“Bawi Jesuh, I Bawm Aw?” tiih Jesuh Khrih Kotu Pitar nu IS Naamsau Hmaiah Luatnak Ngah!

“Bawi Jesuh, I Bawm Aw?” tiih Jesuh Khrih Kotu Pitar nu IS Naamsau Hmaiah Luatnak Ngah! 

=======================================================================

JERUSALEM: Israel ram ih pitar pakhat cun IS ralkap pahnih ih meithal le namsau hmai ah Jesuh Khrih hmin napi in a au hnu ah luatnak a ngahcih thu October zarhthumnak Jerusalem ih thilcangmi cu Christian News in October 20 ah a ngan.

Thil umdan cu hitin a si. Kum (78) upa zo Marike Veldman cun Arab nauhak farah 20 le nauhak dang tla pawl tla Jerusalem ah a cawm. Amah hi Holland mi a si.

October 13 ahkhan East Talpiot ih bus a tomi sungah IS ralkap pahnih an to ve. Misual an si ding tiah lunghring nawn in a zoh rero hnu reilote ah cuih mi pahnih cun bus totu zate an siatsuah thok.

Pakhat cun meithal a kai, pakhat cun namsau a keng. “Allah cu a cungnungbik,” (Allah is the greatest) tin an au ih passengers pawl hriamhrei thawn an siatsuah.

Ka hmai naite ihsin pakha sawn in “Allahu Akbar” tin a au hnu ah a namsaau thawn in dawt tum. Culai ah pakhat sawn cun meithal thawn mi a kap rero. Passengers zaten ṭihlau in kan au.

Culaifang ah Veldman cun Dutch ṭong in Jesuh a ko: “Lord Jesus! Lord Jesus! Help me! Help me!,” tin a pehpeh in ka au tiah a sim.

Culeveten naam thawn amah a sawhtu pa cu bus dunglam ah a tlan lohli. Veldman khal cun bus sangka kiangah a thawn lohli ve. Meithal kap pop zomi bus sangka khal cu rinlopiin a ongaw ve. Veldman cu zamrang theitawp in hliamhma thawn a tlansuak.

“Thi le hnai thawn tlangpar lam pan in luatnak hawl in keimah te lawng ka tlan,” tiah Jewish pacang pakhat hnen ah thil cangmi thu pawl a simsal. Atu ahcun Hadassah Medical Center ah tuamhlawm rero a si.

IS ralkap pahnih cun mi 2 an kapthat ih, mi 16 hliamhma tuar in an siatsuah ti a si. - christiannews.net (Oct 20)