Mi Zalen Single#Single Sinak Phunthum
1. Nupi-pasal nei loih caan liam ruangah
2. Nupi-pasal ih thihsan hnu neihsal lo ruangah
3. Nupi-pasal thawn ṭhen-awk ruangah
#Single: Nupi-Pasal Neihlonak Phunthum
1. Single si dingih ruahcia sinak ruangah mihrek cu single sinak cu an suahpimi a si, mihrek cu nupi ṭhit lo dingah ciibel hlonmi an si, mihrek cu Vancung uknak Pathian hnaṭuan ruangah a si (Matt. 1911-12; 1 Kor 7:25-40).
2. Dinhmun ih pek lo ruangah nupi-pasal nei lo pawl cu:
(1) Nu le pa maw, lole innsang cawm ṭul ruangah, (2) Mai' duhmi lole mil-aw mi fala-tlangval um lo ruangah, (3) Tlawngkai lole sumpai hawl khualtlawnnak ih caan cem ruangah, (4) Mai duhmi fala-tlangval co ngah lo ruangah, (5) Nunau sinak-mipa sinak puitling lo ruangah, (6) Nupi-pasal neih thei dingih mah le mah rin-awk lo ruangah, (7) Ningzahnak le thinlung puitlinlonak ruangah, (8) Taksa pum tlaksamnak, harhdamlonak ruangah, (9) Nu le pa ih buainak le innsang harsattuk hmuhtonmi ihsin nupi-pasal nei ding ṭih ruangah, (10) Nupa sinak (sex) le nu-pa si ding ngam lo ruangah, (11) Fala-tlangval sinak thlah sian lo ruangah, (12) Nupi-pasal thawn ṭhenawksal pang ding ṭih ruangah tiin a tlangpi'n hih thu hleihnih ruangah a si.
3. Mai duhhrilnak ruangih single pawl cu:
(1) Mai' bulpak thil tumtahmi lawng thupi terih hlawhtlin le ti famkim duh ruangah, (2) Midang thawi' hnaihnok lote'n mahlawng um duh ruangah, (3) Mai' nunhlimnak thupibik ret ruangih nupi-pasal-faate innsang buainak hrial duh ruangah le (4) Zalen zetin biaknak lamih pumpek duhnak le midang rian duhnak ruangah a si.
#Single: Kop Nei lo Pawlih Buainak
1. Midang ih soiselnak, relsiatnak, capohnak, rinsanlonak a phunphun an tuar.
2. Mah le mah thinnaunak, zangfahawknak, duhawklonak le ningzahnak lam harsatnak an nei.
#Single Khristian Sinak hin Sullam A Nei
1. Bible sungih Pathian mihman tampi cu nupi-pasal nei lo, nei nawn lo le nei thei lo an si.
2. Bawi Jesuh in single sinak hi a nautat hrimhrim lo (Matt 9)
3. Paul cun single sinak hi a thupitter zet (I Kor. 7:1-40).
Mi Zalen Single
No comments:
Post a Comment