Satan Kawhhran (Church Of Satan) A Um Ngaingai

Satan Kawhhran (Church Of Satan) A Um Ngaingai 

Satan Kawhhran (Church of Satan) a um tihi mi hrekkhat cun theihcia a si ding nan mi tampi in thei hrihlomi thu a si ruangah hi thu hi theihkauhnak le Satan kan ral ih cangvai dan kan theihnak a kausin theinak ding ruat in an official website sungta a thupi hrekkhat tarlang duhmi a si. Thapeknak ih nganmi a si lo. Ralring ding le hrial ding ih nganmi a si.

Thuanthu tawi

Kum 1966, Aptil 30 ah USA, California State, San Francisco khawpi ih Black House timi inn ah Anton Szandor LaVey in Satan Kawhhran a din hmaisabik. Black House cu Satan Kawhhran headquarters ah hmangin
Anton Szandor LaVey in 1972 tiang cuih biakkinn ahcun puithiam saang a ttuan.

A hnattuanpi Diane Hegarty thawn ziang thubuai ruangah si maw, an tthenawk hnu ah Black House cu quarters ah hmang thei nawn lo ding in court in an thu relsak a si. Asinan amah LaVey a thih tiang cutawk ah um thei dingin thu rel sak a si.

Amah cu 1997 ah a thi. A thihhnu ah a member pawl in hi biakinn kilhim nak hrang sumpai an pe thei lo ruangah October 17, 2001 Black House cu siatbal a si zo.

LaVey a thih hnu 2001 ah Peter H. Gilmore in puithiam saang a ttuan ih an head quarter khal New York khawpi ih Hell’s Kitchen, Manhattan ah an thawn.

Membership pawl

Satan Kawhhran ah membership si thei dan phun (2) a um.  Registered membership le

active membership tin an um. Registered membership pawl cun dollar $200 membership an pek. Active membership pawl cun Satan Kawhhran in ciin le daan pawl a tlun ding lawng a siih membership fee pek a ttul.

Satanic Bible

Kum 1969 ah Anton LaVey in cahmai 272 a ummi Satanic Bible a suah. Cuih Satanic Bible cu tthen (4) tthen a si. Cupawl cu: The Book of Satan, The Book of Lucifer, The Book of Belial, and The Book of Leviathan tla an si.

1. The Book of Satan cabu sungah Thukham (10) le Golden Rule timi (Pathian cu daan hrampi le siangpahrang a si) a do ih hedonism timi (tisa nomnak thupibik ih ret) thupom kha ngansanbik cu a si.

2. The Book of Lucifer cabu sungah mi thah- lainawng thu, duhdawtnak thu, le sex thu pawl tambik in ngan a si.

3. The Book of Belial cabu sung ahcun biaknak daan pawl le khuasia thil titheinak thu pawl ngan a si.

4. Anetabik The Book of Leviathan cabu sungah Satan ih thlacam daan, nun nomnak thu, mi zangfahnak thu le siatralnak thu pawl ngan a si.

Tthitawknak le Ruakvuinak Service pawl:

Satan Kawhhran cun tthitawnak le ruakvuinak service pawl an tuah ve. Himi program pawl

hi Satanic Bible an suah hnu lawngah hman thok a si. Culengah tipil peknak tla an nei.

Source: 1. http://en.wikipedia.org/wiki/Church_of_Satan

2. http://www.churchofsatan.com/
Posted: http://thechintimes.com/satan-kawhhran-church-of-satan-a-um-ngaingai-sokhaw/
-Amos Uk Mangbk