SUNDAY

SUNDAY
1. Lai fala pawlih mawibik ni
2. Lai tlangval pawlih style bik ni
3. Nauhak hrangah Sunday School kai ni
4. Pathian hnatuantu pawl hrangah hnatuan tambik ni
5. Tlawngta hrangah tlawngpit ni le homework tuah ni
6. Fala le tlangval duhdawk hrangah tonawk remcang ni
7. Zuuva pawl hrangah ni zalen nomnak phunphun tuah ni
8. Mitha hrangah that sinsin ni, misual hrangah sual sinsin ni

9. Zumtu sina’n Sunday ni hnatuantu hrangah:
- Hnatuan bang cuang ni
- Dawr zuartu hrangah khawng ni
- Leidan in hlawk ni, thlarau dan in sung ni
- Zumtu hrangah ni thupi nikhat thupi lozet ih hman ni
- Pathian biak Sunday ni khawm duh hrangah thinhar ni
- Hnatuan cawl duh na’n cawl ngah lo hrangah thin heng ni
- Hnatuan cawl thei na’n cawl duh lo tui’ Satan lungawi ter ni
- Sunday ni Pathian biak khawm a paihlotu hrangah remcang ni
- Hnatuan cawl thei na’n paisa duh ruangih hnatuantu hrangah tampi ngah ni
- Hnatuan cawl thei na’n hnatuan hrilsawntui’ hrangah Pathian thu lam ih sungral ni

10. Sunday ni Pathian biak khawmtu hrangah:
- Pathian biak khawm ni
- Hnipuan tha hruh le ceiawk mawi ni
- Rualpi le kawhhran mi pawl thawn tonawk ni
- Hlasak, thlacam, Bible siar, ahlu pek le thu ngai ni
- Nidang hnakih fel deuh, tha deuh, suupawk deuh ni
- Kawhhran sung thusia le hlasia tam deuh thei ni, rel ni
- Pastor pawl, hruaitu pawl, tuanvo neitu pawl soisel relsiat ni
- Mi mawi pawl le neinung hrekkhat pawlih uarawk le hngal ni
- Pastor pawl le hruaitu pawlin thinheng mi phorh ni le mi sawh ni
- Pathian duhdawttu le tihzahtu pawlih thlarau nun zir ni le thanglian ni
Sunday ni, Colh ni, Nipi ni, Ni thiang ni, Zarhpi ni, Thawhsal ni, Pathian ni
Zuk: KLBC Mission Day, FCC Mino Thlacam Khawm