"Pa Ni hi..."
1. Pa hi milian, mifim le a thiamthil tlintlaknak ruang lawngah upat si
loin semnak, hringtu Pa a sinak ruang rori ahhin upat pek kan si. Cuti
si lo sehla upat tlak lo mi Pa kan tamtuk. Bible cun Thufim 23:22 ah (A
lo hringtu na pa ih thu ngai aw; Amah um hlah sehla na seem lo ding)
tiah in sim a si.
2. Pa a si lomi pai' tuanvo a latu Nu pawl upat tlak an si. Pai' hnatuan a sawngtu zaten upat ding an si ve. Culosehla Pa Ni hi mikip hrang thil remcang lo mai a si. Mi tampi cu Pa veikhat khal hmu ngah lo, Pa ko dah lo (keimah vek) vonlai pai' thihsan mi khawvel ah kan tam tuk. Mi tampi cu sentet laiah pai' thihsan an si. Mi tampi cu Pa nung lai nan tong ngah hrih lo, pai' kut veikhat khal kai hrih lo ralhla ih thenawk an tamtuk. Mi hrekkhat phei cu Pa hman theih sian lo mi an um sisi. Hibangtuk fate hrangah Pa Ni cu ruahnak titamtu le thinlai kekkuai nak ni duhnung lo men a si.
3. Pa Ni ah biakinn sung ahcun sunloihmi Pa an tamzet. Culai ah Pa tampi cu thawnginn ah, siizung ah, riankhung tuannak hmun ah, hramlak ah, khualtlawn lamlak tvk in Pa Ni hi hlim in an lawm ve lo. Mi tampi cu Pa sinak petu Pathian ih zangfahnak khal thei loin tisa duhnak an thlun ve. Riahsiatza a si.
4. Pa Ni ah nu tampi cu pasal zuun ngai, fanu fapa tampi cu pa an hlam, pai' thihsan hnu ahcun! Fanu fapa tampi cu Pa an hawl; ka pa zo a si ti an thei lo, pai umnak an thei lo, pai dinhmun thi le nung ti an thei lo. Pa an hlam, an hawl. Cuticing cun Pa Ni hi sullam theih a har lonan cohlan a har fualfo.
5. Nu le fa tampi cu Pa Ni ah lungkuai in an um. Pa an tih, pa an ngam lo, pa hmai ah an khur. Biakinn sungah an to nan an thinlung cu khur le tthia cingin an si. Pa Ni cu lungkuai thlacam ni a si; midang Pa vekin tha ve sehla, nupa fa duhdawt ve sehla, innsang cawmtu si ve sehla, nupi fanau ih ttihmi si nawn lo sehla tiah duhthusam Pa an hlam ni a si. Pa hmu duh lo, thei duh lo, biak ngam lo, relh rero nupi-fanu-fapa an mal lo pi! Pacang cubangtuk si cu Pa Ni hi a nun-na nun nunthlengawk ni si ve hram seh.
6. Pa tampi ve cu nupi ih hmuhsuam, faale ih ziangsiarlo an si. Upat co lo cu a zia tuk lai, hmuhsuam mi Pa si hi ziangtluk a poi. Pa Ni ah pa tampi cu sunloih an si, upat an si, laksawng an dong, rawlthaw an hilpi. Culai ah upat le sunloih a si lo mi Pa pawl teh ziangtin so, a tlingmi Pa pawl lawngih Pa Ni ti a si lo ahcun annih khal Pa an sinak ruangah Pa Ni ah lungawi ve thlang seh!
7. Pa tampi cu sungsuak fa nei lo ruangah Pa ni hi hmmm! A lang lomi tuarnak, thinnaunak le mi nun dawnak titamtu Ni a si. Culawng hman silo, kum upa zo kop nei lo Pa pawl, Pa si laklawh pawl khal Pa Ni ziangtin an hmang? Pa Ni ah annih khal Pa dinhmun an laknak, tuanvo an laknak le pekawknak ruangah Pa tiih kawh Ni si ve sehla Pa Ni lungawi in hmang ve seh!
Pa Ni hi pa upat ni le sunloih ni a si. Pa Ni cu kumkhat veikhat lawng a silo nitin zantin a si. Pa upat ni, Pa sunloih ni cu nikhiah a um lo. Bible in nu le pa upat a fialmi a si ruangah thilsual tuah a si thei lo. Pa Ni nikhiah cu nisuahnak lamin an hmang theh zikah nitlaknak lamin an hmang thok zik fang a si. Leilung pumpuluk ah hringtu Pa, Pa zaten Pathian in thlawsuah hram seh!
2. Pa a si lomi pai' tuanvo a latu Nu pawl upat tlak an si. Pai' hnatuan a sawngtu zaten upat ding an si ve. Culosehla Pa Ni hi mikip hrang thil remcang lo mai a si. Mi tampi cu Pa veikhat khal hmu ngah lo, Pa ko dah lo (keimah vek) vonlai pai' thihsan mi khawvel ah kan tam tuk. Mi tampi cu sentet laiah pai' thihsan an si. Mi tampi cu Pa nung lai nan tong ngah hrih lo, pai' kut veikhat khal kai hrih lo ralhla ih thenawk an tamtuk. Mi hrekkhat phei cu Pa hman theih sian lo mi an um sisi. Hibangtuk fate hrangah Pa Ni cu ruahnak titamtu le thinlai kekkuai nak ni duhnung lo men a si.
3. Pa Ni ah biakinn sung ahcun sunloihmi Pa an tamzet. Culai ah Pa tampi cu thawnginn ah, siizung ah, riankhung tuannak hmun ah, hramlak ah, khualtlawn lamlak tvk in Pa Ni hi hlim in an lawm ve lo. Mi tampi cu Pa sinak petu Pathian ih zangfahnak khal thei loin tisa duhnak an thlun ve. Riahsiatza a si.
4. Pa Ni ah nu tampi cu pasal zuun ngai, fanu fapa tampi cu pa an hlam, pai' thihsan hnu ahcun! Fanu fapa tampi cu Pa an hawl; ka pa zo a si ti an thei lo, pai umnak an thei lo, pai dinhmun thi le nung ti an thei lo. Pa an hlam, an hawl. Cuticing cun Pa Ni hi sullam theih a har lonan cohlan a har fualfo.
5. Nu le fa tampi cu Pa Ni ah lungkuai in an um. Pa an tih, pa an ngam lo, pa hmai ah an khur. Biakinn sungah an to nan an thinlung cu khur le tthia cingin an si. Pa Ni cu lungkuai thlacam ni a si; midang Pa vekin tha ve sehla, nupa fa duhdawt ve sehla, innsang cawmtu si ve sehla, nupi fanau ih ttihmi si nawn lo sehla tiah duhthusam Pa an hlam ni a si. Pa hmu duh lo, thei duh lo, biak ngam lo, relh rero nupi-fanu-fapa an mal lo pi! Pacang cubangtuk si cu Pa Ni hi a nun-na nun nunthlengawk ni si ve hram seh.
6. Pa tampi ve cu nupi ih hmuhsuam, faale ih ziangsiarlo an si. Upat co lo cu a zia tuk lai, hmuhsuam mi Pa si hi ziangtluk a poi. Pa Ni ah pa tampi cu sunloih an si, upat an si, laksawng an dong, rawlthaw an hilpi. Culai ah upat le sunloih a si lo mi Pa pawl teh ziangtin so, a tlingmi Pa pawl lawngih Pa Ni ti a si lo ahcun annih khal Pa an sinak ruangah Pa Ni ah lungawi ve thlang seh!
7. Pa tampi cu sungsuak fa nei lo ruangah Pa ni hi hmmm! A lang lomi tuarnak, thinnaunak le mi nun dawnak titamtu Ni a si. Culawng hman silo, kum upa zo kop nei lo Pa pawl, Pa si laklawh pawl khal Pa Ni ziangtin an hmang? Pa Ni ah annih khal Pa dinhmun an laknak, tuanvo an laknak le pekawknak ruangah Pa tiih kawh Ni si ve sehla Pa Ni lungawi in hmang ve seh!
Pa Ni hi pa upat ni le sunloih ni a si. Pa Ni cu kumkhat veikhat lawng a silo nitin zantin a si. Pa upat ni, Pa sunloih ni cu nikhiah a um lo. Bible in nu le pa upat a fialmi a si ruangah thilsual tuah a si thei lo. Pa Ni nikhiah cu nisuahnak lamin an hmang theh zikah nitlaknak lamin an hmang thok zik fang a si. Leilung pumpuluk ah hringtu Pa, Pa zaten Pathian in thlawsuah hram seh!
No comments:
Post a Comment