"2019 Kum Ih Thlatin Leitlun Buainak: Leilungpi Nikhua Siat Ṭihnung Dinhmun A Si Zo"
January 28: U.S. Justice Department in Chinese Huawei company daantat a thok.
February 27–28: Hanoi, Vietnam khuapi ah US president Donald Trump le N. Korean chairman Kim Jong-un veihnihnak an tongawk.
March 10: Ethiopian Airlines Flight 302, Boeing 737 MAX 8 a tlak ih mi 157 an thi.
April 15: Holy Week sungah, Paris ih kum 900 lenglo Notre-Dame Cathedral biakinn pi a kangziam ṭheh.
April 21: Sri Lanka hmun 8 (biakinn 3, hotel 4 le inn pakhat) ah bomb phuahnak a um ih mi 259 an thi, mi 500 lenglo hliam an tuar.
May 3: Kivu Ebola ruangah mi 1,000 lenglo an thi.
May 5: Russia khuapi Moscow ah Aeroflot Flight 1492 vanzam mi 78 tomi a tlak ih mi 41 an thi.
June 9: Hong Kong mi pawl cozah thu ruangih lamzawh duhphorhnak ah mi 1 million lenglo an si.
July: National Oceanic & Atmospheric Administration (NOAA) ih thuthan vek asile kum 2000 hnu leitlun nikhua a satbik thla a si.
August 21: Amazon rainforest wildfires ram meikang (Jan–Oct) cu san thuanthu ih a rohbik dinhmun a thleng thu National Institute for Space Research (INPE) in a than, acre 2,240,000 a kang, meikhu hi peng 1,700 tiang a zam.
September 27: Canada ram hotu pawlih hohatnak in nikhua bokruak remṭhatnak hrang lamzawhtu mi 500,000 an suak. Leitlun huap in mi 4,000,000 in an aupi.
October 27: U.S in IS ralhrang hotu Abu Bakr al-Baghdadi an rak that.
November 5: Leitlun huap scientists 11,000 in “BioScience” journal ah Leilungpi hi ṭihnung dinhmun le nikhua siat emergency dinhmun kan thleng zo tiah thu an rak than.
December 11: UN (ICJ) ah Myanmar cu tayacuai a si.
December 19: Ethiopia le Somalia ram ah Kharbok in ram acres 173,000 a siatsuah.
December 29: Congo ramah Kivu Ebola epidemic natnak ruangah mi 2,231 an thi. (Ref: 2019 Wikipedia)
2020 hi leitlun huap sumdawnnak, doawknak, natnak ṭihnung, lei le van boruak siatnak tamsin a thleng ding tiah mifim tampi in an rak zumcia a si, thil ṭha a um lo ding tinak a si lo. 2019 kum sung thlatin- thilcangmi zohsal tikah tui kan dinhmun ziangtluk a sia ti a fiangzet a si.
Christian pawl daithlang ding kan si lo. Chin mi Christian pawl leitlun hmunkip ah Pathian sunlawinak lang tertu ding kan si.
Bible: 1 Korin 10:31 "Curuangah nan ei ah siseh nan in ah siseh, ziangthil nan tuahmi kipah Pathian sunlawinak hrangah tuah uh."
©Amoschinbk
No comments:
Post a Comment