Jesuh Ruangah Lawngfangkheh, Lu Metfai le Hmin Hlonsak mi, "42" tiih An Kawhmi Korea Nu ih Tuarnak Ka hmin “Thawngtla 42” tiah in ko. Thawnginn ka thleng leveten a hmaisabik ah ka suahkeh hmin in hlon sak. Zing nazi 8 tinten “42” tiah in ko. An hnen ka thlen theinak dingah Zawhte bangin kut le khuk bil cingin a bok in ka feh. Ka ding thei caan um sun khalah ka lu ka kuun, kut in khihtu palik pawl in zoh siang lo.
Nitin ten ka tuarmi cu a kel ringring in a har. Ka kut dunglam ah sihin palik dung ka thlun hnu thusuhnak inn khan sungah nazi pakhat lai hitin thu in sut ringring.











