PATHIAN.... BAWIPA....Sahrang rual na thlah hai maw si?

PATHIAN.... BAWIPA....(Sahrang rual na thlah hai maw si?) (Saam 121) - (v3) Amah (Bawipa) cun a lo bah ter lo ding. A lo humtu cu a itthat dah lo. (Saam 91) - (v5) Zan ih ttih phan ding tla na ttih lo dingih, Sun ih conkiang khal na ttih lo ding.

Veitampi tonteh hnu... hnglih nawnlonak dingah ngan lawlaw ning!
Gospel vak in ka u le rualpi hrekkhat pawl thawn inn ihsin kan pok,
Riahnak dingah buuk (tent) fate pakhat ka u thawn kan luah,
Ramthing mawng tupi sungah thawmvang awnai phunkim thawn,
Kan riahbuuk le rualpi pawlih riahbuuk cu a hlat aw nawn,
Cutin zan thlavang cun sun nitleu vekin in a vang pempem,
Sahrang, Rul, Ramthuai tivek ttihah riahbuuk cu kan remtthat.

------------ (Thinkhur le thlaphang ih um cingin rinlopi ah) ----------
Caan reilo ah Tiger 2, Lion 2 pawl cun kan riahbuuk lam pan in,
Nuam teten ... in naih vivo zo. (In pialsan leh ko ding tin hnem aw),
In naih deuhdeuh, an tum deuhdeuh, an haa a lang sau deuhdeuh,
Ka u pa cun ti ngaihnak thei ve lo, kan buukte awng cu kan phit rero,
Rualpi pawl in a langhlat ihsin in zoh (in run ngam velo),
Sahrang rual cun in naih sinsin, kan riahbuuk cu an thleng ngaingai,
(Thinlung phuduk, phuduk, khur le tthia phah cingin)
In helkual rero ih (in tlansan ko ding tin hnem aw),
Culaifangah LION pahnih cun kan riahbuuk sung an dawptla ta!

-------------- (second pakhat sungah thilung ih suak cu)-------------
Kan cem!, Kan thih zan! Leilungpi kan suahsan taktak thlang ding!
Duhdawt mi nupi le fa, nu, suahpi, rualpi..... Aw... kan fehsan ding,
Sahrang in in bohthlek kuai thluh ding,
Kan thisen a luang ding,

Kan tuar nat dan ding (Moive sunta mithlam ah cuang)... cutin
Lungto thawn kan phom, an hrang deuhdeuh, in deh tum thlang.

------------- (Van lam thlir in ruahsannak tawpkhawk cu) -------------
Daneil humtu, Samson nehnak petu, Bawipa in runhim aw.....
In luat ter hram aw, na kutcak na lang ter ding kan hnak....
Aw neih hmuahhmuah suah in au in thla kan cam.... rero....

---------------(Culaifang, Sahrang pawlin in dawp tum ciah) -----------
Van ihsin MEISA TLEU in in kah, leilung a kang, leilung a cim!
Sahrang rual pawl khal khur le thia in an khirzuang,
In hmu thei lo, In naih thei nawn lo, kei cun ka hmu ringring!
Bomnak dil in thla ka cam nawn lo (lungawi thu sawn)
Thangthatnak hla ka sa, Sunloihnak ka hlan
Banphar in... PRAISE THE LORD, HALLELUJAH!

------------ (Kan rualpi pawl hi caan sungah khuiah) ------
Ka thei lo,
Asinan kan hmuh mi cu Sahrang pawl an cang thei nawn lo,
Cule leilung Sahrang umnak leilung cu a cim, a min,
Sahrang pawl an thi, leimin in a silhkhat in a fenliam
------------ (Culai ah Van ihsin Choir Awnmawi a thang) ------

Hla cu cawl lo in kan sak, conduct ka tuah...sinan)
Choir saktu pawl an um lo!
Ka kutvaih vekvekin music, Choir awn mawi in in thlun!
Rualpi pawl an ra suak khawm ih mangbang in kan hlim,
Hla kan sak, kan au, kan khuaruah har PATHIAN hi...
Cawl nawn lo in thangthat le zai vawr ka duh...cutin...!

------------- (Kan him, PATHIAN THANGTHAT PHAH IN) ------
PRAISE THE LORD, HALLELUJAH!
PRAISE THE LORD, HALLELUJAH!
PRAISE THE LORD, HALLELUJAH!
Cutin Pathian in hahdam ten zingkhawvang ah in tho ter!
               ***April 13 zinglam zanmang***