Wednesday, 7 October 2015

KAWHHRAN LE MINO

KAWHHRAN LE MINO
Pangpar ih mawinak cu a kung ah silo in a parnak ah a si sawn. Cuvek in kawhhran ih mawi nak cu mino pawl an si. Pangpar cun harhdam ten a par lo ah cun mawi ding vek in a mawi thei lo. Kawhhran ih mino pawl tla an dam lo ahcun Kawhhran hrang ah mawi ten an par thei ve lo. Curuang ah a harhdam mi pangpar in mawiten a par thei bang in Kawhhran mino pawl an dam ahcun mawiten Kawhhran hrangah an par thei ve ding.

Kawhhran timi cu
Kawhhran timi cun ‘A hran teih kawhmi mi thiangpawl’ khi a sim duh mi a si. Pathian in a mai mithiang pawl si dingah Jesuh Khrih sung ihsin a kawhsuak mi mibur, pawlkom khi a si. A hran ih kawhmi kan ti tikah

Tuesday, 6 October 2015

Ram Tin ah Muslim pawl Ziangtin An Nungcang

Ram Tin ah Muslim pawl Ziangtin An Nungcang
Leitlun ram tin ah Muslim mipum an pungzai deuhdeuh rualrual in an mipum tam le mal ih zir in ramsung ah buainak le donak suakter in an daan Sharia Law fehpi an tumtahbik a si tiah Dr. Peter Hammond in a cabu ngan thar, “Slavery, Terrorism and Islam,” sungah a tanglam vekin a tarlang.

Muslim 2% lawng umnak ram ahcun an puarthau lo ih mi an siatsuah ngam tuk lo,  cuih ram pawl: United States (0.6%) Australia (1.5%), Canada (1.9%), China (1.8%), Italy (1.5%) Norway (1.8%).

Muslim 2%-5% umnak ram ahcun malte an puarthau thok ih mi nauta pawl hmuhsuam an

GANG Thu Theihttha (7)

GANG Thu Theihttha (7)
1. Gang timi cu mibur khat an siih daan kalhzawng in paisa, asilole hlawknak ngah duhtu pawl an si. (ttnk: riitsii zuarthup tvp)

2. Gangs hramthok dan zoh tikah miphun, phunhnam, dokalhbu lole paisa duh cangvai bu tiin a si ttheu ih kum 8-22 karlak an si tambik.

3. Gangs members pawl cun danglamce angki, lukhum, hngawngorh tivek le a tambik cu an taksa parah tattoos lole hminsinnak symbols tivek pawl an hmang ttheu.

4. Gangs minung pawl hi tlawnginn tivek ah caankeel nei lo in harsat buainak suahpitu le thilri siatsuahtu an si ttheu.

5. Gang member si thei dingah mi thil fir, mi that, mi tlaihhrem, mi kapthat tivek pawl

Christianity Le Islam Danglamnak

Christianity Le Islam Danglamnak
I. GOD
A. Islam
1. Pathian pakhat lawng a um – Qur’an 3:64
2. Thumthlak Pathian sinak an pom lo

B. Christianity
1. Pathian pakhat lawng a um – 1Co 8:6
2. Pathian kan timi cu thumthlak komaw – Pa, Fapa le Thiang Thlarau a si cf. Jn 1:1-5;
Php 2:5-8; 2Jn 9; Mt 28:19

II. JESUS
A. Islam
1. Jesuh Khrih cu profet pakhat vekin an pom, Noah, Moses le Muhammad pawl vekin.

Thiam Harbik Ttong Phun (10)

Thiam Harbik Ttong Phun (10)
10. JAPANESE
Japanese  ttong ah ca phunthum: (Kanji, Hiragana,Katakana Kanji) an neihmi sung ihsin a malbik cafang 2,000 lai thiam a ttul. Curuangah Japanese ttong le ca siar thiam, ngan thiam theinak ding ahcun an ttongfang tampi by-heart a ttul. Anmah Janpanese tlawngta pawl khalin veihnih, veithum an zir ve.

9. ARABIC
Arabic ttong khal ttong mawizet asinan thiam hartukmi ttong a si. Arabic casiar dan cu vorhlam in kehlam ah siar a si. Cun hmin (noun) hlanah (verb) a ra hmaisa fawn. Leitlun ih ttong tamsawnpi cu kehlam in vorhlam ah siar a si.

Satan Kawhhran (Church Of Satan) A Um Ngaingai

Satan Kawhhran (Church Of Satan) A Um Ngaingai 
Satan Kawhhran (Church of Satan) a um tihi mi hrekkhat cun theihcia a si ding nan mi tampi in thei hrihlomi thu a si ruangah hi thu hi theihkauhnak le Satan kan ral ih cangvai dan kan theihnak a kausin theinak ding ruat in an official website sungta a thupi hrekkhat tarlang duhmi a si. Thapeknak ih nganmi a si lo. Ralring ding le hrial ding ih nganmi a si.

Thuanthu tawi
Kum 1966, Aptil 30 ah USA, California State, San Francisco khawpi ih Black House timi inn ah Anton Szandor LaVey in Satan Kawhhran a din hmaisabik. Black House cu Satan Kawhhran headquarters ah hmangin

ISIS Ralbuai Timeline

ISIS Ralbuai Timeline
United States le a lam ttang ram pawl cun tulaifang leilung tlun buaitertu ISIS pawl cu do cihmih dingah an lungrual hnu ralhriam fighters, bomber and Tomahawk missiles pawl hmang in an target Syria ram sung cu an kap rero a si zo thu Pentagon ihsin thu an than.

A tanglam pawl hi ISIS fehluan mi sualral pawl ih pungzai dan a dotdot in nganmi a si.

2000: 2000 kum thok lam ah Jordan mi ralkap Abu Musab al-Zarqawi cun mi luarkai group (extremist) Tawhid wa al-Jihad (Unity and Jihad) cu a din thok.

2003-04: US in Iraq ram cu Saddam Hussein ih uknak ram siatsuah duhah a do, a kap.

Friday, 25 September 2015

TUAR HRIH KO AW

21 . TUAR HRIH KO AW

Nangmahte lawng
Ziang na tuah theu, khuiah na um?
Na um a har maw, na lung a leng maw?
Na thin a bang maw, na tha a nau maw?

Nangmah te lawng
Hnatuan har na tuan lai maw
Suk so tawivah na bangtuk maw
Midang kiangah na mit a bang maw

Nangmah te lawng
Rawl ei daiti in a hartuk maw
Zan it that a hartuk maw
Sun ni a reituk maw

Nangmah te lawng
Ton awksal hlan caan tawite sung
Lunglen caan tawite sung
Thenawk caan tawite sung
Tah caan tawite sung

Tuar hrih ko aw
Tuar hrih ko aw maw.

-Amoschin Bk

Khawbual Nun Mawi

20. Khawbual Nun Mawi
(Bualkhua Version)
Tangthu lun zasah nung theidik reng tak
Thutsangsimnak in rel tseih veng nak
BK nunmawi te (hei sim) thei tsim maw
Pa Pathian la nuai Biakinn mun thiangrim pin
Lungmu langkhatliang noin Amah be dang sising
Kawnaikhawzong leng u le nau hem tsa tin
A tsuangtsung in sawngen sak dundang-a
Angnung thu a thangphang 
Angnak-paaknak bawlnak Pathian nenah
Puah veng, pe veng minmun umnak thaw
Tsimi munkhen Khawbual nun a mawi min si

It dunnak, heisiar dunnak, sunsak dunnak le
Thupitsan dunnak in tawk nak te hem
Inn leng minah asi khen lamvaak minah asi khen
Ei nu, ei pa, ei ngak, ei pu, au, ei mo, ei rang, 
Ei rual, ei uu, ei sa,...
Pa pi, nu pi, hin pi, pa paa, u nau, nu phal, ....
Awlum nothaw phun tsangtsang in pon dun sising
Lungsenak le angnak kei tawk phang khen
Ming pa, tseer nu, maak pa, tu nu, tu pa, rem len,...
Ai rem, mai tawk (tawk pi, tawk son) pawl ten
Angnak ah angpi in lungsenak ah lungse pi
Tsimibang Khawbual  nunmawi kheh
Deihnung leita ngawl si maw...

-Amoschin Bk

Bualkhaw Christmas

19. Bualkhaw Christmas
(Bualkhua version)
Tenreh huihhio no nemzel in ra atsia
Tsop siarsuar-a a ra tsopsik huihhio a leng phang
Christmas ngaklah in thanop dang veng sising

Kangro thingkaak kuai naupangrual tele
Roding sangthing tsomsah nupi patsang te
Ro bulsum thing khawi hamtseih suakthuan val rual tele
A mawi parte bangot ngai mawi te khen
Phuntsang, hintsang in vaimuak dangveng maw Christmas

Kei silhvan te a pher phang a sikhen
Kei rong a rawp phang a sikhen
Biakinn thaw kei khawla phang a sikhen
“Christmas phang vang,” tin neek tsawm dang veng sising

Hampalak le mualniam note panin khaw kei zo phang
Sen sersur-a a mawi Zaizong parte
Hing demdum-a a mawi Tsaar thing note
Dumlak-a mehur Ankam phaphate kei mu phang
Christmas thanop dangtseih sinasingnge maw

Mi vuan le lo laiah a sikhen
Mahni vuan le lo laiah a sikhen
Tsuu luan sangsang, Banla tsawn hoihhoih
Siisu min derdur, Thinghaa, Balhaa tak kawngkawng
Thawpat rah urur le kamrah hin tsangtsang le 
Kawltsang, laitsang Ngantun lom rim vengvung te
Kei mu phang, kei tawk phang, kei nei phangin
Inn hawl (Carol singing) tu thanop thei leita hne maw

Heibangin khawsik, atsop pelhta sikhen
Tsawlin bain zongawl ngelngel thahlam a sikhen
Eihmuat heibang-a a veizo nungngawl pelh takhen
Vanmi te bangin kei aw a rem ngawl pelh sikhen
Patsang pawl, Nupi upa pawl, Nupi nauta pawl
Dangval pawl, Khangngai pawl tiin
A zasah nung, a rem, a sa sahnung, a thatho thei
Christmas la zirh dang tseih ian, a khomnakin
Tsawp letlutin lazir puai dang sahnung leita maw

Khawdang ramdangah khawsa in omte a sikhen
Khualvak in kawnaikhawzong  a leng tekhen
Vanzuang, Meileng, Mawtaw, Mawtaw Saikal to inle
Kawng rori thaw mual tampi liamin
Lamphei, buksuk, kaiso khen naaplah ngawlin
Nisa, ruahsar, huihra khen kihhah ngawlin
Dangrum, rikaam, le ruahbang Saup khen poisa ngawlin
Hong ten, zuan ten, thanop tennak
Kei Bualkhaw Christmas si hne maw

Ang sising maw?  kei za phang
Ang sising ngei! tin ring theitawp in au dang-a
Nai innah hen angnak ther le remnak ther om tasen!
Tin Van muitsu burh dundang tselhphang
A alh lulut Biakinn tual-a Meipual zuandang leh atsia
A lum ngenngun Laphehti in uk dang lehleuin
Bulum lutin pumkhawm dang maw
Sahnunnak nihtiam bawlnak ngai dang, pan dang
Tsin, thangphatnak la sa dudut thahlam in
Meipual kawn dangtseih zing khawvar tian rori
Kei Bualkhaw Christmas 
Ni khatnak

Zing ni suakzawh a reingawlin
Khawsung Dawngtung hem pin
Vok te ai ngungun kei za phang
Simlai eitu kei thanop nak bangin
Kumkhat sung kei rongrawp dai tiartu
Christmas simlai Voksa meh khamtehin ei pek dang
Eih le in tsa naper a phunphun per dang
Biakinn tualah le inn laklawhah
Kei Bualkhaw Christmas 
Ni nihnak

Zingtawnno khawsik tsaitseih thahlamin
A zuamte khawi hamnak Tsar kuang hoihnote
Patsang dangval a zuam pawlkhat ten 
Vung dang zawng dang Biakinn tual len tian
Kei khawlhamnak lehsawng phunkim, hinkimte
Biakinn tualah khawmdang kei tselh phangin
Christmas larem te zuam dundang, sa dudut dangin
Christmas lehsawng hintsang te
Bangten noin sem dundangnak kei tso berhzawh
Christmas lehsawn khop pekin
Mahni inn tenah hongdang sising
Kei Bualkhaw Christmas 
Ni thumnak

Tsimi bangin,
A tsungnung Van Bawi Tsapa
Vanvummite thangphatnak
Tuukhalte benak
Mitsim pawlkhatte lehsawng manpha selin benak
Lei le van remnak Bawi
Santu nauno Bawi Jesuh
Suah huntsam a tsunnung Christmas
Pamhaih thahlamin 
Vailat dang  veng sising

Awle! Bualphun u le naute
Kei Bualkhaw zawl mun nuamah
Biakinn tual zawl laiah
Lengdang thei tasuh sisingnge maw
Sinapikhaw, kei thinlung raula vang
Haithong men theih nungngawl, hang khen a hang nungngawl
Kei Bualkhaw Christmas 
Kei phawk ruaruap, kei ngai ngunguih talekhaw
Me lai siar thahlamin tukum Christmas 
Kei Bualkhaw ah hong dangin mang dang a sing maw.

-Amoschin Bk

Khawbual Thutsah

18. Khawbual Thutsah
(Buakkhua Version)
 .....Veikhat lai in Khawbual zawlah…..
Huihhiono te tsawpsiarsuar in ra atsia
Mawk le romei mawite zam diamduam in
Dangni te lim in Tosir mualzawl ah
Thunuam te relkhawm dang in
Nihtiam te bawldang in
Nau-u-mel-mak tian sahnung dang hun tela…….
            Phawk lai tsimmaw?
            Nik lai tsimmaw?
            Haimen ongla bang?

Pi le pu te Lairi le Luruh phummin Khawbual
Ei pu te…(Pawpi, Dawvang, Saza, Ngal, Mupi,….)
      te leida in munluah min Khawbual
Mawi sersur in a par
      Sawkrei le Zaizong te
Thingvum par le Leilak par
     Parmawi phunkim te parnak Khawbual
Bualphun hampitoh min Khawbual vang…….
Mualdang, Khawdang, Ramdang le Tipiral a leng a tsate hem
            Phawkreng kei sikhaw
            Nikreng kei sikhaw
            Haithong menngawl kei si….

Aw…Khawbual tsanak te….
Rallian khen neh zonung ngawl
       pipu te lungrualnak thinlung ro na tso nak
       Paithong tiar mah nen
Ralvan le hiam kolber khen a kham zongawl nak
       Umtu masa te umnak ro na tso nak
       Thap thongthong tiar mahneten
Thisen luang umnak laitsi ro na tso nak tsawh
        Na lengmin hem, na khunmin hem
        Kawnai khawzong ah tuh phawkreng in
        Bual nunmawi thaw

Ruatnak, thinlung munkhat in
Itnak thaw sualzah dun in, remdang reng in, kuatlendun in
Na khaw, na ram, na miphun
Na sulzawn na laizawn
Na Bualphun tsa
Pa Pathian tsa
Mai nawt a sing.....
 Khawbual Thu Tsah!

-Amoschin Bk

KA NU

17. KA NU 
Duhham zetin ka dil theu ka Nu’h hnehah
Duhkhung zetin ka beisei theu ka Nu’h thilpek
Duhtawk nei loin ka ngenhai theu
Ka Nu’h duhdawtnak le ankaa thlum

Theifiang lo pin ka tap, ka thin heng in
Sui le lungvar hnakih man khungsawn
Khuihmun khalah aiawh thei umhlah
Ka Nu’h nunsimnak, nuncan i zirh tikah

Hmaisong le zawnruat khal thiam lo in
Ka duh caanah paisa, thil dangdang tla
Ka nu cu bangzet in rethei hmansehla
Ka duhthu kimter duhah duhthu ka sim

Tahthim rual umlo duhdawtnak
Ngaithiamnak, duhsaknak le zangfahnak hmuah
Ziangtal man dil lo le hlawh fial lo ten
Siangnak lungthin thawn ka nu cun
Ziang hmuahhmuah i pe siang ringring
Ka Nu hnakih ropi sawn minu um nawnpei maw
Kei hrangih Ka Nu

-Amoschin Bk

FIMNAK

16. FIMNAK
Fimnak ruangah, fimnak hrangah
Mi-aa tla kan hlawh, farah tla kan tuar
Hminsiat kan ngam, hmuhsuamnak kan tihlo
Soiselnak kan poi lo, nat khal kan tuar ngam
Thil thalo khal kan tuah, zoh mawi lo tiangin
Thih tiang kan ngam, tih lo vekin

Kan thinlung a bang, kan tha a cau
Kan bei a dong, mitthli a luang
Ningzah kan tong, mualphonak a phunphun
Rilrawng le tihal tuar tento in thlanti a luang
Suupnak cu tlasam lonak tin
Fimnak ruangah kan ral a thatuk lawmlam so

Tumtahnak le ruahsannak thupi terin
Camkhat hrang camkhat harsatnak hmuah
Kan tuar, kan siang, kan ngam phunzai cingin
Aw... fimnak cu a man a khungtuk lawmlam so
Man tampi pekhnu liam hnuah
Fimnak diktak a co ngahtu cun
An siraw lo, fimnak thuah
Fimnak ih hram cu Pathian a sisi

-Amoschin Bk