KHAWNGIAH THER

KHAWNGIAH THER

Tangthu ther ngan dang si sing,
Lamzin lun te ther berh si lei,
Khangther te hawhnak lamzin ah,
Tangthu lun se te bo berh ong si lei,
Raldunnak, dodunnak san te liam si lei;
Khawngiah ther thaw mai nawt si sing.

San ther sungah leng dang si sing,
Tumtahnak ther thaw kalsuan dang tu,
Sanman ruatnak thaw lun dundang a sing,
Siartsang bang lam khat lawn dang a sing,
Khansonak mabang ah kutawng zomdun in,
Khawngiah ther thaw mainawt a sing.

San ther sungah luatnak thaw hawh si sing,
Hausanak, tsarahnak pin luat si la sing,
Nam pi le nam nauta in uk ngawl kei si,
Remnak thaw deihdannak do dang si sing,
Angpinak thaw iksiiknak neh dang a sing,
Luatnak thaw naper mun langkhat dang tu,
Nilun ah kei khawngiah ther mawi tu si.


Lungrualnak khaw ther sungah om si sing,
Thumannak thaw uk dun a sing khaw,
Sualzahnak tinaar khat in dang tu si sing,
Lungse le angnak ah pumkhat reng tuin,
Itnak le remnak laitsi tuh dang tu si sing,
Kei tawkdun dangnak... me khaw ther ah,
Khangther te'n me khawngiah kheh lun tu si.

Loram le thinghalh ther zei dang si sing,
Heipi le tumi ai tsimnak nase zir dang a sing,
Vangkawi le phiaukawi ai thiamnak keng a sing,
Thirnawl le tuzum ai ralphanak nei dang a sing,
Meithel le theltsang ai lungrualnak deng a sing,
Kei pal min ke loram, kei khun min kei thinghalh;
Ro phaber le pasiah phaber tsum dang si sing.

Kei papi, nupi te saat ngawl nak khaw ther ah,
Kei pa kei nu te saam ngawl nak losuan ther ah,
Unau khawpi phunpi ther tethaw rem dang noin,
Nu le pa thuzirhnak nikreng nunpi thahlam in,
Vainiim, tsangtsim lai-eih kham ngawl dinmun pin;
Van pher, bawm se phur buksuk kaiso khawngiah pin;
Langal van thaw Tseet (engine) khawngiah ther lang si lei.

Bawipa kam saak ram nuam zuan in,
Satan thawngtohnak te sansuah tu in,
Lei ningli ah leh nak Van ralkap te si sing,
Van lam ralhiam kim keng dang a singkhaw,
Kawnvel rallian tehem neh berh dang tu si sing,
Leivum hem Pathian thu thaw neh berh zawh’n,
Nehnak khawngiah ther thaw inn hong tu si sing.