US le Iran Buainak Christian Tlang-au•••••••••••••••••••••••••••••••••••••••••••••
Nan thei maw, US><Iran buainak le leitlun ralpi hnakih a tihnung sawnmi ralpi cu SUAL ral a si. SUAL ralpi cun meithal, cerek le ralthuam ralhriam a keng lo. Veto power neitu ram lal a simi Trump, Putin, Boris, Philippe, Jinping pawl khal a ngam tuk. Sual sir lo le sualnak tuah man cu thihnak a si Rom 6:23.
Trump cun US cozah le a ralkap pawl thu a pek thei. Cozah rambawi pawlin anmai' ramri sungah thu an nei. Kan Pathian cun ziangkim, miphun hmuahhmuah tlunah thu a nei (Saam 22:8).
President zovek khalin thlipi an hran ter thei lo, tilet an tho ter thei lo, ruahpi an sur ter thei lo. Thimnak le tleunak an suahter thei lo. Nunnak le thihnak thu khal an nei lo. President order hnakin Pathian thupek ah a rinum sawn. A maksak zia cu 1 Sansiarnak 29:11-12 ah a kim. Amah a rinsantu cu kan him kumkhua ding Saam 91:1-16 a si.
Pathian minung pawl leitlun ziangtluk buai khal sehla, ralpi khal tho hmansehla, thihnak pialral kumkhua nunnak a cozotu, leithar le vanthar ih dingnak le zalennak hmun 2 Peter 3:13-14 a hngaktu kan si ruangah raltha uh si, Pathian duhnak hawlin mawhnak nei loin thanglian vivo uh si. Amen!
©Amoschinbk
No comments:
Post a Comment