Fir, Rukru A Phunphun (Kinds of Thief)

Fir, Rukru A Phunphun (Kinds of Thief)

A. Thilri Fir (Property Thief)

Neihsiah hlawnthil fir kan ti tikah kan tham thei, dai thei, hman theihmi thil le ri pawl fir khi a si. Ralring ding thilri thupi pawl.

– Paisa

– Mawtaw

– Computer le a dangdang.

B. Sinak Fir (Identity Thief)

Identity thief thu ahcun tampi ngan lo sehla, USA lam um pawl le ram cangkang um pawl cun theih cia tla a si ding. Identity thief ah a tlangpi thu a tanglam vekhin ralrin ding a um.

Financial Identity Thief

Insurance Identity Thief

Criminal Identity Thief

Driver’s License Identity Thief

Social Security Identity Thief

Synthetic Identity Thief

Child Identity Thief

Ref. http://idtheft.about.com/od/Basics/a/The-8-Types-Of-Identity-Theft.htm

C. Ruahnak Fir (Idea Thief)

Idea thief thuah tambik in ngan sehla ti ka duh. I diea fir timi ah phun tampi a um mi lak ihsin a thupi phun 4 in zohhliah sehla. Cupawl cu:

1. Ca sungih ruahnak ( Idea from document)

2. Tongfang parih ruahnak (Idea from speech)

3. Thiamnak parih ruanhak (Idea from arts)

4. Internet sungih ruahnak (Idea from Facebook, Group Mail, Website..etc.)

1. Ca sungih Ruahnak Fir (Idea from Document)

Mi pakhat khat in midang ih ngan mi ca sung ihsin a mai’ duhnak zawnte mongfang pakhat maw, catlang maw, catluan maw kha a mai ruahnak vekin hmundang ah a hmang a si ahcun cucu fir a si.

2. Midang longkam Fir (Idea from Speech)

Abik in zirhtu saya, sayama ih mongkam, pastor pawl ih mongkam, rualpi ih mongkam le midang pakhat khat ih mongkam kha maih ruahnak vekin midang hnenah sim sal, mong sal, aupi sal cu fir a si.

3. Thiamnak Fir (Idea from Arts)

Thiamnak fir timi ahhin a tlangpi thuah phun 4 tarlang sehla;

a. Tuahsernak lam thiamnak (Art of technology)

Science lam thiamnak, computer lam thiamnak, electronic lam thiamnak le kutzung

thiamnak zate.

b. Awnmawi lam thiamnak (Art of music)

Hla saktu, phuahtu, music tumtu le hruaitu zate

c. Mawinak lam thiamnak (Art of design)

Fashion lam thiamnak, zuksuai lam thiamnak, model lam thiamnak pawl zate

d. Sii lam thiamnak (Art of medical)

Mina kilkhawi, sii dawt, sii tuah, hmet, le zokhen thiamnak zate

Tusan ah mi tampi cu hih a tlun ih thiamnak phun 4 ahhin kan buaibik ko lo maw? Kan buainak san cu kan thupibik ruangah si ve ding ka zum. Curuangah hi thu pawl thawn pehpar in ruahnak firawk khal a tambik ding zum a um.

4. Internet Sungin Ruahnak Fir (Idea from Internet)

Internet ihsin ruahnak firtu a tambik ding zum a um. Ziangah tile leilungpi cu mai’ tohmun ihsin tongtham thei a si zo. Himi Network san ahhin mi tampi cun sumpai cemheu lo in paisa ngah thei dan an hawl. Mihrek cun mipi hrangah free in an pek, asinan mihrek cun online dawr an tuah.

Athupi bik in, chating room, apps tampi ah mi tampi in midang ruahnak an fir ti a lang. Cuvek in group mial, web blog, website, Youtube tivek ihsin midang ruahnak firthup tahrat in mai’ ruahnak vek in canter khal fir a si.

Ziang Kan Tuah Ding?

Mi hlawnthil, neihsiah fir cu kuansal, peksal a tul.’ Identity khal miphat ih neihthup mi thuhla, thilri pawl fir a si thotho ruangah cawhkuan a tul thothol. Ruahnak fir cu kuan sal a theih lo, cawhkuan cu ton theih a si thotho. Ruahnak fir hi fir hmuahhmuah lakah a tihnungnik, ziangah tile kuan sal a theih lo ruangah sankhuk a daih.

Curuangah midang ruahnak, thiamnak kha lak, hman, cawng kan tul caan ah zohman in khamawk ding a si lo. Mirang in Reference, Footnote, Source an timi kha kan langter hrimhrim ding a si. Midang ih mongkam, mongfang kan hmangsal duh a sile cu nu, cu pa in cutin, khatin a ti tiin simfiang a si pei.

-Amos Uk Mangbk