Jesuh' Ralnaam (Jesus' Sword): Dotu le Do tul

Jesuh' Ralnaam (Jesus' Sword): Dotu le Do tul

Tusan zumtu tampi in Pathian hi lennak, luatnak, hlawhtlinnak, lungawinak le a thatnak lam kapkhat lawng zumih ruahsan kan tampi.

Cu pawl co theinak dingah remnak le daihnak lawng kengin Jesuh a ra lo, ralnaam keng in a ra, “Leilungtlun ah remnak thlentertu ah a ra tiah i ruat hlah uh. Remnak tuahtu ah ka ra lo, ralnam kengin ka ra sawn a si. Pa le fapa, nu le fanu, ni vah pawl ral awter dingah ka ra a si. Mi pakhat ih ral tihnung bik cu amah ih innsang mi an si ding." (Matt 10:34-36)

Khristian mi le khawvel mi lakah siseh, Thlarau mi le tisa mi lakah siseh, innsungsang ah siseh ral awknak a um ngaingai. Tulaifang ahhin Khristian (215) million cu a phunphun in zumnak ruangih hremnak tuar kan si. Leitlun Christian mipum zatek (12) ah mi (1) in zumnak ruangah hremnak kan tuar a si. Leitlun biaknak lakah Khristian pawl hi hrem le thah tuar nasa bik kan si.

SUNDAY

SUNDAY
1. Lai fala pawlih mawibik ni
2. Lai tlangval pawlih style bik ni
3. Nauhak hrangah Sunday School kai ni
4. Pathian hnatuantu pawl hrangah hnatuan tambik ni
5. Tlawngta hrangah tlawngpit ni le homework tuah ni
6. Fala le tlangval duhdawk hrangah tonawk remcang ni
7. Zuuva pawl hrangah ni zalen nomnak phunphun tuah ni
8. Mitha hrangah that sinsin ni, misual hrangah sual sinsin ni

MONDAY

MONDAY
😞🙈🙇😿
1. Hnatuan thoksal ni
2. Tlawngkai thoksal ni
3. Thinharnak tambik ni
4. Ei-in thaw lodeuh ei-in ni
5. Lung nat ngahtu tambik ni
6. Zarh karkhat ih ni siar thok ni
7. Mah le mah thahawk tambik ni
8. Office hnatuantu 50% ih zungkai tlai ni
9. Pathian hnatuantu tampi ih bang reh ni
10. Sat le Sun hnatuan pawlih bang reh ni
11. Sat le Sun lungleng pawlih umhar reh ni
12. Weekend nomnak le lungawinak a cem ni
13. Weekend nun nompitu pawlih paisa sam ni
14. Weekend tonawk le daiawk pawlih umhar ni
15. Zarh karkhat hrang le Tuesday hrang tulsammi pawl timtuah ni

A NETNAK

A NETNAK
Nun ih netnak cu thihnak Hnih ih netnak cu ttahnak
Z'kim hrangah netnak a um
Nun cu thoknak le netnak a um
Pathian lawnglawng netnak nei lo

Hringfa zaten netnak lam kan pan
Thil ziangkim netnak lam a nai sinsin
A liamcia thu ah minung kan si ahcun
A ra lai dingmi thu ah mithi kan si leh ding
Caan le san pawlih netnak ih huapmi zaten

Mi zaran ih hril lo netnak cu farahnak
Ram uktu hrekkhat ih netnak thawnginn
Milian hausa hrekkhat ih netnak lungkuai
Khualtlawngtu hrekkhat ih netnak cangsual
Awmmawi lam ih lar hrekkhat ih netnak thihsia

Sikhalsehla kannih cu Pathian ih in tiamkammi van thar pawl le lei thar, dingnak a tlanlennak hmun cu kan hngak a si. 2 Peter 3:13

UAR BERNAK HEH PAKHATNAK SI

UAR BERNAK HEH PAKHATNAK SI
Leivum thu lamah:
🚶Naupang lai in mikol le milian te uar si sing.
🏃Rawlham kei si phang tsimnak nei le thiamnak nei te uar si sing.
👯Khangno kei si phang melhoih le mingthang te uar si sing.
🕵Khangham kei si phang lawhding le nunnuam te uar si sing.

👩Khangngai ten dangval han (mipa) mingthang te musah in uar ber si.
👱Dangval ten khangngai hoih (nupang) mingthang te musah in uar ber si.
🙍Nupi ten patsang muangtak (dangval) mingthang te uar deve si.
👨Patsang ten nupi kungkul (khangngai) mingthang te uar deve si.
👴👵Nupi le Papi ten mipha lawhding tsanu tsapa te uar deve si.
Pathian thu lamah ee tute ha kei uar, tuha kei uar ber?
Mitsim, tawng phunsang kai, daan lun diktsang, biaknak lamah huaitu, miphun ah sinak nei, mithiam-laingan thiam le awn thiam, thu nei zo huaitu pakhat Paul in Bawi Jesuh Khrih thinglamteh siar ngawl ngalpi tuh (uar tuh) heimah nei ngawl sing (Galati 6:14) tin ti si.
Tsimita, minung heh uarber tak tumah om ngawl. Tumah uarbernak nei awl ala sing. Hun khatin kei uarbernak thurelthiam te, lasa thiam te, mitsim te, milian te, mi mingthangte khen rei awh ngawl poh si. Bawipa Jesuh Khrih siar ngawl, minung uarber tak om ngawl si.
Kei uarbernak heh pakhatnak in kei ruatnak si veng si.

CAT LO CAMKHAT

CAT LO CAMKHAT 

Thansonak hrangah thla kan cam
Hlawhtlinnak hrangah thla kan cam
Thansonak le hlawhtlinnak le minung
Cung Pathian dodalnak lam hoi ahcun
Camkhat awh fangfang!

Zanmang hman daih rei sawn
Hngilh zo hmanah a cem hrih lo
Atu ih inn lnntha-lotha le minung cu
Atu thotho ah ziamral le mualliam mai
Camkhat awh fangfang!

Atu ih a ummi khal a umcia
A um lai dingmi khal a umcia
A liamcia khal a kirsal thotho ding
Rinsan tlak hrim um lo thil le minung
Camkhat awh fangfang!

Maw… Cungnungbik Pathian
Camkhat sungah himnak le luatnak
Nunnak leitlun hrang le vancung hrang
Camkhat awh fangfang ziangkim hnakin
Cat lo in kan lo rinsan a si!
Thusimtu 3:15; 12:8

AMAH SUNGAH KEIMAH

AMAH SUNGAH KEIMAH

Keimah ah si lo
Anmah ah si si lo
Kanmah ah khal si lo
Amah Pathian ah a si

Kum riat zawhmi cawlhbuk
Kum li zikzik tla rei lo vekin
Kum khat kekar thar palbet
Kum ziangmawzat a tanglai
Pathian kawhnak fialnak aw

Tumthelh tam hmansehla
Tumhrim cu thelh lo sehla
Zawhlam cu bingbo ko sehla
A thoknak le cemnak sisehla

Thisen a dok hlan
Lung tur a thok hlan
Thli lut le suak hlanah
Ka nun thoknak le cemnak

Amah sungah Keimah!

TIKCU

TIKCU

Atu ahcun
Duh lo mi duh caan
Duh mi duh lo caan
Huat mi pawl duh caan
Duh mi pawl huat caan
Tisa duhnak le Thlarau duhnak!

Nehhnu ahcun
Duhtu pawlih huatnak
Huatu pawlih duatnak
Hlawhtlinnak cu hlohnak
Vanduainak cu malsawmnak
Tisa mi le Thlarau mi doawknak!

Anetnak ahcun
Tisa mi cun khawvel thil
Thlarau mi cun vanlam thil
Lei lam hlawnthil le van lam rothil
A thimi le a nungmi hmunkhat ding
Thlennak a dang ding, comi a dang ding!
Atu-Nehhnu-Anetnak Pathian uknak sungah!
2 Kol 5:9-10

UAR TUK LUAN CU LUAN A SI

UAR TUK LUAN CU LUAN A SI

Bawipa ih tuahmi lawng, Bawipa Jesuh Khrih thinglamtahnak lawng uar bik ding a si (Jerimiah 9:24 <1 Kor. 1:31>; Gal. 6:14)




💇💅💄 Mawinak a duhtu pawlin mimawi model hminthang pawl le ceimawi mi mimawi pawl an uar.

⚽🏓🏅 Bawhlung (football) le leknak lam a uartu pawlin rawl lo ti lo in lekleklek an uar ih lek thiam pawl an uar ve.

🎤🎸🎶 Hla le awnmawi ngaingatu pawlin hlasak thiam le laam thiam pawl an uar ih an thihpi.

LEILUNG A HIM LO

LEILUNG A HIM LO

Mi zokhal kan him lo. Ziangmi ram khal a him lo. Leilungpi rengreng hi a him nawn lo. Adam le Eve le rulpi pawlih buainak hin tui’ni tiang leilung buainak hrihram a pehpar ter i tui’ hnu khalah cui buainak thotho hi a si vivo hrih ding. Ram uknak khal a buai, Kawhhran uknak khal a buai, minung uknak khal a buai ih minung zaten buainak khur ah kan pil. 

Buainak hi minung i' remthat theih thu a silo ruangah, remnak thu hi khuahlan ihsin Vancungmi khal’n an phuang, minung khal’n an zuam-asinan leitlun ah hlawhsam a si ringring. Hi buainak in leilung hi siat lam ah a fehpi hnu siat tawpkhawknak kan thleng ngaingai zo. Curuangah kan umnak leilung hi a him lo.

HRIL DING A UM LO

HRIL DING A UM LO

Hau cia mi thingkung hrang hmanah ruahsannak a um; A cerh dingih a nungsal ding,
A hram note a tthang vivo ding (Job 14:7). Asinan minung cu veikhat thih hi lei taksa cemnetnak a si cih. Ziangvek nun harnak lak khalah beidong lo tu hrangah lungawi le hnih caan a cem hrih lo. A tho thei nawn lo thih a hngaktu hman lungawi in a hni thei tuk lai.  Asinan mi tampi cu theicia lo, ralring man lo le hril riai lo'n an thi zo.

Mi pakhat thah hin mithattu ti a si. Mi burpi thah cun mi huaisen ti a si (TM, Malaysia PM). Doawknak hi mi tampi thihnak a si. Ral doawknak, sumpai doawknak, le nehnak cuh doawknak pawl hi nehtu hrang lawngah man nei a si. Duh hril lo'n cunah mi siar cawk lo an thi, ziangah tile thih cazin hi a nunglai minung ih tuahmi a si.

Amen!

Amen! 

Kannih cun mai' hrang kan ruat

Tufang 7.6 billion minung hrang
Christian minung 2.3 billion pawl
Leitlun mipum za ah 30 hrawng 
Kan kan kan, kan timi ih huap ban lo!

Cungnung Pathian ih rem khuaruahnak
A maksakmi tumtahnak le thuthennak
Sekan tin mi 4 nausuak le 2 mithi hrang
Adam a thok hlan ihsin Van le Hell tiang
Cucik kharbok cikhrik hringfa nun nei zaten
Lei ih tuah lei ih kir ding zatei' raltawpnak
Tulmi duhmi hmuitin thoknak netnak dangdang!

A cu bang lakah - kan ruahmi
Ka ka ka, kan kan kan le an an an thu pawl hi!

Pakhatnak thupibik a si lo - asinan
Sersiamtui remruahnak sungah a zaten zaten
A ciacia zumnak rinsannak ruahsannak zaten
A thuthu cu bik lakih bik le hmuahhmuah zaten
Amen Amen Amen vei 3 le vei 7 ding a si a si
Amen cu thlacam netnak men a si lo! Amen!
Saam 72:19 A hmin sunglawi kumkhua in
thangthat uh; A sunlawinak leilung pumpi ah
khat seh. Amen! Amen!

Saam 89;52 Bawipa cu kumkhua in thangthat uh si! Amen! Amen!

Zuk: Melaka bus par ihsin zuk mi

Tawp A Tawp

Tawp A Tawp
***************Nunau in netabik a duh
Mipa in hmaisabik a duh
Nauhak in a duhduh a duh
Mi pitling in a thatha a duh
Mi hmuahhmuah in bik kan duh!

Mithli cu tuarnak a si
Tahnak cu natnak a si
Beidongnak cu tur a si
Tihnak cu van duainak a si
Tuartheilonak cu sunnak a si!

Nunnak cu a lang lomi a si
Ruahsannak cu hmailam thu a si
Lungawinak cu sunglam nun a si
Beiseinak cu a cang hrih lo mi a si
Thazang cahnak cu tham theih lo a si!

Mi hrek in a langmi lawng an hmu
Mi hrek in a ring mi lawng an thei
Mi hrek in tham theih lawng an nei
Mi hrek in lei ih tep theih lawng an duh
Mi hrek in leilung thil lawng an tlaihsan!

Nikhat cu ni thawngkhat bangin
Ni thawngkhat cu nikhat bangin
A um zo mi le a um lai dingmi thu
A liamcia mi le a ra lai ding mi caan
A thoknak le a netnak cu Pathian ah a si!
2 Peter 3:8

Photo: Repost

CALAICA

CALAICA

Kan dinhmun sang sinah
Kan ruahnak kau tertu Calai,
Kan zir ding, siar ding, ngan ding kan Calai,
Kan miphun kilhimtu kan nunphung a nuntertu,
Ro sunglawi calai, laica, Bible ca, CALAICA
Sandeng tiang hmun hram seh!

FCC Calai Committee Kum (10) Kim
Ka thinlung kilkhat luahkhattu,
Ka hman zo mi caan a laktu,
Ka thazang le ka fimnak,
Ka nun lamtluan remtu,
Ka thapmi canmi,
CALAICA!
FCC
13/7/2018

Refugee pawlih Pathian A Ummen Maw?

Refugee pawlih Pathian A Ummen Maw?
Refugees (50,000/68.5million)
++++++++++++++++++++++++
Umnak nei lo vakvai minung (68.5 million) pawl hi raltlan, nun humhimnak hrang bom tulmi pawl an si. Ramhuap in refugee mipum siartam mi pawl cu Central African Republic (1 million) Europe (1.4 million), Iraq (3 million), South Sudan (3.3 million), Syria (5 million), Ukraine (2 million), Yemen (2.8 million, 20 million pawl bom tul). Ram nei lo dinhmun thleng tulaifang UNHCR ih ngaihveh hlawhbik Rohingya refugee mi (7-9 million) an si. Cui tlunah leitlun refugee 2/3 cu Syria, Afaghanistan, South Sudan, MYANMAR le Somalia ram (5) ihsin an si. Hitluk leitlun refugee lakah Laimi (Chin) refugee mi 50,000 kiangkap hrang harnak thu kan ruah tikah kan unaupi refugee million tampi pawl hrang huapih Pathian uknak le remruahnak thu mi zahuap ruahnak nei kan tul a si. *(1 million = 1,000,000) -www.unrefugees.org

Milai Ruk-zuarnak
++++++++++++++
Leitlun ah namnuai tuar-hnatuan khung tuan termi, ruk-zuarmi, sal vekih hremmi a phunphun harsatnak tuartu (20-37 million) an um ih kumtin mi (600,000 - 800,000) pawl cu ramri kaan in ruk le zuar hnawihnih namnuai mi an si ringring. Himi pawl lakah Chin mi ziangzat kan tel, ziangtin kan humhim awk ding, a tuar zo pawl ziangtin runawk sal thei ding ti thu pawl ruah tikah a luatmi, a himmi pawlih mawhphurhnak hi daithlang ih topi men ding
a si hrimhrim lo. -http://humantraffickingcenter.org

An Thei Lo - Kan Thei Lo

An Thei Lo - Kan Thei Lo
>>>>>>>>><<<<<<<<<
A lang lawnglawng thei thei thei
A deng le kawm ih sui thempel
A lu le zim ih sui tumbawr
A theitu le neitu anmah
An thei lo – kan thei lo!

Kawhhran ih loram sumtual rawn
Anmah kanmah nanmah tiahtiah
Sui le Ngun le Lungvar tlatla
Pekmi le ngahmi thatha
An thei lo – kan thei lo!

Hmuh lo lo thei thei thei a cu cu
Hmuh lawnglawng a si lo lo
Hmuh lo theih ding tamtam
Lu lam maw ke lam lam
An thei lo – kan thei lo!
https://www.facebook.com/amoschinbk

Khrih Sungah Mithar (Siamthar Mi) Sinak

Khrih Sungah Mithar 

(Siamthar Mi) Sinak

(2 Korin 5:17) Zozo khal Khrih thawn an pehzom awk tikah cun a nun hlun cu  a cem ih nun thar a thok zo.

Jesuh Khrih ah Pumkhat Sinak

Thihnak:          Rom 6:6 (Kan nunhlun cu Khrih thawn thinglamtah parah khen cih a si zo)

                        Rom 6:8 (Khrih thawn a thi tlang, nung tlang ding)

Galati 2:20 (Daan ruangah thinglamtah parah Khrih thawn thahmi kan si zo)

Kolose 3:3 (Khrih thihnak ah kan thi zo ih nunnak taktak cu Khrih thawn

        Pathian sungah thun mi kan si)

Phumnak:        Rom 6:4 (Baptisma: Amah thawn phum, Amah vekin a thar in nung ding)

Kolose 2:12 (Baptisma: Amah thawn phum, Amah vekin a thar in nung ding)

Thawhsalnak: Johan 6:54 (Jesuh: Ka taksa ei, thisen in tu cu kumkhua nunnak ah ka tho ter ding)

                        Johan 11:25 (Zokhal keimah i zumtu tu thi hmasehla a nung ding)

Kolose 3:1 (Nunnak ah Khrih thawn thawhter mi kan si zo)

Efesa 2:6 (Khrih thawn uk tlang dingah in thoter sal zo)

Pathian Fa (Christian / Zumtu) Pawlih Hlawknak

Pathian Fa (Christian / Zumtu) Pawlih Hlawknak

Pathian Khuakhannak

Khaukhihnak: Rom 8:29; Efesa 1:11

Hrilnak: 1 Thesalon 1:4; Rom 8:33; 

     Kolose 3:12;  Titas 1:1; 1 Pet. 2:4; Matt 22:14

Kawhnak: Rom 9:11; 1 Thesalon 5:24

Pathian Hnen Thlennak

Remnak: 2 Korin 5:18; Kolose 1:20; Rom 5:10; 2 Korin 5:20

Tlennak: Kolose 1:14; 1 Peter 1:18; Rom 3:24

Pehzomnak: Efesa 2:12-18; Rom 5:2; Hebru 4:14-16; 10:19-20

CALAI THUTAWI

CALAI THUTAWI

Tuanthu (Thuanthu) Tawi: 
* Leitlun ih calai hmaisiabik cu Egypt calai le Sumerian  calai pawl hi a si ding tiah thuanthu thiam pawlin an sim.
* Atui kan hmanmi cahnah ih nganmi calai cu Tuluk ramih serthokmi a si.
* India calai khal calai lamah mi hmaisabik dunthluntu a si ve.

Chin Calai (Chin Literature)
* Lakher (Mara) ca ngandan cu kum 1852 ah Capt. S.R.Tikell in a tuah.
* Mizo ca ngandan cu Kum 1874 ah Lt. Col. Thomas Herbert Lewin in a tuah.
* Kuki ca ngandan cu kum 1874 ah C.A Soppit in a tuah.
* Siyin ca ngandan cu kum 1891 ah Capt. Rundal in a tuah.

SATAN HNAṬUAN

SATAN HNAṬUAN

*Satan in Pathian kan zumnak, kan rinsannak le tuartheinak kan neihmi parah in hniksak ṭheu. Pathian dokalh zawngih thiltuah dinghi Satan ih tumtahbik a si. Matt. 4:11-11; Job 1:6-2:10

* Pual in milai a mawhthluk tum lo, Kawhhran sungih hlawhtlin lonak hi Satan ih thlemnak, Satan ih dawnkhamnak a si zia fiangten a thei.

1 Thessalon 1:18 Nanmah ra tlawn sal kan duh. Kei tla cu voi tam nawn nanmah ra tlawng dingah ka tum rero nain Satan in kan lamzin in kham ṭheu.

1 Thessalon 5:5 Curuangah Timote ka hun thlah. Nan thuhla zianghman thei loih um cu ka tuar thei nawn lo ruangah le nan zumnak thu theih ka duh ruangah ka hun thlahnak a si. Satan in a lo thlem ding ih kan hnaṭuanmi hmuahhmuah a lakah a cang ṭheh pang pei ti ka phang.

* Pathian hna ṭuan phah, Amah rian phah cingin Satan Lungawizawng tuah pang a olte.
Vei tampi Pathian duhnak hnakin kanmai duhnak thupitter in thil kan tuahpang caan ah
a netnak ahcun Satan lungawizawng a rak si ṭheu.

Aw...Thihnak Nunnak

Aw...Thihnak
Aw... Nunnak

Kan suak kan thi
Kan sual kan thi
Kan lungawi kan thi
Kan hlawhtling kan thi

Kan mawi kan thi
Kan hmelsia kan thi
Kan nun a sau kan thi
Kan nun a tawi kan thi

Kan duhlo khalle kan thi
Kan sianglo khalle kan thi
Kan man hrih lo khalle kan thi
Kan nun theinak dingah kan thi.

“Kei cu thawhsalnak le nunnak ka si. Zokhal keimah i zumtu cu thi hmansehla an nung ding. Zokhal keimah sungah a nungmi le i zumtu cu an thi nawn lo ding." Johan 11:25-26

Tluangdang Lailungrawn - GE-14

Tluangdang Lailungrawn

Mei a thim zawhlam a daiZinpi zinte tthing ririah
An hril mi an thlir mi
An hram an hlam
Cui zan ah...

Thla a ttem lung a phang
Darkhing awn ralrinnak
An tum dar tum dar
Sunnak nehnak
Cui zan ah...

Ramdang mi vaivaak mi
Ralring ralring uh tiah
Tualsung mi leng mi
Hnihnak ttahnak
Cui zan ah...

Thlapi thim seh Ninu eng seh!
Rallian kiang seh Rualtha hram seh!
Tuarnak dem seh Uannak kiam seh!
Remnak leng seh Daihnak leng seh!
Malaysia!

Malaysia GE-14 Election zan ih ngan mi.

NEHNAK

NEHNAK

Saam 20:7 "Mi hrekkhat in an raldonak rangleng an ring,
A hrek in an rang an ring; Asinan kannih cun
Bawipa kan Pathian ih cahnak kan rinsan."

Kiosa sinak hin ramsa zaten nehnak a si lo
Kiosa ih cahnak lawng hi ral nehnak a si
Kiosa thazang neih lo cun san a tlai lo
Kiosa cu Kiosa si ko hmansehla
Kiosa a sinak in a runaw thei lo.

Nehnak cu sinak dinhmun a si lo
Nehnak cu sunglam ih thazang a si
Nehnak cu hmuh theih lo cahnak a si
Nehnak cu neihmi thahram cahnak a si
Nehnak cu tuartheinak thazangih rah a si.

Pathian cu nehtu a si
Satan cu sungtu a si
Zumtu cu nehtu kan si.
Amen.

Thihnak

Thihnak

World Cup:
Team tampi an thi zo
Team tampi an thi lai ding
Team khat siar lo an thi theh ding...

Sualnak:
Adam a thi ticun Eve khal a thi
Abraham a thi ticun Sarah khal a thi
Sualnak ah mi hmuahhmuah kan thi...

Tuarnak:
Sual man cu tuarnak-thihnak
Zum lo cu sualnak ih sual tumbik
Sual tumbik cu Jesuh zum lo sualnak...

Nunnak:
Jesuh a thi sualnak a thi
Amah a nung sualthihnak a neh
Amah zumnak sual le thih nehnak...

Thihnak Nunnak:
Jesuh kan zum kan sual kan thi
Jesuh kan zum kan nun kan nung
Amah lo cun thihnak, Amah thawn cun nunnak..
A hmaisa maw neta cu lawnglawng!

Nunnak hril sawn uh si.

D- June 26, 2018 

Zumnak Vankai

Zumnak Vankai

A nun lai ah a thi zo

A thihnak cu nunnak a si
A zumnak cu vancung a kai
A zumnak cu a nunnak thahram

Zumnak lo cun kan cem
Zumnak lo cun thulolak a si
Zumnak lo cun kan thi dekdek
Zumnak lo cun kan hloral takak
Zumnak lo cun Hell mei sathaufar

Mit hmuh hlavang thu a si lo
Hna theih thawmring men a ai lo
Tisa vun paate ih diriamnak a si lo
Thinlung kuttum tia ih duhnak a si lo
Hiarnak diriamnak kimnak men a si lo

Thihpi ngam mi nunpi ngam mi
Sunpi ngam mi hlawkpi ngam mi
Tuarpi ngam mi phuanpi ngam mi
Hmuh fiang theihfiang co taktak mi
A thuhla ah a si lo Amah rori a si mi
Jesuh zumnak cu Zumnak Vankai a si.

KHRISTIAN PAWLIH ATNAK (5)

KHRISTIAN PAWLIH ATNAK (5)
1. Fimnak hrampi Cungnungbik Pathian zum cingin fimnak thupi ih ret lo, mai atnak le fim zir paihlo men ruangah fimnak in Pathian sunlawinak a lang ter lo, Pathian sunlawi nak a hmu ban lo, Pathian duhnak thawn a kalhaw tin Thufim 1:7; 9:10 vekin Pathian ṭihzah nun nei paih lo atnak.

2. Farah hi poi tilo in Pathian remruat sawn a si tiih mai’ farahnak hnemawk le hmaiphaw tuam ah Pathian in mifarah a khaisang ti ringring tho si ih ziangkim neitu Pathian cu farah pathian tluk fang ih hmuhnak, ruahnak le lungput thawn Matthai 6:33 rinsan na’n farah ringring Khristian atnak.

3. Vancung ram cu ka ta ti ngam ringring si in Johan 3:16 lawng rinsan ih hnangam huahhi, 1 Korin 6:9-11 le Galiti 5:19-21 siar paih lo, Jeim cabu tla siar paih lo, thisen kutneh le thinlung balh nun borhhlawh mahte ngaidam aw ringring atnak.

4. Kawhhran hruaitu dingah Pathian thungai piangthar mi hnakin paisa nei, zirsang tapoh full mark pek thluh, Pathian duhmi ka thlun ding ti hnakin Kawhhran ah ka cal lang ve ding ti lungawi phur men ih hruaitu ṭuan. A hriltu khalin mai’ hril mi hman thei ter aw nawn lo in thlacam sakih thapek lamlam fei le naam ṭongkam thawn hruaitu relsiat lo um theilo 1 Thesalon 5:12-13, Hebru 13:17 ziang ih siar lo atnak.

5. Pathian hnaṭuantu si cing khalin Pathian duhmi hnakin mai’ hlawknak hawl ringring ṭanghma sial thuthangṭha au ur-o, mipi khalin Pathian lungawi zawng a si maw, a si lo tiin Bible zohṭhim cuang lo’n ka-naal hnihsuah saithiam ta poh ngaisang ih Satan lungawi ter phahphah, Tirhthlah 17:10-11 siar lo, phuanglo Pathian siahhlawh le thluntu piangthar pawlih atnak.