1. Kawhhran Pakhat Pehzom Ding:
Collage / University kai dingin inn le khua ih na kawhhran na suahsan ruangah pumkhawm na luat tinak a si lo. Na umnak asilole na tlawnginn thawn a naihbik mi Kawhhran pakhatkhat ah ṭhaten pehtlaih awla rualpi tla nei in mino lakah tel ve aw.
2. Bible Study Group ah Telve Ding:
Na tlawngkai pi lakah Khristian rualpi an um ve ko ding. Curuangah nan tlawng, umnak campus sungah Bible study/ Bible siar group a um zo asile telve awla, a um hrih lo asile rualpi sawm aw in thok cih tum aw.
3. Khristian Rualpi Nei Ding:
Tleirawl lai rualpi thawn hmunkhat ih um tlang ringring hi tusan in a pe lo. Khualtlawng san, tlawngkai fimzir ih vakvaih san a si bangin na tlawngkai nak ah Khristian rualpi tha nei awla rualpi thalo lak in a lo kaihhruai thei ding.
4. Mentor Nei Ding:
Na rinsan le upat mi, mi pakhat khat pastor, hruaitu, lole na hnakih a senior sawn mi tlawngta pakhatkhat kha nangmah lo fingkhawitu dingah zangfah dil in va kop, va ben aw.
5. Ca Na Zoh Tikah Bible Siar Ding: Pathian ṭihzah hi fimnak hrampi a si bangtuk in ziangtluk ca zoh ding a tam hmanah Bible siar aw.
6. Thlacam Ding:
Tlawng na feh hlan, tlawnginn ih na colh caan le tlawng ṭum inn na thlen tikah thlacam aw. Pathian hnenah fimnak, himnak, tuarsuak theinak le nun hnangamnak dil in thlacam aw.
7. Pathian Hla le Sermon Ngai Ding:
Na umnak ah Biakinn, Bible study, le Pumkhawmnak tivek ziangkhal a remcang lo asi hmanah nangmah ten Gospel hla ngai, Sermon ngai awla Pathian biak (worship) ringring aw. Cun Khristian media: thuthang ca, thazang peknak le kawhhran thuthang pawl tampi thei zuam ve aw.
@Amoschinbk
No comments:
Post a Comment