An Theicia Lo

An Theicia Lo

Abaraham in zumnak thawn inn ihsin a poksuak laiah hmailam ih a ton dingmi harsatnak tampi a theicia thluh lo. Pathian ih tiamkam mi lawng thlirin zumnak thawn a feh ko.

Joseph kha zuar a si laiah cun zangfakza te a si. Asinan sal a cannak cu bawi tohkham karbak a thoknak a si sawn. Bawi a si tikah cun lungawiza ngaingai a si. Sal dinhmun ih a um laiah bawi a si leh ding tiah a ule pawlin an thei cia lo.

"Minung ih fehnak lamzin cu Bawipa in a sial sakih an nuncan parah a lung a awi" (Saam 37:23)

Thah luat dingah tidai ih fen rero mi Moses kha Israel mi siarcawk lo luatnak hruaitu a si leh ding ti an thei lo. Nelrawn ramcar ah tuukhal in a vahvaihnak ram cu Israel mipi pawlih zawh ding ramkau a si tiah an thei cia lo.

Asinan Bawi Jesuh cun minung sinak lakin minung a rung can tikah a ton le tuar dingmi zaten a thei cia theh.

Pathian minung pawl zumnak thawn kekar ih nun lamtluan ah theih cia lo mi tampi kan tong, kan tuar. Sihman sehla, ziangkim a theiciatu Bawipa Jesuh dung thlun ih feh ding hmabak kan nei a si. Kan lungawinak le nun nomnak hrangah kan co dingmi Vancung ram le Thlarau lam thlawsuah siar lo lei lamih nun retheihnak pawl cu theicia dingah in siang lo, Pathian A Tha!

Zuk- 2011 June 19 Father's Day, LCF biakinn ah quartet sak lai.