Riahsiatza India Christian Pawl Hremnak
September 8, Open Doors USA thuthang ih a than mi vekin tulaifang India
ram ih Christian pawl Jesuh Khrih dungthlun an sinak ruangah tidai
phihsak, rawl lei sianlonak, tlawngkai sianlonak le thlankhur man
kaihnak pawl tla an tuar laifang a si.
India ah Christian hremnak a sosang sinsin, ziangruangah so?
2014 ah Christian hremnak nasabik ram (28) nak asinan 2019 ahcun ram (10) nak rori a si. 2018 sung lawngah Christian hremnak vei (775) a um; thahnak (14) a um, hrem tuartu mi (50,819) an siih mipa (18,956) nunau (18,858) le nauhak (12,790) an si.
Hitiih thil umdan zoh tikah 2014 ihsin 2018 karlak hi India Christian pawl hremnak a sosang sinsin ti a lang. Christian le biaknak tenau deuh nunau tampi cu hramhram ih ihpi an si, cucu hremdan phunkhat ah an neihmi a si.
Biaknak lam hremnak thu ah cozah dinhmun teh ziangvek a si?
Biaknak zalennak thu thawn pehparin Cozah Daan Hrampi (Article 25,29,30) ahcun zozo khal mai duhmi zum theinak le biaknak zelennak bangrannak an nei, mipum mal pawlih biaknak-nunphung nautat lo dingin le hremsiat lo ding tiah daan a um. Asinan, 1990 hnulam biaknak thu ah buainak a tam ih 2014 hnulam ahcun hremnak lakah an dinhmun a besia sinsin a si.
Christian pawl lawng hrem an si maw?
Thubuai le hremnak suahtertu hi Hindu cangvaitu pawl an si ruangah biaknak mipum malsawn Christian le Muslim in hremnak an tuar veve a si. Ngaingai tecun 2009 - 2018 karlak report vek asile Muslim hremnak hi 62 percent a siih Christian hremnak 14 percent a si.
Hremnak lakah India Christian pawl ziangtin an um?
“Kil kipin in rial nasa nain kan kekzaam lo…,” (2 Korin 4:7-11) vekin India Christian pawl hrem an tuar nasa nan an ṭumsuk lo. Pathian duhnak an sim, an hawl, an nunpi a si. Kawhhran hruaitu pakhat cun, “Pathian ih tumtahnak thei dingah camcawhfung an zuuk; Asinain a thulehnak cu amah Pathian ih lairelmi a si.” (Thufim 16:31) hihi kan ṭhumawknak a si, cule hitin hmailam ruahsannak kan nei, “Siangpahrang ih thinlung cu Bawipa ih kut sungah a um; Tiva luannak a thleng awk bangin Amah ih duhnak poh ah a mer.” (Thufim 21:1), tiah a sim.
“FAQ: Religious persecution in India (August 16, 2019)” a tawinak in ngan mi a si.
India ah Christian hremnak a sosang sinsin, ziangruangah so?
2014 ah Christian hremnak nasabik ram (28) nak asinan 2019 ahcun ram (10) nak rori a si. 2018 sung lawngah Christian hremnak vei (775) a um; thahnak (14) a um, hrem tuartu mi (50,819) an siih mipa (18,956) nunau (18,858) le nauhak (12,790) an si.
Hitiih thil umdan zoh tikah 2014 ihsin 2018 karlak hi India Christian pawl hremnak a sosang sinsin ti a lang. Christian le biaknak tenau deuh nunau tampi cu hramhram ih ihpi an si, cucu hremdan phunkhat ah an neihmi a si.
Biaknak lam hremnak thu ah cozah dinhmun teh ziangvek a si?
Biaknak zalennak thu thawn pehparin Cozah Daan Hrampi (Article 25,29,30) ahcun zozo khal mai duhmi zum theinak le biaknak zelennak bangrannak an nei, mipum mal pawlih biaknak-nunphung nautat lo dingin le hremsiat lo ding tiah daan a um. Asinan, 1990 hnulam biaknak thu ah buainak a tam ih 2014 hnulam ahcun hremnak lakah an dinhmun a besia sinsin a si.
Christian pawl lawng hrem an si maw?Thubuai le hremnak suahtertu hi Hindu cangvaitu pawl an si ruangah biaknak mipum malsawn Christian le Muslim in hremnak an tuar veve a si. Ngaingai tecun 2009 - 2018 karlak report vek asile Muslim hremnak hi 62 percent a siih Christian hremnak 14 percent a si.
Hremnak lakah India Christian pawl ziangtin an um?
“Kil kipin in rial nasa nain kan kekzaam lo…,” (2 Korin 4:7-11) vekin India Christian pawl hrem an tuar nasa nan an ṭumsuk lo. Pathian duhnak an sim, an hawl, an nunpi a si. Kawhhran hruaitu pakhat cun, “Pathian ih tumtahnak thei dingah camcawhfung an zuuk; Asinain a thulehnak cu amah Pathian ih lairelmi a si.” (Thufim 16:31) hihi kan ṭhumawknak a si, cule hitin hmailam ruahsannak kan nei, “Siangpahrang ih thinlung cu Bawipa ih kut sungah a um; Tiva luannak a thleng awk bangin Amah ih duhnak poh ah a mer.” (Thufim 21:1), tiah a sim.
“FAQ: Religious persecution in India (August 16, 2019)” a tawinak in ngan mi a si.
No comments:
Post a Comment