UAR TUK LUAN CU LUAN A SI

UAR TUK LUAN CU LUAN A SI

Bawipa ih tuahmi lawng, Bawipa Jesuh Khrih thinglamtahnak lawng uar bik ding a si (Jerimiah 9:24 <1 Kor. 1:31>; Gal. 6:14)




💇💅💄 Mawinak a duhtu pawlin mimawi model hminthang pawl le ceimawi mi mimawi pawl an uar.

⚽🏓🏅 Bawhlung (football) le leknak lam a uartu pawlin rawl lo ti lo in lekleklek an uar ih lek thiam pawl an uar ve.

🎤🎸🎶 Hla le awnmawi ngaingatu pawlin hlasak thiam le laam thiam pawl an uar ih an thihpi.


🍚🍔🍻 Ei thaw in thaw mi rawl le ti a uartu pawlin dawr thatha le hminthang pawlah ei-in thaw an zawh.

⛪🕌💒 Biaknak lam a uartu pawlin khawvel thil hnakin biaknak thu an uarih nun thap an ngam.

🗡🔗💉 Sualral cangvaih a uartu pawl cun mi hrem-thah le siatsuah an uarih tuah lo in an um thei lo. 

🚩🛃🗽 Ram le uknak thu a uartu pawlin thudik le diklo kop in uknak thu ah uktu sinak an cuh. 

🏦🚘💰 Len le hminthannak a uartu cun tihmi nei lo in ziangkim cu lennak le hminthannak ah an ngam. 

📚📰📝 Ca ngan le siar a uartu pawlin ca nganthiam pawl, ca-zuk thatha pawl ngan-siar an uarih an ngan, an thai.

💒📢🕴Thusim thiam a uartu pawlin thudik khal dik lo khal, thutak khal tak lo khal uarmi ih sim piang ngai an duh ih an lung, simmi thu hnakin simtu an uar sawn.

Uar hi a sual lo. Uar tuk khal a poi lo. Uar tuk luan cun luan a si zo. Ziangahtile uar tuk luan mi minung, thilri, sinak pawl hi thihpi-nunpi dingih zum le rinsan tlak pakhat hman a um lo.

Jerimiah 9:23"Bawipa in, mifim in a fimnak uar hlah seh, micak in a cahnak hngalpi hlah seh, milian in a lennak in tluangkhawng hlah seh"