Khristian Pawlih Peknak (Paul ih Zirhmi)

Khristian Pawlih Peknak (Paul ih Zirhmi)

1. Peknak Ih Tumtahmi
Pathian ih tuahmi a amai’ ta kan si (Isaiah 43:7). Nan ei, in, tuahmi zate Pathian sunlawinak  siseh (I Corinthians 10:31)

2. Pathian ih Velneihnak: Zumtu pawl ih peknak cu Pathian zangfahnak le velneihnak ruangah pek a si. Leilung pumpi le a sung ummi hmuah hmuah cu keimai ta a si (Psalm 50:10-12). Lung mankhung a zaten Bawipa ta a si (Haggai 2:8). Thiltha kan comi a zaten tlunlam ihsin a rami an si theh (James 1:17). Curuangah “ka ta, kan ta” kan ti theimi a um lo. 

3. Sunglam Nun: Paul cun, duhdawtnak thawn bawm, pek ding in a zirh (II Cor. 8:8). 
I Corinthians 13:3 ah  Paul in, duhdawtnak tello ih pek cu a lak tin a sim. 

4. Pathian ih Duhnak: Thinlung, pum peknak hi Pathian duhmi a si (II Cor. 8:5). 

5. Pek Kan Timi Cu: Kan neihmi vekin pek ding a si, neihmi pohpoh pek ding. Pathian in nei lomi a dil lo (II Corinthians 8:11,12).

MI THUPI PHUNHNIH KAN UM

MI THUPI PHUNHNIH KAN UM

1. Ngah duhmi nei ruangih mi duhdawt le duhdawtnak thinlung neih ruangih mi duhdawt kan um.
2. Natnak nei lo ruangih mi dam le natnak neidah nain damsal zo ruangih mi dam kan um.
3. Sual tuah ding umlo ruangih mifel le sual tuah ding tampi lakah tuah lo ih um thei mifel kan um.
4. Ngah ding beisei ruangih hnatuantu le duhsaknak, lawtnak ruangih hnatuantu kan um.
5. Neizet nan pe sianglotu le neilo cing khalih neihsun pesiangzettu kan um.
6. Hruaitu sisi ih hruaimi tluklo le hruaimi sisi ih hruaitu ziangsiarlo kan um.
7. Ca siar thiamlo, siar theilo ruangih ca thiamlo le siar thiam, siar thei nacingih siarlo ruangih ca thiamlo kan um.
8. Mai’ palhnak remthat tumlo le midang ih palhnak hmu sual ringring kan um. ><
Noted: Cross Thuthang-FCC, February 2016.

THEI KAU TUAN MAL

THEI KAU TUAN MAL

                                

Thuhmai hruai

“Nei lo hnakin thei lo a har sawn,” timi tongfim hi a ol zawngin kan pom hmang. Pacang pa pakhat cun a note-book ah “thei na in nei silo ah cun thei lo ih nei lo hnak in a har sawn,” tin a ngan. Kan harsatnak a tamsawn hi kan thei lo ruangah maw kan  nei lo ruangah a si pei. Asilole kan thei nain kan nei lo ruangah a sisawn pei maw. Cuih thu cu himi cahram  nih a  cangtheitawk tarlang ding tumtah in ngan mi a si.

Theihnak

Theilo tikah tuah a theih  lo vek in, tuah lo ahcun nei a theih ve lo. Mifimthiam pawl vek in ceet (engine), computer le thil dangdang tampi kan tuah ve thei lo. Ziangahtile a tuah dan le a tulmi pawl kan nei lo ruangah a si. Mifim pawl cun an theimi thu pakhat cu a tuahsuak tikah thu dang tampi an theibet ih thildang tampi an tuah. Nang le kei teh kan thei lo ruangah kan tuah lo a si maw, kan tuah lo ruangah kan thei lo a sisawn pei. Laimi pawl in kan thei ih kan tuah theimi, kan tuah lo mi thil tampi a um.

Fimnak

Laimi kan thangso sinsin theinak dingah kan hawl ding thupi bik pakhat cu fimnak a si. Ziangahtile

THANKSGIVING DAY THUANTHU TAWI

THANKSGIVING DAY THUANTHU TAWI

Thanksgiving Day hman hmaisabiktu cu England ihsin biaknak raltlan (102) pawl in 1621 ah an thok. Hih biaknak raltlan pawl hin Atlantic Ocean pahtlang in  1620 ah North USA an thleng. North USA an thlen tikah inntek Wampanoag Indian mi pawlin lothlo le thlaici cindan an zirh hai ih cuisin rawlkhawm ding an neih lungawinak le thihnak ihsin an luat lungawinak puai an tuahmi ihsin a cangthok mi a si. Cuih an puai ah lothlo le thlaici cindan zirhtu Wampanoag Indian pawl khal an sawm dah.

A hmaisabik Thanksgiving Day an puai ah Nunau (5) hrawng lawng an tel tiah thuanthu thiam pawl in an sim. Ziangruangah tile nunau pawl cu biaknak raltlan ih an tawivahnak lamlak ah an nun an caan tiah an zum. Playmouth Pilgrims biaknak raltlan pawl ih Atlantic Ocean parih an tomi Long hmin cu Mayflower ti a si.
Playmouth tikulh an thlen tikah hminsinnak Lungto tumpi pakhat ah "1620" ca an ngan ta. Playmouth Pilgrim biaknak raltlan pawl hmaihruaitu cu Governor William Bradford a si.

# President Abraham Lincoln in  November Zarhlinak ih Thursday tinten rampi Thanksgiving Day hman dingah thu a than.