Santhar Fifir Ralrin Ṭul2007 ah Yangon ih inn ṭhazet hmuan kulhmi, Inn luhnak sangka pahnih on ṭul ka rualpi tei' innpi cu zankhat ah olten rukru pawl an rak lut, inn sungih sui le tangka tampi an rak fir. Inn neitu pawl an um ko nan zianghman an thei lo, zingthawh hnu lawngah an rak thei.
Malaysia ah phone hlo, paisa hlo, thilri hlo tuthu tampi kan thei theih. Thlacam fehnak ah keimai buut siate hman thlacam reilote sungah veihnih in rak fir sak zo.
Thukham pahra lakah, "Ruk nan
ru lo pei" ti a um. 1 Kor 6:10 khalah rukru cu Pathian uknak a co thei
lo ding tiah a um. Ṭhenhra ṭhenkhat le thawhlawm nan pek lo tikah nan
fir a si tiah Malakhi 3:8 ah a um.
Tulaisan ah, santhar fifir dan phun tampi a um. Thil neihsun a hlolonak dingah ralrin kan ṭul. A thupi sawnmi cu a tanglam thu pawl hi a si.
Zumtu kan lungawinak, dingfelnak, ruahsannak, biaknak&thangṭhatnak, peknak le thlacamnak nun pawl kha mi tampi nun ah a hlo vivo. Ṭhaten fingkhawi le ralrin lo ruangah mai' tihlohmi a um ih, ralringtuk cingin Satan ih ruk sakmi a um.
Kan thilri pawl cu an him tla si ko ding, thilri hlo lo hi lungawiza a si. Pathian biak duhnak, pumkhawm duhnak, thlacam duhnak, biakinn thlen duhnak, pek duhnak, thangṭhat duhnak, midang duhdawtnak tvp kha kan nunah a hlo vivo a si ahcun thildang a si lo. Satan ih fir mi a si, "Rukru cu ru ding, that ding, siatsuah ding lawnglawngah a ra" (Johan 10:10).
Jesuh lawng nunnak tlamtling petu a si. Amai' hnen lawngah himnak a um. Amah thawn kan pehzomnak a ṭhat lawngah "Santhar Fifir" lak ihsin kan him ding a si. Amen!
Tulaisan ah, santhar fifir dan phun tampi a um. Thil neihsun a hlolonak dingah ralrin kan ṭul. A thupi sawnmi cu a tanglam thu pawl hi a si.
Zumtu kan lungawinak, dingfelnak, ruahsannak, biaknak&thangṭhatnak, peknak le thlacamnak nun pawl kha mi tampi nun ah a hlo vivo. Ṭhaten fingkhawi le ralrin lo ruangah mai' tihlohmi a um ih, ralringtuk cingin Satan ih ruk sakmi a um.
Kan thilri pawl cu an him tla si ko ding, thilri hlo lo hi lungawiza a si. Pathian biak duhnak, pumkhawm duhnak, thlacam duhnak, biakinn thlen duhnak, pek duhnak, thangṭhat duhnak, midang duhdawtnak tvp kha kan nunah a hlo vivo a si ahcun thildang a si lo. Satan ih fir mi a si, "Rukru cu ru ding, that ding, siatsuah ding lawnglawngah a ra" (Johan 10:10).
Jesuh lawng nunnak tlamtling petu a si. Amai' hnen lawngah himnak a um. Amah thawn kan pehzomnak a ṭhat lawngah "Santhar Fifir" lak ihsin kan him ding a si. Amen!
No comments:
Post a Comment