Ram Tin ah Muslim pawl Ziangtin An Nungcang

Ram Tin ah Muslim pawl Ziangtin An Nungcang

Leitlun ram tin ah Muslim mipum an pungzai deuhdeuh rualrual in an mipum tam le mal ih zir in ramsung ah buainak le donak suakter in an daan Sharia Law fehpi an tumtahbik a si tiah Dr. Peter Hammond in a cabu ngan thar, “Slavery, Terrorism and Islam,” sungah a tanglam vekin a tarlang.

Muslim 2% lawng umnak ram ahcun an puarthau lo ih mi an siatsuah ngam tuk lo,  cuih ram pawl: United States (0.6%) Australia (1.5%), Canada (1.9%), China (1.8%), Italy (1.5%) Norway (1.8%).

Muslim 2%-5% umnak ram ahcun malte an puarthau thok ih mi nauta pawl hmuhsuam an
thok. Thawnginn ah buainak tuah, lamzin misual le mi suam an hmang. Cuih ram pawl cu: Denmark (2%), Germany (3.7%), United Kingdom (2.7%), Spain (4%), Thailand (4.6%).

Muslim 5% tlunlam umnak ram ahcun mipi tamnak hmun ah le supermarket tivek ah an Daan vekin thil an tuah ih ei-in, sinfen le thilri pawl cu anmai’ hrang lawngah a hranhran ten an hmang thok. Cuvek ram pawl cu: France (8%), Philippines (5%), Sweden (5%), Switzerland (4.3%), Netherlands (5.5%), Trinidad & Tobago  (5.8%).

Muslim mipum 10% tlunlam umnak ram Guyana (10%), India (13.4%), Israel (16%), Kenya (10%), Russia (15%) ahcun mi thil siatsuah sak an ngam. Lamzin le khuasung tivek ah anmai duhmi thil an tuah ih a dokaltu pawl thawn hauawknak a phunphun an suakter.

Muslim mipum 20% tlumlam umnak Ethiopia (32.8%) ram ahcun ral thawm a thang zo ih Christian biakinn le Jewish biakinn meisa urkhang sak, mi thahnak a um ttheu. 

Muslim mipum 40% tlunlam umnak ram Bosnia (40%), Chad (53.1%), Lebanon (59.7%) pawl ahcun mibur thahnak,  hremnak le ral kahawknak a suak ttheu.

Muslim mipum 60% tlunlam umnak Albania (70%), Malaysia (60.4%), Qatar (77.5%), Sudan (70%) ram pawl ahcun Islam a silomi pawl thahnak, sumkhuan dilnak le Sharia Law cu ralthuam vekah an hmang.

Muslim mipum 80% tlunlam umnak ram pawl ahcun Muslim ram din duhnak ruangah mibur mal pawl thahnak le an Daan vekin ziangkim tuah duhnak an nei ttheu. Cuvek ram pawl cu:

Bangladesh (Muslim 83%), Egypt (90%),Gaza (98.7%), Indonesia (86.1%), Iran (98%), Iraq  (97%), Jordan (92%), Morocco (98.7%), Pakistan (97%), Palestine (99%), Syria (90%), Tajikistan (90%), Turkey (99.8%), United Arab Emirates (96%).

Muslim pum 100% umnak Afghanistan, Saudi Arabia, Somalia, Yemen ram pawl ahcun “Islamic House of Peace” ram an dinsuak ngaingai. Asinan remdaihnak ram kan din an ti lai ah thahawknak le nauhak, nunau tampi ih ttahnak ram a si sawn riangri.

-God Report.com, The Christian Post

-SD News (4 Oct 2015)

-Amos Uk Mangbk