Malaysia hi a sia ngaingai maw si?

Malaysia hi a sia ngaingai maw si?
Tuikum August thla ihsin thok Malaysia cozah ih siannak in (B4G) program ah (C.I) thawn ramdangmi 138,901 an tlungkir a si.
Immigration lam hotu ih sim vekin Indonesia mi (53,328), Bangladesh mi (38,734), India mi (22,964), Myanmar mi (6,923) le ram dangdang ihsin an si. Culak ah Chin mi tampi kan tel ve a si.
>
A liamcia kumthum lam ihsin 2018 June thla tiang work permit tuahsal dingih paisa thawn hmin aptu mi 744,000 an si. Asinan permit a ngahtu cu 110,000 lawng ti a si. Curuangah ramdangmi ngaihventu pawlkom hotu pawlin napin cozah an mawhthluk. Miphunpi rualpi mitheih hrekkhat pawl khal sumpai tampi cem nan permit ngah lo laklah an tel thotho.
>
UN lam thu khalah 2019 hi lungawi ding tawkfang a um nain ramdang fehlan theinak ding lam a har vivo hrih ko. Kum 6-7-10 hngah caan sau ah nauhak, fala tlangval, nu le pa kum in in hngak thei ve lo.
>
Culai ah leitlun ramkip cozah pawl an hnget lo, hmunkip ah buainak a sosang. Khawvel boruak remdaihnak tidai bangin a kaang.
Pathian ah siar lo ruahsan ding kan nei lo, Kawhhran ah mifel si zuamin umnak kipah zumtu rinsantlak si ding hi 2020 tumtah thupi ah neih cio uh si. Saam 31:24 Bawipa ah ruahsannak a neitu pawl cu cak le raltha in um uh.

2019 lam in hruaitu Pathian in nan nunnak hmailam lo thlawsuah hram seh. Amen!
________
Ref: The Star, FreeMalaysia