"Khristian Khuathlirnak"Cabuai parih Epal (Apple) cu hitin an zoh. Thingthei lam mithiam in a ṭhat le ṭhat lo a zingzoi. Zuk suaithiam cun mawitak in amah vekin a suai. Ei-in bawltu cun a lakih fatete in a phel ṭheh. Nauhak cun a hmu leveten a lak ih a ei. Asile leilungpi le a sungih thil um zaten siseh, cuih leitlun ih nun hi Khristian pakhat ih hmuhdan asilole Bible ih hmuhdan ziangtin so a si?
Mikip hrangih poimawh thusuhnak pathum pawl cu; 1) Minung ih pian hramthoknak khuitawk in? 2) Leilung siattertu hi ziangso a si? 3) Ziangtin kan tuahṭhat thei ding? ti pawl hi an si.
Sersiamtu Pathian a zumlotu ziangkim mahte cangsuak a si tiah a zumtu
pawl cun; 1) minung hi mahte thil a um mi ihsin tumtah bul um loih
piangsuak kan si, 2) Leilung hi tuahṭhat le fingkawi ding vekin kan upat
lo ruangah a si, 3) Kiangkap boruak thil um mi zohkhen ṭhatnak in
leilung hi kan runsuak thei ding tiah a parih thusuhnak pathum parah
ruahnak an nei.
Khristian mit in leilung le leitlun nun khawthlir daan ahcun; 1) Pathian ih sersiam mi - leilung uktu dingah le Amah thawn pawlkomnak nei dingah (Sem. 1:27-28; 2:15). 2) Pathian dokalh in minung sualnak ruangah leilungpi khal camsiat a si (Sem 3). 3) Pathian amah thotho in leilung le a sungih um zaten Khrih Jesuh ah in rundam sal (Sem 3:15; Luke 19:10), Pathian in lei thar le van thar a siamthar ṭheh leh ding (Isaiah 65:17-25) tihi Pathian zumlo pawlih theihban lo thusuhmi sannak a si.
Khristian khawthlir daan hi dikfelnak phunzakip le minung nundan hman timi a si ding vekih si rori nun famkimnak lamah mi a hruai a si. Khristian leilung khawthlir daan ah nun pakhat lawng a um, cucu Jesuh Khrih sungih nun lawng hi nung taktak sinak a si. Amah Jesuh Khrih rori in keimah cu lamzin, thutak, le nunnak ka si” (Johan 14:6) tiah a ti.
@Amoschinbk
Khristian mit in leilung le leitlun nun khawthlir daan ahcun; 1) Pathian ih sersiam mi - leilung uktu dingah le Amah thawn pawlkomnak nei dingah (Sem. 1:27-28; 2:15). 2) Pathian dokalh in minung sualnak ruangah leilungpi khal camsiat a si (Sem 3). 3) Pathian amah thotho in leilung le a sungih um zaten Khrih Jesuh ah in rundam sal (Sem 3:15; Luke 19:10), Pathian in lei thar le van thar a siamthar ṭheh leh ding (Isaiah 65:17-25) tihi Pathian zumlo pawlih theihban lo thusuhmi sannak a si.
Khristian khawthlir daan hi dikfelnak phunzakip le minung nundan hman timi a si ding vekih si rori nun famkimnak lamah mi a hruai a si. Khristian leilung khawthlir daan ah nun pakhat lawng a um, cucu Jesuh Khrih sungih nun lawng hi nung taktak sinak a si. Amah Jesuh Khrih rori in keimah cu lamzin, thutak, le nunnak ka si” (Johan 14:6) tiah a ti.
@Amoschinbk
No comments:
Post a Comment