Cungnungbik Riantu

Cungnungbik Riantu
Pastor
Pathian ih hriakculh, Thisen’h leimi tuurual khaltu;
          Hrilmi miphun Khrih ruangpum tungdingtu.
Amai’ hrangah a nunglo tuuruun himnak a hril,
          Sahrang le thlisia hmaiah phentu a si.
Zinpial zawhhnu tuurual tla a hruaikir,
          Khrih in Kawhhran kilkhawitu ah a tuah.

Evangelist
Hmuntin fehin Rundamnak Thuthangṭha phuang uh,
          Miphun hmuahhmuah ka dungthluntu va si ter uh.
A phuanmi thu ruangah Thuthangṭha mei a alh,
          Hrambur sungih thinlung bawrhhlawh tla a kang ṭheh.
Sualsal tang pawl luatnak thuthang tlang a au,
          Beidong vansangmi pawl lungawi in an lam zo.

 Missionary
Zoso ka thlah ding, Ka hrangah zo a feh ding?
          Hinah ka um, Bawipa Keimah i thlah aw!
A kawhmi palai, huham cahnak a pek,
          Cinghnia le rul umnak hmun ah a thlah.
A fehnak ah, hlawnthil le sumpai a keng lo,
          Thuthangṭha phuangtui’ ke ziangtluk a mawi.

Closing
Zangfahnak caan (Bawipai’ loram sungah)
Pathian riantu (Vanlam’h kawhnak ngaiin)
Raltu zahra (soiselnak phusing lakah)
Kenmi ralthuam (Bible le khulbil thlacam)
Doral nehtu (Cungnungbik riantu an si).

Noted: 2015 FCC Minister Sunday ih siarmi a si.
-Amoschin Bk (24 May 2015)