“BIBLE SUAL”“Bible Sual” hi (Wicked Bible, Adulterous Bible, Sinners’ Bible) tiah kawh a si. King James Bible suah salmi a siih kum 1631 ah Robert Barker le Martin Lucas in London khawpi ah an suahmi a rak si.
Ziangruangah Bible Sual tiah kawh a rak si tile cuih Bible sungah
Thukham (10) sungih pakhat ngansual ruangah a si. Cucu Suahlannak 20:14
ah “Ṭangṭawm sualnak nan tuah lo pei” timi zawn ah “LO” pakhat ngan
hrelh ruangah a si. Mirang in “Thou shalt not commit adultery” tiih ngan
ding asinan “Thou shalt commit adultery” tin ngan sual a rak si. Cucun,
a sullam cu “Ṭangṭawm sualnak nan tuah pei” tiah a letling ta riai!
Cuih Bible Sual cu mallai zemdarh a si zo hnu, kumkhat a liam hnu ah thuṭhennak zung Star Chamber ah kawh a rak si ih cawhkuan £300 (cucu 2018 ah £49,067 zat) liam ter a si. Cuih hleiah ca namnak license (printing license) khal khar sak a si.
Zemdarh ngah lomi Misual Bible cu mipi kut thlen lo dingah hnuhdawh (cancelled) a si ih hleiah urkhangh ṭheh a si. Cutih ti thapral ter ngah lomi malte cu rothil ah tusun ni tiang a tanglai ih hlan-ro-thil khawl-hawltu pawlin an duhzet. 2008 ah $89,500 / $99,500 in zuar a siih 2015 ah £31,250 tiang a ṭhang. (Source: “Wicked Bible,” Wikipedia)
Thubet: Cafang pakhat ngan hrelh man cutluk in a poi ih a ṭihnung. Ca kan ngan tikah ngan hrelh le palh mi parah ngaithiam theih le ngaithiam theih lo a um. Ca ngansual mi in simduhmi thu a sullam a hloh ter lo, a linglet ter lo a si ahcun a sual lo tlukin cohlan a si ṭheu. Cabu ngantu le suahtu (author) le cabu namnak (press) pawlih ralrin ṭulmi a nasazet a si.
Chin ṭong Bible pawl le cabu pawl hi hiti vekin check le rem tuah sehla ziangtluk in a ṭha ding. Tui kan hman rero laimi Bible pawl khi sullam linglet le ngan sual a um hnuaihni ringring thotho lai. Hmailam ah famkim felfai sinsin in suak thei hram seh. Kan hman laimi Bible sungih a sualnak zawn hnihkhat te khal khi Pathian thu phuangtu pawlin le Kawhhran hruaitu pawl cun mipi theihter cio ding a ṭulzet a si.#
@Amoschinbk
Cuih Bible Sual cu mallai zemdarh a si zo hnu, kumkhat a liam hnu ah thuṭhennak zung Star Chamber ah kawh a rak si ih cawhkuan £300 (cucu 2018 ah £49,067 zat) liam ter a si. Cuih hleiah ca namnak license (printing license) khal khar sak a si.
Zemdarh ngah lomi Misual Bible cu mipi kut thlen lo dingah hnuhdawh (cancelled) a si ih hleiah urkhangh ṭheh a si. Cutih ti thapral ter ngah lomi malte cu rothil ah tusun ni tiang a tanglai ih hlan-ro-thil khawl-hawltu pawlin an duhzet. 2008 ah $89,500 / $99,500 in zuar a siih 2015 ah £31,250 tiang a ṭhang. (Source: “Wicked Bible,” Wikipedia)
Thubet: Cafang pakhat ngan hrelh man cutluk in a poi ih a ṭihnung. Ca kan ngan tikah ngan hrelh le palh mi parah ngaithiam theih le ngaithiam theih lo a um. Ca ngansual mi in simduhmi thu a sullam a hloh ter lo, a linglet ter lo a si ahcun a sual lo tlukin cohlan a si ṭheu. Cabu ngantu le suahtu (author) le cabu namnak (press) pawlih ralrin ṭulmi a nasazet a si.
Chin ṭong Bible pawl le cabu pawl hi hiti vekin check le rem tuah sehla ziangtluk in a ṭha ding. Tui kan hman rero laimi Bible pawl khi sullam linglet le ngan sual a um hnuaihni ringring thotho lai. Hmailam ah famkim felfai sinsin in suak thei hram seh. Kan hman laimi Bible sungih a sualnak zawn hnihkhat te khal khi Pathian thu phuangtu pawlin le Kawhhran hruaitu pawl cun mipi theihter cio ding a ṭulzet a si.#
@Amoschinbk
No comments:
Post a Comment