"Immanuel le Emmanuel”

Immanuel le Emmanuel
Malaysia boruak 2019 November 30 tiang:
> 🚓Kaihkhih oparasi vei 16,011
> 🛂Mikhual pawl check vei 184,556
> 🔗Daan leng um mikhual kaihmi 47,140
> 🔗Hnatuan neitu kaihmi 1,180
> 💲Hnatuan neitu cawhkuan tongmi 882.
(Ref. FWM)

Vanzam thawn khualtlawng ramsung lut an sian lomi an tam zia hi a mak. Daan vekin tulsammi an tlin lo ruangah lut sian lo an si tiah tuanvo neitu lamin an sim. January - October Malaysia airport thlen hnu kir tersal mi pawl cu:
~ Indonesia mi (20,676),
~ India mi (6,398),
~ China mi (4,793),
~ Bangladesh mi (3,155),
~ Myanmar mi (2,445) tla an si.(Ref. The Star)
2019 October tiang UNHCR cazin vekin Malaysia ah

Chin mi refugee 23,500 kan si. Cun, UNHCR cazin siar ih a tel lo Chin mi tampi kan um thotho. (Ref. UNHCR)
A liamcia kum 25 sung hrawng Malaysia ih Chin mi dinhmun zohsal ah siseh, hmailam thil umdan ding vun thlirsung tikah kan hnen ah Pathian a um, Emmanuel!
Mi tamtak ram nuamsawn an thleng zo, hrekkhat thlanmual ah, hrekkhat kuat kir an si, hrekkhat an tlung, mi tampi Malaysia ah um lai.

Kan umnak ah zalen zetin Pathian kan biak, mission kan tuan, puai tumpipi kan tuah, pakhat hnu pakhat thiltha kan co. Harsatnak le remcanlonak tete cu leitlun hmunkip ah a um ve ko, tuarmi a dangdang men a si.
Pathian rinsan uh si. Pathian sunlawinak hrangah mi rinum Christian si zuam cio uh si.
Kan zate hnenah Christmas daihnak um hram seh! AMEN!
"Immanuel" hi Hebrew tong let tikah hman mi a siih "Emmanuel" hi Greek tong let tikah hman mi a si. A sullam a bangawk a si.  

Immanuel le Emmanuel : December 4, 2019