HNAHSAWL PHAH NAUHAK THLACAM
Kumhra a rei hnuah hitawk hmun hi ka thleng sal. Thutak sungih hmaisakbik ka rualpi (2) thawn Sunday sun khawm ṭheh tinten thla kan cam ṭheunak hmun a si. Hitawk ahhin camping kai lai le follow up sungih hrinthar sinak sung lamih Thlarau hnaṭuan mangbangza pawl kan rel ṭheu. Cun, ring theitawp in camping hlabu sungih hla pawl kan sak, aw neihtawp suahin thla kan cam. Khawsung ihsin a hlatnak tlang lehlam rawn hramlak a si ruangah mi ih theih ding kan phang lo, kan ning a zak fawn loih sinak zate thawn Pathian kan biaknak hmun a si.
Sunday sun Nubu khawm ṭheh ah mino, nu le pa burkhat Thlacam tlangah thlacam ding kan feh sal. Thlacam caan tawkfang kan hman hnu keimah lawng cuih thlacamnak tlang ihsin a hlat deuhnak thlanglam, hlan kumhra laiih thla kan cam ṭheunak hmun cu ngairiam ah pal ta rengreng ning ti’n ka vung feh. Cuih hmun ka thlen zikah ruah lopi’n thlacam thawmvang ka thei ih ka mangbang tuk. Ka hei naih deuh, thlacam aw a ring deuhdeuh. Thingkung le hrampi phen ihsin dimten ka naih deuhdeuh ih a thupten ka ngai cuh, mangbangza thlacam au aw thawng a si. Nu le pa pawl hrang, khua le ram hrang, rualpi piangthar hrih lo pawl hrang lainat thlacamnak aw a si, ziangtluk theih a nuam – mangbangza so a si. Thingkung tangih hnahsawl phah hitiih nauhak thlacam cu film camera te thawn a thupten ka zuk. Reinawn cuih thlacam aw ka ngai hnu ka um thei nawn lo, anmah thawn thlacam ve rori ka duh ih Amen an ti leveten hmaisong phah cingin thlacam telve ding ka run dilih ka tel cih. Thazang peknak le forhnak, thlacam saknak ka neih hnuah ka fehsan – annih khal thlacam an pehsal.
Nauhak pawlin anmah ten Pathian an biak, anmah ten thlacam an thiam, Pathian thangṭhat khal nuam an ti ve. Thinlung tak le duhnak taktak thawn thla an cam taktak. Upa pawl sawn hin veitampi thlacam caan ah a mawinak le ṭongkam mawi kan nolh rero men. Nauhak pawl cun thla an cam tikah ṭongkam mawi an ruat lo, ngai nuam zawng an ruat lo, an thinlung ih duhnak taktak kha Pathian hnenah an sim sawn. Pastor pakhat ih thusim ka ngai dahmi cu, “na faate hrangah thla na cam lo asile, na faate pawlin na hrangah anhai in thla an cam leh ding,” ti a si. Thlacam uh si!
Hi zuk hi kumhra a rei hnuah ka hmusal ih a liamcia kumhra laiih thinlung sung hnangamnak le Thlarau ih biaknak aw kha ka thei ringring lai – kum 20 a rei thlang. Annih pawl khal upa puitling an si ve zo. An thlacam aw Pathian in a ngaisak ih atu cun rinsan tlak an si ṭheh zo. A liamcia kum 20 laiih thlacampi ka rualpi pawl khal titheitawk Pathian hna\uan in hmai an nor rero lai. Sual hnu, cangsual hnuih piangthar Pathian mihman pawl lawng uar, ngaisang loin nauhak ten Pathian thuthlun pawl hi uar sehla, Laimi tuhnakin Pathian thu theihnak le nunpitnak lamah kan dinhmun a sang deuh hrimhrim ding.
Leitlun nauhak zaten Pathian in thlawsuah pek hram seh. Laimi nauhak pawl Pathian in thlawsuah pek hram seh. Christian nauhak pawl hmangin Pathian in a sunlawinak langter hram seh. Leitlun nauhak zaten Pathian in kilveng hram seh. Laimi Christian nauhak pawl Pathian in hmang hram seh. Laimi Christian nauhak pawl thlacam cio hram seh. May GOD bless all children around the world. Amen!
Kumhra a rei hnuah hitawk hmun hi ka thleng sal. Thutak sungih hmaisakbik ka rualpi (2) thawn Sunday sun khawm ṭheh tinten thla kan cam ṭheunak hmun a si. Hitawk ahhin camping kai lai le follow up sungih hrinthar sinak sung lamih Thlarau hnaṭuan mangbangza pawl kan rel ṭheu. Cun, ring theitawp in camping hlabu sungih hla pawl kan sak, aw neihtawp suahin thla kan cam. Khawsung ihsin a hlatnak tlang lehlam rawn hramlak a si ruangah mi ih theih ding kan phang lo, kan ning a zak fawn loih sinak zate thawn Pathian kan biaknak hmun a si.
Sunday sun Nubu khawm ṭheh ah mino, nu le pa burkhat Thlacam tlangah thlacam ding kan feh sal. Thlacam caan tawkfang kan hman hnu keimah lawng cuih thlacamnak tlang ihsin a hlat deuhnak thlanglam, hlan kumhra laiih thla kan cam ṭheunak hmun cu ngairiam ah pal ta rengreng ning ti’n ka vung feh. Cuih hmun ka thlen zikah ruah lopi’n thlacam thawmvang ka thei ih ka mangbang tuk. Ka hei naih deuh, thlacam aw a ring deuhdeuh. Thingkung le hrampi phen ihsin dimten ka naih deuhdeuh ih a thupten ka ngai cuh, mangbangza thlacam au aw thawng a si. Nu le pa pawl hrang, khua le ram hrang, rualpi piangthar hrih lo pawl hrang lainat thlacamnak aw a si, ziangtluk theih a nuam – mangbangza so a si. Thingkung tangih hnahsawl phah hitiih nauhak thlacam cu film camera te thawn a thupten ka zuk. Reinawn cuih thlacam aw ka ngai hnu ka um thei nawn lo, anmah thawn thlacam ve rori ka duh ih Amen an ti leveten hmaisong phah cingin thlacam telve ding ka run dilih ka tel cih. Thazang peknak le forhnak, thlacam saknak ka neih hnuah ka fehsan – annih khal thlacam an pehsal.
Nauhak pawlin anmah ten Pathian an biak, anmah ten thlacam an thiam, Pathian thangṭhat khal nuam an ti ve. Thinlung tak le duhnak taktak thawn thla an cam taktak. Upa pawl sawn hin veitampi thlacam caan ah a mawinak le ṭongkam mawi kan nolh rero men. Nauhak pawl cun thla an cam tikah ṭongkam mawi an ruat lo, ngai nuam zawng an ruat lo, an thinlung ih duhnak taktak kha Pathian hnenah an sim sawn. Pastor pakhat ih thusim ka ngai dahmi cu, “na faate hrangah thla na cam lo asile, na faate pawlin na hrangah anhai in thla an cam leh ding,” ti a si. Thlacam uh si!
Hi zuk hi kumhra a rei hnuah ka hmusal ih a liamcia kumhra laiih thinlung sung hnangamnak le Thlarau ih biaknak aw kha ka thei ringring lai – kum 20 a rei thlang. Annih pawl khal upa puitling an si ve zo. An thlacam aw Pathian in a ngaisak ih atu cun rinsan tlak an si ṭheh zo. A liamcia kum 20 laiih thlacampi ka rualpi pawl khal titheitawk Pathian hna\uan in hmai an nor rero lai. Sual hnu, cangsual hnuih piangthar Pathian mihman pawl lawng uar, ngaisang loin nauhak ten Pathian thuthlun pawl hi uar sehla, Laimi tuhnakin Pathian thu theihnak le nunpitnak lamah kan dinhmun a sang deuh hrimhrim ding.
Leitlun nauhak zaten Pathian in thlawsuah pek hram seh. Laimi nauhak pawl Pathian in thlawsuah pek hram seh. Christian nauhak pawl hmangin Pathian in a sunlawinak langter hram seh. Leitlun nauhak zaten Pathian in kilveng hram seh. Laimi Christian nauhak pawl Pathian in hmang hram seh. Laimi Christian nauhak pawl thlacam cio hram seh. May GOD bless all children around the world. Amen!
No comments:
Post a Comment