A Luar Sinsin Mi Thu Harsa (8)
1. Sex Bangaw Ṭhitawknak (Gay Marriage)
Kawhhran in cohlang thei lo hmansehla cozah tampi in an cohlan zoih daan vekin ṭhitawknak caken (marriage certificate) an pek zo ruangah Khristian nudok padok tampi cu Kawhhran daan thlun nawn loin cozah daan in an neihawk rero thlang. Curuangah kawhhran tampi ih a buaisaling bikmi agenda a si rero zo, hmailam ah buainak a tam sinsin lai ding zum a um. Chin mi pawlih umnak Australia, USA, Canada, Denmark, New Zealand tivek ram pawl khalin an pompi mi a si zo.
A tanglam ram pawlih serh bangawk neihawk an pompi kum pawl hi zoh tikah kum 2000 hnulam hi a tamsawn a si. Cuih ram pawl cu:
Ecuador (2019), Taiwan (2019), Austria (2019), Australia (2017), Malta (2017), Germany (2017), Colombia (2016), United States (2015), Greenland (2015), Ireland (2015), Finland (2015), England& Wales (2013), Brazil (2013), France (2013), New Zealand (2013), Uruguay (2013), Denmark (2012), Argentina (2010), Portugal (2010), Iceland (2010), Sweden (2009), Norway (2008), South Africa (2006), Spain (2005), Canada (2005), Belgium (2003), The Netherlands (2000), Mexico (2009) - Source: Pew Research Center.
2. Nauthlak (Abortion)
2019 ah US mipi 61% cun nauthlak hi cozah daan in thlak sian siseh tihi an duhdan a si thlang (PRC). Nauthlak thu ahhin cozah daan in siseh, Kawhhran daan in siseh sian le sian lo thuelawknak hi a sosang sinsin, thlak sian duhtu an pung sinsin. Daan in sian le sian lo thu ah si nawn loin tusan mino tampi, nu le pa tampi cun daan lengin an hmang nasa tuk zo.
3. Nunau ih Kaihhruainak (Women in leadership)
Tusan Kawhhran sung cangvaihnak tampi cu mipa pawlih tlaksamnak le zangzelnak ruangah nunau pawlih kaihhruainak in Kawhhran hna tampi a feh zo. Nunau ih kaihhruainak hi a dik lo tinak si loin mipa in nasa zetih zuam ṭulmi hmun tampi ah nunau pawlin an ṭangsawn ruangah a si. Tahṭhimnak ah kawhhran thlacam, kawhhran fund hawlnak tivek pawlah mipa pawl an zangzel, thazang an suah lo, nubu hna ah an ruat hrim bet - Pathian in pum a petu nunau pawl a khaisang ih hruaitu dingah a hril vivo a si tiah kawhhran thuthiam tampi ih hmuhdan a si.
4. Santhar Awnmawi (Type of worship music)
Mino pawlin santiluan awnmawi (music) an uar. Satan hlorhnak music le Pathian biaknak music, (Church Music) khal an thleidang thiam nawn lo. Nightclub music le State-show music tla biakinn sungah an kenglut vivo. Culai ah kum upa pawl cun an cohlang thei ve lo. Kawhhran ih biakkhawmnak cu music le P&W timi in nasatuk in danglamnak a suah ter.
5. Thlarau Laksawng (Spiritual Gifts)
Bible ih a lang lomi Thlarau laksawng tiah thinlung suak cangvaihnak ti ding awmang tampi a um zel ih, mipi khalin Thlarau laksawng dik le dik lo theihnak a mal ruangah vaivuannak, buainak tampi a um. Culak ah theih lo ṭong an timi thu khalah thuelawknak a cem thei lo.
6. Tipilnak (Baptism)
Kawhhran thlengnak in baptisma muril zirhawknak hi member hawlnak ah an hmangih piangthar cia an tharter sal, tharcia thar lo ah an cangih thar lo khal an thar rualrual in baptisma laksal a ṭul, a ṭul lo timi hi mipi hrang vaivuannak ngaingai a si.
7. Pulpit ih Ramkhel Thusim (Politics from the Pulpit)
Cozah ramkhelthu hi pulpit ih sim a thiang lo tiah Khristian tampi in an ruah laiah mi tampi cun a thiang ko tiah an pom ve. Ziangahtile Bible sungih Pathian in miphun a hrildan, a hmandan le a hruaidan hi zoh tikah Kawhhran in ramkhel thu hi hnong ding a si lo tiah a duhtu a um. Cozah uktu hrilawknak tikcu ah hivek lam hi Kawhhran le Cozah pehzomnak le pehzomlonak thu ah thu harsa ngaingai a si.
8. Rit theihnak Sivai (Alcohol)
Zuu le Khaini lawnglawng hi Laimi in sualnak tahfung ah kan sim tam. Tulai ih mi nun eisiattu lakah rit theih sivai a telmi thil a zaten a ṭha lo ṭheh a si. Culawng siloin biakinn sung tiangih kenluttu a tam vivo. Mi tampi in rit theih thil alcohol hman a poi lo an ti vivo, an hmang deuhdeuh. Van ram kainak dawntu a si lo tiah ruatin pumcawm hnaṭuannak phunkhat menih a ruattu, a hmangtu an tam sinsin tikah Khristian nun dingfelnak thu thlun in kawhhran hrangah buainak tumpi a si.
Ref: Christian Headlines
1. Sex Bangaw Ṭhitawknak (Gay Marriage)Kawhhran in cohlang thei lo hmansehla cozah tampi in an cohlan zoih daan vekin ṭhitawknak caken (marriage certificate) an pek zo ruangah Khristian nudok padok tampi cu Kawhhran daan thlun nawn loin cozah daan in an neihawk rero thlang. Curuangah kawhhran tampi ih a buaisaling bikmi agenda a si rero zo, hmailam ah buainak a tam sinsin lai ding zum a um. Chin mi pawlih umnak Australia, USA, Canada, Denmark, New Zealand tivek ram pawl khalin an pompi mi a si zo.
A tanglam ram pawlih serh bangawk neihawk an pompi kum pawl hi zoh tikah kum 2000 hnulam hi a tamsawn a si. Cuih ram pawl cu:
Ecuador (2019), Taiwan (2019), Austria (2019), Australia (2017), Malta (2017), Germany (2017), Colombia (2016), United States (2015), Greenland (2015), Ireland (2015), Finland (2015), England& Wales (2013), Brazil (2013), France (2013), New Zealand (2013), Uruguay (2013), Denmark (2012), Argentina (2010), Portugal (2010), Iceland (2010), Sweden (2009), Norway (2008), South Africa (2006), Spain (2005), Canada (2005), Belgium (2003), The Netherlands (2000), Mexico (2009) - Source: Pew Research Center.
2. Nauthlak (Abortion)
2019 ah US mipi 61% cun nauthlak hi cozah daan in thlak sian siseh tihi an duhdan a si thlang (PRC). Nauthlak thu ahhin cozah daan in siseh, Kawhhran daan in siseh sian le sian lo thuelawknak hi a sosang sinsin, thlak sian duhtu an pung sinsin. Daan in sian le sian lo thu ah si nawn loin tusan mino tampi, nu le pa tampi cun daan lengin an hmang nasa tuk zo.
3. Nunau ih Kaihhruainak (Women in leadership)
Tusan Kawhhran sung cangvaihnak tampi cu mipa pawlih tlaksamnak le zangzelnak ruangah nunau pawlih kaihhruainak in Kawhhran hna tampi a feh zo. Nunau ih kaihhruainak hi a dik lo tinak si loin mipa in nasa zetih zuam ṭulmi hmun tampi ah nunau pawlin an ṭangsawn ruangah a si. Tahṭhimnak ah kawhhran thlacam, kawhhran fund hawlnak tivek pawlah mipa pawl an zangzel, thazang an suah lo, nubu hna ah an ruat hrim bet - Pathian in pum a petu nunau pawl a khaisang ih hruaitu dingah a hril vivo a si tiah kawhhran thuthiam tampi ih hmuhdan a si.
4. Santhar Awnmawi (Type of worship music)
Mino pawlin santiluan awnmawi (music) an uar. Satan hlorhnak music le Pathian biaknak music, (Church Music) khal an thleidang thiam nawn lo. Nightclub music le State-show music tla biakinn sungah an kenglut vivo. Culai ah kum upa pawl cun an cohlang thei ve lo. Kawhhran ih biakkhawmnak cu music le P&W timi in nasatuk in danglamnak a suah ter.
5. Thlarau Laksawng (Spiritual Gifts)
Bible ih a lang lomi Thlarau laksawng tiah thinlung suak cangvaihnak ti ding awmang tampi a um zel ih, mipi khalin Thlarau laksawng dik le dik lo theihnak a mal ruangah vaivuannak, buainak tampi a um. Culak ah theih lo ṭong an timi thu khalah thuelawknak a cem thei lo.
6. Tipilnak (Baptism)
Kawhhran thlengnak in baptisma muril zirhawknak hi member hawlnak ah an hmangih piangthar cia an tharter sal, tharcia thar lo ah an cangih thar lo khal an thar rualrual in baptisma laksal a ṭul, a ṭul lo timi hi mipi hrang vaivuannak ngaingai a si.
7. Pulpit ih Ramkhel Thusim (Politics from the Pulpit)
Cozah ramkhelthu hi pulpit ih sim a thiang lo tiah Khristian tampi in an ruah laiah mi tampi cun a thiang ko tiah an pom ve. Ziangahtile Bible sungih Pathian in miphun a hrildan, a hmandan le a hruaidan hi zoh tikah Kawhhran in ramkhel thu hi hnong ding a si lo tiah a duhtu a um. Cozah uktu hrilawknak tikcu ah hivek lam hi Kawhhran le Cozah pehzomnak le pehzomlonak thu ah thu harsa ngaingai a si.
8. Rit theihnak Sivai (Alcohol)
Zuu le Khaini lawnglawng hi Laimi in sualnak tahfung ah kan sim tam. Tulai ih mi nun eisiattu lakah rit theih sivai a telmi thil a zaten a ṭha lo ṭheh a si. Culawng siloin biakinn sung tiangih kenluttu a tam vivo. Mi tampi in rit theih thil alcohol hman a poi lo an ti vivo, an hmang deuhdeuh. Van ram kainak dawntu a si lo tiah ruatin pumcawm hnaṭuannak phunkhat menih a ruattu, a hmangtu an tam sinsin tikah Khristian nun dingfelnak thu thlun in kawhhran hrangah buainak tumpi a si.
Ref: Christian Headlines
No comments:
Post a Comment