"Lungput"Mi tampi ih theihpalhmi cu Christian lungput le minung lungput thleidan thiamlonak a si. Minung lungput hi a tlangpi in phunhnih a si tiah lungput lam mithiam pawlin an sim. Cucu (1) karhtawp lungput (fixed mindset) le (2) karhṭhang lungput (growth mindset) an si.
(1). Karhtawp Lungput (Fixed Mindset)
Karhtawp lungput a neitu pawl cun midang ih hleih ding, lan ding an phang ih an duh lo. Tlawngkaipi siseh, hnaṭuanpi siseh, member pi siseh anmah hnakih thiamsawn, hlawhtling sawn le thiltitheisawn an um tikah tuarnatnak an nei. Thupoi pakhat a um tikah kan dik maw_dik lo tihnakin kan neh maw_neh lo ti an thupi ter sawn. A poi betmi cu ruahnak pekmi, palhnak le thildik simfiang tik khalah an cohlang duh loih rem-awk an tum fawn lo. An pianpi theihfimnak, thiamnak le thiltitheinak an neihmi thazang pawl kha hitiang hi a tawk tiah an duhtawk-aw. Karh ter an tum lo, karhbet thei ding khalin an zum-aw lo.
(2). Karhṭhang Lungput (Growth Mindset)
Karhṭhang lungput a neitu pawl cun zuamnak le taimaknak suahin fimthiamnak lamah ṭhang vivo thei kan si tiah an zum-aw. Kiangkap boruak le hnaṭuanpi, tlawngkaipi le rualpi pawlih kharphihnak a tam hmanah dung an sip cuang lo. Palhnak cu zirnak ah an hmang, sual ah an ruat men lo. Zir duhnak le thiamsin duhnak an nei ih tontehmi kip ah lungput ṭhansonak caan ṭha an hawl. Lungput kau an nei ih cohlan thiamnak thawn zir duhnak le thiam duhnak an nei. Cutin zirnak le tuahnak hi thupizet in an nunpi.
Khristian lungput cu ruahnak le duhnak parah ṭhum-aw si loin Pathian theihnak le vanlam fimnak ah sisawn. A hrimhrim ah Khristian thinlung cu lei khawvel ah a ṭhum-aw lo (Kol. 3; Fil 2). Khristian miṭha si cingin karhtawp lungput lole karhṭhang lungput hi zumtu nun ah a um thei thotho. Curuangah minung lungput phun (2) parah ziangmi lungput tile Christian lungput hi zumtu kan lungput umdan ding a si.
Zuk ih ca hi siar tikah a fiang sinsin.
Karhṭhang lungput a neitu pawl cun zuamnak le taimaknak suahin fimthiamnak lamah ṭhang vivo thei kan si tiah an zum-aw. Kiangkap boruak le hnaṭuanpi, tlawngkaipi le rualpi pawlih kharphihnak a tam hmanah dung an sip cuang lo. Palhnak cu zirnak ah an hmang, sual ah an ruat men lo. Zir duhnak le thiamsin duhnak an nei ih tontehmi kip ah lungput ṭhansonak caan ṭha an hawl. Lungput kau an nei ih cohlan thiamnak thawn zir duhnak le thiam duhnak an nei. Cutin zirnak le tuahnak hi thupizet in an nunpi.
Khristian lungput cu ruahnak le duhnak parah ṭhum-aw si loin Pathian theihnak le vanlam fimnak ah sisawn. A hrimhrim ah Khristian thinlung cu lei khawvel ah a ṭhum-aw lo (Kol. 3; Fil 2). Khristian miṭha si cingin karhtawp lungput lole karhṭhang lungput hi zumtu nun ah a um thei thotho. Curuangah minung lungput phun (2) parah ziangmi lungput tile Christian lungput hi zumtu kan lungput umdan ding a si.
Zuk ih ca hi siar tikah a fiang sinsin.
No comments:
Post a Comment