ISIS Ralbuai Timeline

ISIS Ralbuai Timeline

United States le a lam ttang ram pawl cun tulaifang leilung tlun buaitertu ISIS pawl cu do cihmih dingah an lungrual hnu ralhriam fighters, bomber and Tomahawk missiles pawl hmang in an target Syria ram sung cu an kap rero a si zo thu Pentagon ihsin thu an than.

A tanglam pawl hi ISIS fehluan mi sualral pawl ih pungzai dan a dotdot in nganmi a si.

2000: 2000 kum thok lam ah Jordan mi ralkap Abu Musab al-Zarqawi cun mi luarkai group (extremist) Tawhid wa al-Jihad (Unity and Jihad) cu a din thok.

2003-04: US in Iraq ram cu Saddam Hussein ih uknak ram siatsuah duhah a do, a kap.
Cuihsin Iraq ram ih al-Qaeda sungtel Al-Zarqawi timi pa cun Western (USA) cu ral a thok.

2006-07: Al-Zarqawi cu US ralkap in an that. A dungthluntu Abu Ayyub al-Masri in Iraq ram ah Islamic State ram din a si zo tin mipi hnen thu a than.

2011-13: Acozah dokalhtu mibur a tam vivo nak ihsin ramsung ral tiang a suak. ISI-timi Abu Bakr al-Baghdadi ih hoha in Nusra Front timi an din ih Syria bomnak in ralhriam pawl an ngah. 2014 April ah ISI cu ISIS (the Islamic State in Iraq and the Levant) tin an dingsal. Himi caan ah Iraq ram ih US ralkap pawl an ramah kircaan a kim. Cun ISIS pawl cangvaihnak a sosang sinsin.

January, 2014: ISIS cun  Iraq ram kimvel ah leiram, hmunhma ngah ding an zuam laifang a si.

June 10, 2014: Jihadists timi ISIS ih kaihhruaimi mibur 100 lenglo cun Iraq ih khawpi tumbik pahnihnak Mosul cu an lak. Nineveh kiangkap siseh, Kirkuk le Salaheddin kiangkap hmuahhmuah an lak ttheh.

June 11, 2014: ISIS in Iraq khawpi pakhat Tikrit an lak.

June 12, 2014: Kurdish ralkap pawl in Kirkuk cu jihadists kutsung ihsin an lak thei sal ih zinan khur pawl an ngahsal. Cuih sin Iraqi Kurds pawl cun an bul leiram si dingah an lakluh.

June 14, 2014: US thawn a ralawmi Shiite Iran pawl in hnattuan tlang ding an duh lo.

June 15: Kurdish ralkap pawl in Rabia le Syria ramri cu an lak ih an uk cih.

June 16, 2014: Tal Afar khawpi cuh ah ISIS Ralkap  le security ralkap an do aw. Iraq khawlipi Baghdad kilhim bawmtu dingah US ralkap 275 thlah a si thu Obama in a sim.

June 17, 2014: Ralhrang pawl in Baquba an do ih ralkap 18 le palik ruak tamnawn Samarrna khua kiangah sar a si.

June 18, 2014: Ralhrang pawl in Iraq ih zinan suak tambik nak khur Baiji an do ih mi 10 leng an thi.

June 18, 2014: Iraq in US hnen ah jihadist ih kaihhruaimi Sunni ralhrang pawl air strikes thawn dosak ding bomnak a dil.

June 30, 2014: ISIS in Abu Bakr al-Badhdadi cu an hotu sangbik si dingah an than.

July 3, 2014:  Acozah dokalhtu pawl in Indian nurses 46 cu an dawisuak. Acozah in tuahmawh an si lo thu thannak a nei.

August 8, 2014: US president Barack Obama in ISIS do a ttulnak thu a suah. ISIS in US a siatsuah lonak dingah kilhim a ttul ruang khalah a si.

Aug 19, 2014: Kum 2012 ah umnak theih nawnlo mi US journalist James Foley cu ISIS in an thahnak video YouTube ah thlah.

Aug 24, 2014: ISIS ralhrang pawlin Syria ram saklam a do. Minung 500 leng an thi.

Aug 28, 2014: ISIS ralhrang pawl in Raqqa ih an kaih ngahmi Syrian ralkap 250 cu an that.

Sep 2, 2014: ISIS in US journalist Steven Sotloff lu an tan sak lai video thlah a si lala.

Sep 10, 2014: President Obama cun Syria ih US ralkap pawl hnenah ISIS umnak pohpoh kapsiat thluh ding in thu a pek.

Sep 13, 2014: ISIS in British aid worker (mi bawmtu) David Haines lu an tan lai video a thlah lala. A veithumnak a si zo.

Sep 15, 2014: Leitlun ih ram cak pawl  in Iraq ih ISIS siatsuah dingah thuburnak an nei. Syria ram sung ah pehzom dan ding cu an pholang lo.

Sep 17, 2014: SIS in US hnen Obama in ralkap a thlah a si ahcun an bawhcia nak thu le  ralrin peknak video a suah.

Sep 17, 2014: Obama cun a  ralkap thupektu pawl thawn ISIS donak ding thu ah tonawknak a nei

Sep 19, 2014: ISIS in British journalist pakhat an kaih nak video a suah lala.

Sep 20, 2014: Iraq ram saklam ah IS jihadist pawl ih kaihtuar Turkey mi 49 cu luatnak pek in an ram Turkey ah an tlung ter.

Sep 22, 2014:  US in Syria ram ih ISIS umnak hum pawl bat in tlun van in (airstrikes) vanzam thawn do hram a thok.

Source: Hindustan Times <http://www.hindustantimes.com/world-news/iraqonthebrink/the-rise-of-isis-terror-a-timeline/article1-1267394.aspx, September 23, 2014>
Posted: http://thechintimes.com/isis-ralbuai-timeline/
-Amos Uk Mangbk