BIBLE SUNGIH NU SUAL PAWL

BIBLE SUNGIH NU SUAL PAWL (Sermon Outlines)

1. Delilah (Thut. 16:4-21)

Siar ding (Thut. 16:15-16)

Umnak           - Sorek Phairawn

Dinhmun       - Hlawhhlang

Tuanvo          - Tirhfial mi

Tuahmi          - Mi bum, mi lem, mi siatsuah

Tuahsiatmi    - Samson sam tan

Sirsal mi         - Samson that cih lo in hrem ruangah thinhar

Zirdingmi:      - Mi siatnak hrang hmanrua a si

                        - Sumpai hawlnak hrangah taksa hmang (1 Pet. 1:16; 1 Kor. 3:16)

                        - Thinhar in um (sir aw sal)

                        - Thuanthu nei lo

2. Potifar ih Nupi (Seem. 39:1-20)

Siar ding (Seem. 39:10-11)

NUNDAN KAN ZIR PEI (IV)

NUNDAN KAN ZIR PEI (IV)

Kaihruai awknak thuah hruaitu le hruaimi in zir veve ding tampi a um. Hruaimi in hruaitu ih hruainak hmunah thlundan zir kan tul. Hruaitu khal in hruaimi pawlih thluh theihding hmun ah hruai thiam a tul ve. Zozo khal caan khatah hruaitu kan siih caan khatah hruaimi kan si theh. Hruaitu cun hruaitu a sinak kha a hnatuan a siih hruaimi khalin thluntu a sinak kha a tuanvo a sive. Curuangah hruaitu in fimthiamnak, tumtahnak, theihkau- nak, thu rel thiamnak, thu then thiamnak, thinsaunak, thinlung ralthatnak, thungainak, tuar theinak, zangfah thiamnak, khuaruah thiamnak, suup theinak, le thangzang pek thiamnak pawl a neih a tul.Hruaimi khal in thungainak, thathonak, thinsaunak, theihthiamnak, thluntu tha sinak, lungrualnak le rintlak sinak pawl neih a tul ve. Hruaitu tha in dungthluntu thalo a hruai tikah le dungthluntu tha in hruaitu thalo a thlun tikah lawhtlinnak a um a um thei lo.

Hruaitu le hruaimi it theih a tulmi cu, hruaitu khal hruaitu a si ringring thei loih hruaimi khal dungthluntu a si kumkhua ding ti a theih lo. Curuangah hruaitu in ralrin a tha. Hruaimi kha ziangsiar loin a hruai a si ahcun

NUNDAN KAN ZIR PEI (III)

NUNDAN KAN ZIR PEI (III)

Zanmang ahtla kan man dahlo mile kan ruahnak khal in a ban lomi hmunah khua le ram a umih cutawk ahcun kan um. Kan semsuahnak khua le ram tanta in khuadang ramdang pan vivo in zatlang kan liam hnuah a mawi sinsin mi khua le ramah kan thleng. Lam hla deuhdeuh kan fehih thil mak le khuaruah harza thil tam deuhdeuh kan hmu, kan hna in a thei. Cutawk ahcun titheimi zianghman kan nei lo, nauhakte bangtuk kan si. Kan theidah lomi minung hnenah kan thiamhrih lomi le kan tuahdah lomi hnatuan kan tuanih, kan eidah lomi tirawl kan ei in tikah kan hrangah zirding lawngte an si. Cuihhmuh ahcun kan thiamcia kan titheinak pawl cu san an tlai nawn lo. Cuticun nundan thar zir kan tul tikah zirhtu tla tampi kan tul ve. Nauhak hnen ihsin ka zir a tulmi a um bangin, mino hnen ihsin, cun pitar le putar hnen ihsin kan zir tulmi tampi a um.

Nikhat hnu nikhat a liam rero miin kum khal a liampi vivo ih kan hmuhtonmi tla a tam sinsin ding vekin

NUNDAN KAN ZIR PEI (II)

NUNDAN KAN ZIR PEI (II)

Nundan zir cingin, ni thla siarin, hmailam thlirin, dunglam cuansalin ruahsannak thwn hmai nor vivo ding kan si. Leitlun ahhin ruahding, zirding, tuahding le tuah loding tla a tamtuk. Thinbangnak, riahsiatnak, harsatnak, duhthusam kim lonak sungzatlaknak le lungawi nomnak, hlawhthilnnak beiseinak pawl cu leitlun ih kan covo an si. Aw….ziangvek dinhmun ah kan um khal le kan dinhmun ah nundan thiam dinghi a thupi bik.

Milai kan nun ahhin damlonak, vanduainak, sungzatlaknak a phunphun in in nehtikah thanau in le zianghman beiseinak, ruahsannak nei lo in caan liam a olte. Kan taksa le thinlung ih tuar theinak kan neihmi in a tlin lo tikah

NUNDAN KAN ZIR PEI (I)

NUNDAN KAN ZIR PEI (I)

Leitlun ahhin tuah ding a tamtuk. Tuah duhzet cing in kan tuah thei lo mi a um bang in, tuah duh lo cing in kan tuah a tul mitla a tampi. Duhmi lawng tuah sibangsehla misual ah kan cang theh lo ding maw. Ziangahtile leitlun ih thil um pawlhi a netnak ah sualnak lam pan pitu hlir an si. Cuticun tuah ding kha tuah dan ding siseh, tuah lo ding kha tuah lo ih hrial dan ding siseh nitin in kan zir vivo. Nitin ih nun kan timi cu lungawi dan ding kan zir vekin riahsiat dan ding le tuah, tuan dan ding zir rero mi kan si. Zir ding thu tampi lak ah nundan thu zir hi a harbik. Fimnak le thiamnak tla zir an siih zir ding a cem thei lo bangin nundan khal zir cop rero a tulih zir theh ti a umthei ve lo. Kan thih tiang zir rero cing in a nung dingmi kan si. Leitlun ahhin duh vekin a nung ding kan silo ih a tuldan vekih a nung ding kan si. Duhvek ih nungding ahcun nundan zir kan tul lo dingnan, a tuldan vekih nun thiamnak dingah nundan thiam kan tul a si.

Nundan thiam le thiam lo thuah farahnak le hausatnak an danglam lo, fimnak nei le neilo khal an bangaw thotho. Mifim khal in nundan zir a tul,

Nu le Pa le Fale Karlak Ih Ruahnak Pekmi Sex Thu Phun (7)

Nu le Pa le Fale Karlak Ih Ruahnak Pekmi Sex Thu Phun (7)

Nu le pa thu, nunau mipa sinak (sex) thu vun rel hin zokhal a suallam mithlam a rungsuak ttheu. A ngaingai cun sex timi cu Pathian laksawng a si ruangah, duhdawtnak langternak le Pathian duhzawg in hmang thiam ding hi a thupi bik mi a si ko.

Pastor pakhat (Yangon ah) cun cabu a zuar ih cumi cu a thup tein a zuar rero. Cabu lei duhzet tu ka si tikah, “sayapa  na cabu zuarmi cu lei ka duh ve,” ka ti tikah, “Aih” tiah i let. “Kum upa pawl hrang lawngah ka zuar mi a si,” tiin in rak sim bet.

Ka sim duhsawn mi cu Laimi cu a tlangpi in sex lam kan theihnak, hmuhnak a bituk, kan theihnak  a maltuk ruangah thil cangsual a um sawn ttheu. A ngaingai cun nu le pa ihsin thok, fale siseh, mino pawl siseh fimvarzet in zirhawknak a um lo ruangah a caan a kim tikah a tthangmi mino tampi cu sex thu ah a thuptein thinlung buainak a tuartu tampi a um ding a fiang.

Curuangah Bible ih zirhmi sex thu lam kan lut hlanah nauhak hnenih nu le pa in simzirh dingmi sex thu phun 7 pawlhi kan zohtlang hrih pei.

1. Tuantein sim cia aw. Nu le pa pawl in mai sungsuak fale cu zinpeng a zawhsual lo nak dingah a hmaisabik  duhsaknak cu a nauhak tet lai ihsin a nunram ah sim ngah, zirh ngah a thupi. Tongfim hitin a um “Nang in na sim lo le, midang in an sim ding” ti a siih, sim duhmi cu mai sungsuak fale ih theih ttul mi thu cu nu le pa in tuan tein  simcia lo a sile mi dangih simmi an thei thotho ding. Curuangah

Chin Online Media Review (2015)

Chin Online Media Review

(Facebook Group: 10,000 tlun Member Umnak)

Chin mi pawlih umkhawmnak Facebook Group (member 10,000) hnak tam pawl dinhmun thlirsal tikah Chin mi pawl Online Media pawlkomnak lamah kan duailo nasa.

A tanglam ih nganmi pawl hi cipciar le famkim lonak tampi a um nan himi tlun ah ruahnak le dinhmun theihnak bawmtu ding saduhthat in khawlkhawm mi a si.

1. Chinland Today (64,189 members)- Falam

    - Admin (17), (Thuthang/News)

2. Chin Youth Counseling (57,263 members)- Falam

    - Admin (29), (Thuthang, Forhawknak, Biazai le Theihkaunak)

3. Chin Thuthang (52,897members)- Falam

    - Admin (22), (Thuthang/News)

4. Falam (36,976 members)- Falam

    -Admin (13), (Thuthang, Pathian thu, Thuforh)

5. MIEPI (mi-e-pi) (34,844 members)- Mi-e/ Hakha

    - Admin (12), (Thuthang/News)

6. ZomiDaily (25,716 members)- Zomi/Tedim

    - Admin (3) (Thuthang, General Knowledge)

7. Innpi Group (25,015 members)- Zomi/Tedim

    - Admin (6), (Thuthang, General Knowledge)

8. Thlarau ruahchannak (24,195 members)- Hakha

    - Admin (9), (Pathian thu, Sermon)

9. Bawipa Cu Ka Damnak (20,907 members)- Hakha

    - Admin (8), (Pathian thu)

10. Chinland Daily News (18,291 members)- Hakha

    - Admin (5), (Thuthang/News)

YouTube Hman-Olsamdan Hrekkhat

1. Software ttullo in YouTube Download tuahnak Olbik “SS”

Mai ngai duhmi hla or sermon ih web-address ahkhan “ss” bet ding a si. Video file kha size format le size a phunphun Audio MP4, 3GP, FLV, WebM, MP4 le HD file size zate mai’ duhmi format le size hril theih a si.

Tahtthimnak ah: FCC Mino ih sakmi Hla “Tleunak Kengtu Mino” timi hla download duh asile

a address ih “www” le “youtube” timi karlak ih (.) hmai ah “ss” tin a tanglam vekin tuah ding.

 

Original link https://www.youtube.com/watch?v=JFnJv54VOac

Download duh tikah https://www.ssyoutube.com/watch?v=JFnJv54VOac

2. Hla fingkhat Repeat tuah dan

Hla ngai mi le duhmi repeat sal duhtikah

EMAIL-GMAIL HMANDAN THUPI (7)

EMAIL-GMAIL HMANDAN THUPI (7)
1. Cakuat Editsal, Thulhsal, Hlonsal le Kuatsallo Tuahnak (Undo Send) 

Na Gmail sungah na lut hnu ah vorhlam kap tlunlam ih Setting kha hmet awla, cule “Settings” timi kha hril aw. Cule General tab tanglam ah “Undo Send” timi na hmu ding. “Enable Undo Send” timi kha tick (or) click awla na duhzat seconds (5, 10, 20, or 30) hril ding a si. 

Thupitnak: Ca na kuat tikah send na hmet leveten a tlunlam ah yellow color ca “Undo link” na hmu dingih na ca kha edit sal, kuatsal lo, lole remsal na duhdan vekin na tuah thei. Mai’  hrilzat second sungah Undo hmet theinak caan a um ve.

2. Gmail Account Tampi Hmangdan (Use Multiple Gmail Accounts)

Browser (Chrome, Mozilla, Internet Explorer) pakhatkhat hmang in Gmail account pakhat hnak tam na hmang duhle account pakhat na “sign in” hnu ah na profile zuk umnak kha click aw. Cule