UAR BERNAK HEH PAKHATNAK SI

UAR BERNAK HEH PAKHATNAK SI
Leivum thu lamah:
🚶Naupang lai in mikol le milian te uar si sing.
🏃Rawlham kei si phang tsimnak nei le thiamnak nei te uar si sing.
👯Khangno kei si phang melhoih le mingthang te uar si sing.
🕵Khangham kei si phang lawhding le nunnuam te uar si sing.

👩Khangngai ten dangval han (mipa) mingthang te musah in uar ber si.
👱Dangval ten khangngai hoih (nupang) mingthang te musah in uar ber si.
🙍Nupi ten patsang muangtak (dangval) mingthang te uar deve si.
👨Patsang ten nupi kungkul (khangngai) mingthang te uar deve si.
👴👵Nupi le Papi ten mipha lawhding tsanu tsapa te uar deve si.
Pathian thu lamah ee tute ha kei uar, tuha kei uar ber?
Mitsim, tawng phunsang kai, daan lun diktsang, biaknak lamah huaitu, miphun ah sinak nei, mithiam-laingan thiam le awn thiam, thu nei zo huaitu pakhat Paul in Bawi Jesuh Khrih thinglamteh siar ngawl ngalpi tuh (uar tuh) heimah nei ngawl sing (Galati 6:14) tin ti si.
Tsimita, minung heh uarber tak tumah om ngawl. Tumah uarbernak nei awl ala sing. Hun khatin kei uarbernak thurelthiam te, lasa thiam te, mitsim te, milian te, mi mingthangte khen rei awh ngawl poh si. Bawipa Jesuh Khrih siar ngawl, minung uarber tak om ngawl si.
Kei uarbernak heh pakhatnak in kei ruatnak si veng si.