Khrih ah heh Pawlpi-a luu si (v.23). Jesuh kei it asile khaw Pawlpi it si sing. Pawlpi heh pawlkom menmen si ngawl. Nuam phang it, nuam ngawl phang haw theih nung ngawl. Pawlpi heh kei it tuh si.
Pawlpi in Khrih ah petsawm si (v.24). Pawlpi in Khrih vumah thu nei ngawl. Lu a si Jesuh upatnak le ultungnak pe sawn si. Pawlpi minung hem in Jesuh Khrih itnak thaw pum petsawm in Pawlpi it tuh si.
Khrih in Pawlpi it atsia, Pawlpi tsa amah le amah petsawm si (v. 25). Jesuh in Pawlpi it si. Pawlpi kei itthun asile khaw Jesuh tsa pum petsawm si deve si sing.
Khrih in thu thawmin ti thaw somtsiang atsia, Pawlpi heh baal le zih ngawl in, a thiangrim le sawibang ngawlin puah si (26-27). Pawlpi minung Khrih umtu teheh mi thiangrim te si sing. Thiangrim tiartu Khrih itnak neiin thiangrim nun nei keimahni heh Pawlpi si sing.
Bawipa in pawlpi tsawm in tuamlawm si (v.29). Pawlpi a ittu Khrih tsawmnak le tuamlawmnak te si sing. Mahni le mahni dodun ngawlin Pawlpi itnak thaw tuamlawm dun, tsawm dun sawn a sing.
Keimahni heh Khrih ama ruangpum khen te si in, ama taksa le ruh te si sing (v. 30). Khrih heh pakhat bek a si bangin Pawlpi khen mu theihnung ngawl pakhat bek om si. Mu theihnung biakinn heh tampi om si. Kei vaseng pakhat si dang si sing. Pakhat kei sidang ta itdun si sing.
Jesuh in Pawlpi it si. Pawlpi heh it tuh si. Pawlpi kei it lekhaw Jesuh kei itnak nun tsangkim tu si. Jesuh it atsia Pawlpi it ngawl om theihnung ngawl si.
(Efesa 5:23-30)
Pawlpi Pumkhatnak le Kalsuannak (P2)
Zuk: Monday, 2 July, 2018
No comments:
Post a Comment