Naupangno Te Nenpin Zir Tuh Nun Phun (7)

Naupangno Te Nenpin Zir Tuh Nun Phun (7)

1. Sunnilawh Omthong Men Ngawl Si 

Naupang te heh sunnilawh om thong men thei ngawl si. Bungkuui le a bok in a vaivaw thei pinpan vaak ot, sel ot, ding ot, to ot, zau ot in a hun hem phe tseihtseih in mang si. Tam dohdoh a phe, sel, lekhaw tam dohdoh thiam in tam dohdoh khang so deve si.

2. A Khawthuthek Thei in Lai Ei Si 

Naupang no hem in "pakaan sung-a lai suaksak heh khumsek in ei kultsam" tibang ruatnak nei ngawl si. Lei le meh ur kawzah a tanglai ti ruat ngawl in a kham tian ei si. A pakaan sungah a tanglai kheh seherh ngawl in a pumsung ah a khawthu tian, kham tian bek ei si.

3. Tsangte in A Mutsawm Phang Muakmun Tsawm Si

Naupangno hen tsangte in a mutsawm phang amah le amah muakmun tsawm in a taksa vum ah lungkim ngai in ang si. Kei sinakthek vum ah lungkim tsawm in ang dan thiam a sing. 

4. Mihem Pawl Thiam Si 
Nitin a leida nak ah naupangno hen uham khen pawl thei in naupang pi tethaw khen sah leilei si. Deihdannak nei ngawl in mihem pawl thiam tu kul si sing.

5. Khawma Zau, Khawma Tho Sah Si

Zan eihmu a kham manin zingtho natsang in naupangno hen thangvar ngai in tho thei si. Heitasim tilekhaw, zan in eihmu a khampek ta si. Kei lunglim thangvar theinak tuh TV, Computer, phone te off asingkhaw eihmu khampek tu in khawma zau a sing.

6. Thu-im Nei Ngawl in Lungmu Thiang Nei Si

Naupangno hen a thinlung ah a om thu te im ong ngawl si. A deihnak hem rel tu na si, a angnak khen rel tsuattsuat nom si. A awnkam in a relthiam ngawl khen a mitmai le a omdan in langtiar si. Mi paak le lawmdun thiam kul si sing. 

7. Thil Kohno Vumah Ang Thiam Si 

Naupangno hen thil kohno asikhen kut sung ah a nei nak no thaw sel in a sahnungnak tuh ruat thiam si. A pha lam in ruatnak nei si. Kei neinak vum ah lungkim in a mangdan thiam, ang thiam si a sing.

Theidik: August 15, 2012 in http://www.oplife.org/things-we-can-learn-from-children/ a laiham ka let ongnak si. 

Naupangno in uham te a zirh theinak thu phun 3:  ang reng thiam nak, manthong ngawl in naper thanuam nak, 

kei deihnak ngah rori tuin a ngen dan thiam nak te si.

— Paulo Coelho