 percent lawng an rak si dah.

2013 ihsin 2018 biaknak mipum karhdan cu Sikhs biaknak 19,191 ihsin 40,908 karh, Islam biaknak 46,149 ihsin 40,908 le Hindu biaknak 89,319 ihsin 123,534 tiang, Khristian siar lo biaknak dang pawl an karh fingfing a si. (Source: https://www.tvnz.co.nz/one-news).

Ziangruangah Santhar Christian Mino An Ṭumsuk?

Q&A – Thusuhnak & Thulehnak (I)
Ziangruangah Santhar Christian Mino An Ṭumsuk?
1. Kawhhran daan ih ṭul tengteng mi khal siloin cangvaihnak, mi thu cawngih cawngmi a tamtuk tikah nun lem a karh vivo. Cangvaihnak tinah thu lawng a ngah lo, sumpai a ṭul. Sumpai ngah theinak dingah Kawhhran cu bazaar vek thil zuarnak le leiba cawhnak ah a cang. Sumpai semrel mi pawl tla cun biakinn ih khawm hnakin tohmun le tappi ih video, audio thawn sermon ngai hi hlawksawn ah an ruat. Ziangahtile biakinn thlen cu fund hawlnak ticket, mission hrang, harsa bomnak hrang tvp a tamtuk. Cucun biakinn cu sumpai nei lo deuh le sumpai semrel mi hrangah khawm ding hreh-um in a cang. A muril thlarau le thutak thu ngaihven hnakin Fund hawl le sumkarh balance ah kan buai ta rori. Theihthiam a harmi thlarau lam ṭumsuknak kapkhat a si.

AN PALH A SI LO MAW?

AN PALH A SI LO MAW?
Chin mi Pathian thusimtu tampi in piangthar le piangthar nun an palh a si lo maw? Piantharnak thu an sim tikah piangthar nun an sim ṭheu. Curuangah mipi kan vaivuan. Piangthar hrih lo pawlin piantharnak hi piangthar nun nei ah an ruat, an buai, piangthar thei dingin an zum aw lo.

Mi piangthar cia khal thusimtu hrekkhat in piangthar hrih lo ah an can ter. Piangthar hrih lo khal an duh tikah mi piangthar ah an siar. Piantharnak le baptisma tla an rawi. Baptistma lak hi piantharnak a si lo an ti nan an duhmi cu piangthar le thar lo thei cuang loin hlawknak hrangah baptisma an pek thotho.

Riahsiatza India Christian Pawl Hremnak

Riahsiatza India Christian Pawl Hremnak

September 8, Open Doors USA thuthang ih a than mi vekin tulaifang India ram ih Christian pawl Jesuh Khrih dungthlun an sinak ruangah tidai phihsak, rawl lei sianlonak, tlawngkai sianlonak le thlankhur man kaihnak pawl tla an tuar laifang a si.

India ah Christian hremnak a sosang sinsin, ziangruangah so?
2014 ah Christian hremnak nasabik ram (28) nak asinan 2019 ahcun ram (10) nak rori a si. 2018 sung lawngah Christian hremnak vei (775) a um; thahnak (14) a um, hrem tuartu mi (50,819) an siih mipa (18,956) nunau (18,858) le nauhak (12,790) an si.

Hitiih thil umdan zoh tikah 2014 ihsin 2018 karlak hi India Christian pawl hremnak a sosang sinsin ti a lang. Christian le biaknak tenau deuh nunau tampi cu hramhram ih ihpi an si, cucu hremdan phunkhat ah an neihmi a si.

“BIBLE SUAL”

“BIBLE SUAL”
“Bible Sual” hi (Wicked Bible, Adulterous Bible, Sinners’ Bible) tiah kawh a si. King James Bible suah salmi a siih kum 1631 ah Robert Barker le Martin Lucas in London khawpi ah an suahmi a rak si.

Ziangruangah Bible Sual tiah kawh a rak si tile cuih Bible sungah Thukham (10) sungih pakhat ngansual ruangah a si. Cucu Suahlannak 20:14 ah “Ṭangṭawm sualnak nan tuah lo pei” timi zawn ah “LO” pakhat ngan hrelh ruangah a si. Mirang in “Thou shalt not commit adultery” tiih ngan ding asinan “Thou shalt commit adultery” tin ngan sual a rak si. Cucun, a sullam cu “Ṭangṭawm sualnak nan tuah pei” tiah a letling ta riai!

Control Ka Lo Pek (I Give You Control)!

Control Ka Lo Pek (I Give You Control)!

~~~~~~~~~~~~~~~~~~~~~
MMID nehzul, MM Election hrang timlamnak, AA ralbuainak, Australia Meikang, US-Iran buainak pawl thawn January kan lut tlang. 

Veikhat cu ka tomi taxi driver lamzin a fehsual ruangah thlen olnak lamzin i sut, ka theihtuk mi lamzin ti nana cu ol ten ka sim thei. Cutin tluangten tikcu tlai lo ten kan thleng thei. Taxi cu ka mawng lo nain diver cu ka control ko.

US le Iran Buainak Christian Tlang-au

US le Iran Buainak Christian Tlang-au
•••••••••••••••••••••••••••••••••••••••••••••
Nan thei maw, US><Iran buainak le leitlun ralpi hnakih a tihnung sawnmi ralpi cu SUAL ral a si. SUAL ralpi cun meithal, cerek le ralthuam ralhriam a keng lo. Veto power neitu ram lal a simi Trump, Putin, Boris, Philippe, Jinping pawl khal a ngam tuk. Sual sir lo le sualnak tuah man cu thihnak a si Rom 6:23. 

Trump cun US cozah le a ralkap pawl thu a pek thei. Cozah rambawi pawlin anmai' ramri sungah thu an nei. Kan Pathian cun ziangkim, miphun hmuahhmuah tlunah thu a nei (Saam 22:8).