Timothy Cakuat

Timothy Cakuat
November 6 le 10 hi leitlun huap Khristian hremnak tuartu pawl hrang thlacam ni hleice a si.
Khristian hremnak nasabik ram 50 ah zumtu 245 million hnak tam kan um ih cuih ram sawmnga ah 2017 November ihsin 2018 October tiang zumtu mi 4,000 lenglo thah an si, biakinn le center 1,226 siatsuah sak a siih hremnak nasatak ih a tuartu 2,625 an si.

Ahleice ih tulaifang thlacam sak ṭulmi Khristian hremnak nasazual ram pawl cu North Korea, China, Algeria, Egypt, Eritrea, India, Iran, Iraq, Saudi Arabia, Sri Lanka, Turkey tla an si (Ref: Christianitytoday).

Myanmar ram sung khalah Buddhist lalnak in mimal sawn biaknak namnuainak hi a nasazet thotho, thlacam daithlang theih a si hrimhrim lo. Myanmar ram Khristian hremnak nasatzia hi No-18 nak a si (Ref: Opendoor USA).

Hitin Pathian thu a um, "A si, Khrih Jesuh ah Pathian ngaihsak ih nun a duhtu hmuahhmuah cun tiduhdahnak an tuar ding," (2 Timothy 3:12).

Leitlun hmunkip ih Khristian hremnak tuartu pawl Pathian in nehnak pek hram seh. Amen!