Islam Minung Jesuh Cohlangtu Piangthar An Pung Sinsin
==================================
Sudan
Ral meikhu a zaam nak Sudan ah Pathian thlarau meialh a nasa sawn ih mangbangza in Khrih dungthluntu an pungzai tiah report a si.Muslim pawl ih cahnak hmunkhuarnak Africa saklam Nile River Valley kiangkap ah Sundan mi (1) million an piangthar zo pawl hremnak, ral, hmuhsuamnak cu tam hmanseh rampi sungah zumtu (5.5) million hrawng an si zo ding.
Pakistan
Pathian ih kutcak hi Pakistan ah a lang har ve tiah a ti tu tla kan um men ding, cutin a si lo, ṭhangharhnak meitleu in a ramri kimvel ah a kulh. Pakistan Christian hruaitu pawl in "lungthlengnak puakkuai" in rampi a hnin tiah zingzoitu Rosenberg an theihter. Piangthar zumtu 2.5 million ihsin 3 million an kim ding tiah zum a si. Afghan-Pakistan ramri kam ih khawpi sung le khawte khua mi pawl Khristian an lut rero.
Egypt
Egypt leiram ah revival khuari in mi lungthin a hnin dumdo. Zumtu thar tampi tel in Khrih dungthluntu 2.5 million hnak an tam, mi tampi cu Muslim lungthleng piangthar an si tiah Rosenberg in a sim.
Martyr tuartu pawl ih thlarau pawl cun Jesuh hrangah thih ngamtu ding zumtu pawl an sawm. Hremthahnak le dodalnak pawl cu rinum zumtu pawl hrangah cahnak thazang a si. Mangbangza thil tampi a thleng ding tiah zum a si.
Iran
Islamic Fundamental pawl cun Thuthangṭha huham cu an neh ta lo. 1970 ah Muslim 500 hrawng in Jesuh an cohlang. Kum 2000 ahcun Christian 220,000 an kim. Hmaiton thusuhnak ah Iran Khristian hruaitu pawl ih simdan ahcun 2000 - 2008 karlak ah zumtu an karhbik ih Muslim 80,000 hrawng in Jesuh an cohlang. Na siar zo vekin, kum 21 sungah Christian 500 cu 22,000 ah an ṭhang.
Saudi Arabia
Islam khawvel hminthangbik Saudi Arabia ram ah zumtu an karh ding cu na zum ban lo men ding, asinan a taktak a si. Muslim pawl ih hmun thupibik Mecca khuapi hman ah Zumtu 100,000 hrawng an um ding tiah Arab Khristian hruaitu pawl cun 2005 ah zumnak an nei. Cumi ruah tikah tui dinhmun ah mipum tamzet an karh zo ding tiah Joel Rosenberg ih report ah a lang.Iraq
ISIS le Arab Spring pawl ih hriamhrei ruangah Zumtu an hlo vivo ti hi Iraq ih Khristian dinhmun diktak a si. Dunglam zohsal sehla 2003 hlan ahcun Iraq ram ah Zumtu 400 - 600 karlak lawng an si. Hmansehla 2008 ahcun Iraq Christian mipum hi 70,000 hnak tam an kim ding tiah Iraq Khristian hruaitu pawl in in sim tiah Rosenberg cun a langter.
Algeria
Hih Muslim khua hmunhnget cu a hnin, a sawn thok rero. Muslim 80,000 hrawng cu Jesuh dung an thlun zo. Khristian pawl hmunkhat ah pumkhawm ding sianlo ih khamnak cun Zumtu mipum a karh ter vivo. Thlarau Thianghlim mei a lalh thok lawng a si lai.
Jordan
Muslim halh ram Jordan tiva kimvel ramri pawl tla Khristian leiram a cang vivo thlang. Jesuh Khrih ih zangfahnak le lainatnak cu nehnak a si. A liamcia kum sawmli sung zoh tikih mi malte ihsin Zumtu 5,000 - 10,000 karlak hrawng an um ding tiah Conservative pawl cun an zum. Khatlam ah Jordanian ministry hnaṭuantu pawl cun ram pumpi ah Zumtu 50,000 hrawng an kim ding tiah an zum ve. Ziangtin a sile khalle Jordan ah Jesuh ih rundamnak cotu an karh.
Journalist George Thomas ih hminsin mi vek asile ram luahtu Muslim tambiknak saklam Africa, Mauritania, Western Sahara, Morocco, Algeria, Libya le Tunisia pawl ah Islam biaknak phatsan in Jesuh Khrih cohlangtu, dungthuntu an karh deuhdeuh ih ṭhangharhnak
a thleng vivo ti a si.
Joel Rosenberg ih zingzoi hmuhsuahmi ahcun Muslim tam nak khua le ram tampi ah Jesuh cohlangtu an karh vivo. Muslim background ihsin lungthlengtu/piangthartu Khristian 13 million hrawng an kim zo. -Chrisma News
No comments:
Post a Comment