Tusan zumtu tampi in Pathian hi lennak, luatnak, hlawhtlinnak, lungawinak le a thatnak lam kapkhat lawng zumih ruahsan kan tampi.
Cu pawl co theinak dingah remnak le daihnak lawng kengin Jesuh a ra lo, ralnaam keng in a ra, “Leilungtlun ah remnak thlentertu ah a ra tiah i ruat hlah uh. Remnak tuahtu ah ka ra lo, ralnam kengin ka ra sawn a si. Pa le fapa, nu le fanu, ni vah pawl ral awter dingah ka ra a si. Mi pakhat ih ral tihnung bik cu amah ih innsang mi an si ding." (Matt 10:34-36)
Khristian mi le khawvel mi lakah siseh, Thlarau mi le tisa mi lakah
siseh, innsungsang ah siseh ral awknak a um ngaingai. Tulaifang ahhin
Khristian (215) million cu a phunphun in zumnak ruangih hremnak tuar kan
si. Leitlun Christian mipum zatek (12) ah mi (1) in zumnak ruangah
hremnak kan tuar a si. Leitlun biaknak lakah Khristian pawl hi hrem le
thah tuar nasa bik kan si.
Hivek leitlun ahhin Bawi Jesuh hi remdaihnak bawi asinak cu ralnaam nehnak keng in a rung bangin ziangvek ral khal kan neh theinak dingah a si. Neh tulmi ral lakah sunglam ral le lenglam ral a um. Tisa misual sinak thinlung sual ral khal neh a tul ih lenglam sualforhnak Satan ral khal neh a tul. Ziangah tile ral hi mai sungih sual doral siseh, mah thawn a naibik ih um innsungsang, hnatuanpi, zumtu pi, zumlotu pawl, mi zokhal hi Khrih ih ralnaam thawn do neh tulmi lawnglawng a si.
A thupi mi pakhat cu Khrih ih ralnaam thawn mi a do nehtu kan si a tul, dotu kan si caan a um ih do tul kan si caan a um. Khrih ih ralnaam hmai ah ram uknak siseh, pawlkom uknak siseh, pumpak uknak siseh, zokhal kan sung ding a si. Khrih a zumtu a ralkap pawl cun nehnak ralnaam kan nei a si.
Hivek leitlun ahhin Bawi Jesuh hi remdaihnak bawi asinak cu ralnaam nehnak keng in a rung bangin ziangvek ral khal kan neh theinak dingah a si. Neh tulmi ral lakah sunglam ral le lenglam ral a um. Tisa misual sinak thinlung sual ral khal neh a tul ih lenglam sualforhnak Satan ral khal neh a tul. Ziangah tile ral hi mai sungih sual doral siseh, mah thawn a naibik ih um innsungsang, hnatuanpi, zumtu pi, zumlotu pawl, mi zokhal hi Khrih ih ralnaam thawn do neh tulmi lawnglawng a si.
A thupi mi pakhat cu Khrih ih ralnaam thawn mi a do nehtu kan si a tul, dotu kan si caan a um ih do tul kan si caan a um. Khrih ih ralnaam hmai ah ram uknak siseh, pawlkom uknak siseh, pumpak uknak siseh, zokhal kan sung ding a si. Khrih a zumtu a ralkap pawl cun nehnak ralnaam kan nei a si.
No comments:
Post a Comment